Get ég fengið reikninginn? Þráinn Bertelsson skrifar 27. október 2008 05:30 Ráðvillt ríkisstjórn hefur nú stjáklað fram og aftur í nokkrar vikur eins og kvíga með kálfssótt. Ástæðan er að gullgerðin brást en bullgerð tók við. Gullgerðarmenn eru flúnir úr landi en bullgerðarmennirnir sitja eftir. Og nú er hafinn leikurinn „Ekki-benda-á-mig", þar sem við munum sjá stórkostlega hugkvæmni og snilldartakta í þeirri gömlu íþrótt af afsala sér allri ábyrgð. Sömuleiðis munu valdhafar sem trúðu í blindni á gullgerðarmennina útskýra fyrir okkur að ástandið í heiminum og afstaða himintungla sé andsnúin gullgerð og því hafi farið sem fór og sé engum að kenna, nema óguðlegu líferni þjóðarinnar sjálfrar. Bullgerðarmenn munu einnig leggja á það gífurlega áherslu að það hættulegasta sem geti gerst sé að virkja lýðræðið og ganga til kosninga um hverjir eigi að leiða uppbygginguna. „Félagsmálastofnun þjóðanna", Alþjóðagjaldeyrissjóðurinn ætlar að gauka að okkur láni upp á tvo milljarða dollara. Hitt er svo annað mál að skitnir tveir milljarðar dollara eru ekki nema eins og upp í nös á ketti, því að gullgerð er kostnaðarsamt fyrirtæki. Ekkert af þessu kemur mér á óvart enda hef ég ekki lengur neinar væntingar til bullgerðarmanna né bullgerðarflokka. Það sem ég þarf að fá að vita er einfaldlega hvað á ég að borga mikið til að geta fengið að vera í friði um stund fyrir bulli og glópagulli. Það eru ýmsar tölur á kreiki. Lægsta tilgáta hljóðar upp á 3 milljónir á hvert mannsbarn á landinu. Sú hæsta sem ég hef heyrt nefnda er 43 milljónir, eða 172 milljónir á hverja fjögurra manna fjölskyldu. Gjaldeyristryggt og með snotrum vöxtum. Það er kannski frekja að spyrja svona núna þegar allir sitja á mikilvægum fundum út af ástandinu, og má ekki skilja svo sem ég sé að mögla eða kvarta undan hlutskipti mínu. Mér þætti bara gott að fá upplýsingar um það við fyrstu hentugleika hvort við hérna í Fischersundi 3 eigum að borga 12 milljónir eða 172 fyrir að hafa fengið að fylgjast með hinu óhugnanlega gullæði sem sumir kalla frjálshyggju og byggist á einlægri trú á óskeikulleka Markaðarins (sem áður var kallaður Mammon). Viltu birta grein á Vísi? Sendu okkur póst. Senda grein Þráinn Bertelsson Mest lesið Halldór 4.10.2025 Halldór Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun Lyftum umræðunni á örlítið hærra plan Jóna Hlíf Halldórsdóttir Skoðun Transumræðan og ruglið um fjölda kynja Einar Steingrímsson Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun
Ráðvillt ríkisstjórn hefur nú stjáklað fram og aftur í nokkrar vikur eins og kvíga með kálfssótt. Ástæðan er að gullgerðin brást en bullgerð tók við. Gullgerðarmenn eru flúnir úr landi en bullgerðarmennirnir sitja eftir. Og nú er hafinn leikurinn „Ekki-benda-á-mig", þar sem við munum sjá stórkostlega hugkvæmni og snilldartakta í þeirri gömlu íþrótt af afsala sér allri ábyrgð. Sömuleiðis munu valdhafar sem trúðu í blindni á gullgerðarmennina útskýra fyrir okkur að ástandið í heiminum og afstaða himintungla sé andsnúin gullgerð og því hafi farið sem fór og sé engum að kenna, nema óguðlegu líferni þjóðarinnar sjálfrar. Bullgerðarmenn munu einnig leggja á það gífurlega áherslu að það hættulegasta sem geti gerst sé að virkja lýðræðið og ganga til kosninga um hverjir eigi að leiða uppbygginguna. „Félagsmálastofnun þjóðanna", Alþjóðagjaldeyrissjóðurinn ætlar að gauka að okkur láni upp á tvo milljarða dollara. Hitt er svo annað mál að skitnir tveir milljarðar dollara eru ekki nema eins og upp í nös á ketti, því að gullgerð er kostnaðarsamt fyrirtæki. Ekkert af þessu kemur mér á óvart enda hef ég ekki lengur neinar væntingar til bullgerðarmanna né bullgerðarflokka. Það sem ég þarf að fá að vita er einfaldlega hvað á ég að borga mikið til að geta fengið að vera í friði um stund fyrir bulli og glópagulli. Það eru ýmsar tölur á kreiki. Lægsta tilgáta hljóðar upp á 3 milljónir á hvert mannsbarn á landinu. Sú hæsta sem ég hef heyrt nefnda er 43 milljónir, eða 172 milljónir á hverja fjögurra manna fjölskyldu. Gjaldeyristryggt og með snotrum vöxtum. Það er kannski frekja að spyrja svona núna þegar allir sitja á mikilvægum fundum út af ástandinu, og má ekki skilja svo sem ég sé að mögla eða kvarta undan hlutskipti mínu. Mér þætti bara gott að fá upplýsingar um það við fyrstu hentugleika hvort við hérna í Fischersundi 3 eigum að borga 12 milljónir eða 172 fyrir að hafa fengið að fylgjast með hinu óhugnanlega gullæði sem sumir kalla frjálshyggju og byggist á einlægri trú á óskeikulleka Markaðarins (sem áður var kallaður Mammon).
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun