Slegið á hendur tollgæslunnar 1. apríl 2008 10:44 Varla er ég einn landsmanna sem hristi hausinn yfir nýjustu vendingum ráðamanna í tollgæslumálum suður með sjó. Það hefur verið aðdáunarvert að fylgjast með samstilltum störfum lögreglu og tolls við anddyri Íslands á síðustu misserum. Sá kraftur og sú fagmennska sem þar hefur ráðið ríkjum, eftir að náið samstarf embættanna hófst fyrir nokkrum árum, hefur gert það að verkum að hvert stórsmyglið af öðru hefur verið upplýst - og, ef því er að skipta, hvert Íslandsmetið af öðru hefur verið sett í handlagningu fíkniefna. Landsmenn hafa hrifist af framgöngu Jóhanns R. Benediktssonar og hans fólks á Suðurnesjum á undanliðnum árum. Stöð 2 sá ástæðu til að velja tollgæsluna á svæðinu "mann ársins 2007" og þótti mörgum það vel valið, þar á meðal dómsmálaráðherra þjóðarinnar. Nú á að skera á tengslin. Nú á, í krafti hagræðingar, að kasta samlegðaráhrifum þessara mikilvægu embætta fyrir róða. Hvað gengur mönnum til? Jóhann R. Benediktsson bregst hárrrétt við. Þakkar pent fyrir sig og óskar starfsloka. Ég sem hélt að það ríkti þjóðarsamstaða um að berjast gegn fíkniefnavánni af almennilegum krafti. Ég sem hélt að þjóðin væri búin að fá upp í háls af uppivöðslu eiturefnabaróna og handrukkara. Það á sumsé að hætta samstilltu átaki gegn þessum lýð. Rjúfa tengsl tolls og löggæslu. Eru ráðamenn á einhverjum efnum? ÞaÐ er ekki laust við að sú grunsemd vakni ... -SER. Viltu birta grein á Vísi? Sendu okkur póst. Senda grein Mannamál Sigmundar Ernis Mest lesið Er kominn tími á Útlendingafrí? Marion Poilvez Skoðun 1. maí er líka fyrir fatlað fólk! Geirdís Hanna Kristjánsdóttir Skoðun Janus og jakkalakkarnir Óskar Guðmundsson Skoðun Verkalýðshreyfingin á næsta leik í Evrópuumræðunni Dagbjört Hákonardóttir Skoðun Immigrant Women: Essential Workers, Rising Voices on Labor Day Maru Alemán Skoðun Á milli steins og sleggju Heinemann Ólafur Stephensen Skoðun Hvað ert þú að gera? Eiður Welding Skoðun Börnin á Gasa Ebba Margrét Magnúsdóttir Skoðun Samtalið um dauðann veldur okkur óöryggi Ingrid Kuhlman Skoðun Allir eiga rétt á virku lífi — líka fatlað fólk Anna Margrét Bjarnadóttir Skoðun
Varla er ég einn landsmanna sem hristi hausinn yfir nýjustu vendingum ráðamanna í tollgæslumálum suður með sjó. Það hefur verið aðdáunarvert að fylgjast með samstilltum störfum lögreglu og tolls við anddyri Íslands á síðustu misserum. Sá kraftur og sú fagmennska sem þar hefur ráðið ríkjum, eftir að náið samstarf embættanna hófst fyrir nokkrum árum, hefur gert það að verkum að hvert stórsmyglið af öðru hefur verið upplýst - og, ef því er að skipta, hvert Íslandsmetið af öðru hefur verið sett í handlagningu fíkniefna. Landsmenn hafa hrifist af framgöngu Jóhanns R. Benediktssonar og hans fólks á Suðurnesjum á undanliðnum árum. Stöð 2 sá ástæðu til að velja tollgæsluna á svæðinu "mann ársins 2007" og þótti mörgum það vel valið, þar á meðal dómsmálaráðherra þjóðarinnar. Nú á að skera á tengslin. Nú á, í krafti hagræðingar, að kasta samlegðaráhrifum þessara mikilvægu embætta fyrir róða. Hvað gengur mönnum til? Jóhann R. Benediktsson bregst hárrrétt við. Þakkar pent fyrir sig og óskar starfsloka. Ég sem hélt að það ríkti þjóðarsamstaða um að berjast gegn fíkniefnavánni af almennilegum krafti. Ég sem hélt að þjóðin væri búin að fá upp í háls af uppivöðslu eiturefnabaróna og handrukkara. Það á sumsé að hætta samstilltu átaki gegn þessum lýð. Rjúfa tengsl tolls og löggæslu. Eru ráðamenn á einhverjum efnum? ÞaÐ er ekki laust við að sú grunsemd vakni ... -SER.