Hugmyndir Svía um nútímann 8. júní 2007 00:01 Það er viss passi í kringum hina árlegu fegurðarsamkeppni Ungfrú Ísland að henni sé mótmælt, einkum af ljótu og bitru femínistunum sem enginn vildi sofa hjá. Alltaf eru aðstandendur keppninnar jafn gáttaðir á gagnrýninni, enda frjálst val ungu stúlknanna með vaselínsmurðu skelfingarbrosin að taka þátt í viðkomandi skrokkasýningu. Sem er alveg rétt. Ekki fá þær pening fyrir. Í mesta lagi þrjátíu kíló af nælonsokkum, ef þær eru nógu vinsælar. Titillinn vinsælasta stúlkan sannar að þetta snýst ekki bara um að þegja og vera sæt. Aðstandendur keppninnar leggja áherslu á að alltaf sé dæmt út frá bæði útliti og persónuleika, og ekki bara sem sárabót fyrir stelpurnar sem komu ekki nógu vel út úr læramælingunum en eru samt geðveikt hressar. Það virðist skipta suma máli að einnig sé dæmt út frá ágæti persónuleika, en ég get ekki séð að slíkt sé neitt minna umdeilanlegt en útlitsfegurð. Allavega hefði ég átt í mesta basli með þann hluta dómgæslunnar í Ungfrú Ísland, enda jákvæðni, bjartsýni og köllun til hjálparstarfs í Afríku ekki efst á mínum lista yfir mannkosti. Sumir femínistar vilja hér sem annars staðar fara „sænsku leiðina". „Sænska leiðin" þýðir nokkurn veginn alltaf „sænsku leiðindin", enda leiðir Svía aldrei órannsakanlegar. Nema mögulega í fegurðarbransanum. Svíar hafa sumsé neitað að senda fulltrúa sinn í Ungfrú Alheim, þar sem þeir telja alþjóðlegu keppnina ekki vera í takt við nútímann. Þar sé enn lögð of mikil áhersla á niðurlægjandi og yfirborðskennt bikinístripl. Í Svíþjóð hafa verið þróaðar aðrar og nútímalegri aðferðir. Ungfrú Svíþjóð verður ekki lengur kjörin með hefðbundnum hætti heldur er sótt um titilinn eins og hvert annað starf og aukin áhersla lögð á andlegt atgervi og menntun, enda þarf fegurðardrottningin að vera verðugur fulltrúi lands og þjóðar. Fulltrúi lands og þjóðar? Munaðarleysingjahæli og kokkteilboð? Eigum við ekki svoleiðis? Það er orðum aukið að kalla forsetakosningarnar fegurðarsamkeppni (enda hefði Ástþór þá rústað Ólafi) - ætli þær séu ekki meira í ætt við kosninguna um vinsælustu stúlkuna. Förum íslensku leiðina. Ungfrú Ísland beri loks nafn með rentu og sé einfaldlega kjörin forseti. Með sprota og kórónu. Í sokkabuxum frá Oroblu. Viltu birta grein á Vísi? Sendu okkur póst. Senda grein Kristín Svava Tómasdóttir Mest lesið Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Áform um að eyðileggja Ísland! Jóna Imsland Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Bandaríkin voru alltaf vondi kallinn Karl Héðinn Kristjánsson Skoðun Menntasjóður, skref í rétta átt? Eyrún Baldursdóttir Skoðun Ísland er síðasta vígi Norður-Atlantshafslaxins Ingólfur Ásgeirsson Skoðun Vegið að börnum í pólitískri aðför að ferðaþjónustunni Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun Kæfandi klámhögg sveitarstjóra Jón Trausti Reynisson Skoðun Fólkið í flokknum Helgi Áss Grétarsson Skoðun
Það er viss passi í kringum hina árlegu fegurðarsamkeppni Ungfrú Ísland að henni sé mótmælt, einkum af ljótu og bitru femínistunum sem enginn vildi sofa hjá. Alltaf eru aðstandendur keppninnar jafn gáttaðir á gagnrýninni, enda frjálst val ungu stúlknanna með vaselínsmurðu skelfingarbrosin að taka þátt í viðkomandi skrokkasýningu. Sem er alveg rétt. Ekki fá þær pening fyrir. Í mesta lagi þrjátíu kíló af nælonsokkum, ef þær eru nógu vinsælar. Titillinn vinsælasta stúlkan sannar að þetta snýst ekki bara um að þegja og vera sæt. Aðstandendur keppninnar leggja áherslu á að alltaf sé dæmt út frá bæði útliti og persónuleika, og ekki bara sem sárabót fyrir stelpurnar sem komu ekki nógu vel út úr læramælingunum en eru samt geðveikt hressar. Það virðist skipta suma máli að einnig sé dæmt út frá ágæti persónuleika, en ég get ekki séð að slíkt sé neitt minna umdeilanlegt en útlitsfegurð. Allavega hefði ég átt í mesta basli með þann hluta dómgæslunnar í Ungfrú Ísland, enda jákvæðni, bjartsýni og köllun til hjálparstarfs í Afríku ekki efst á mínum lista yfir mannkosti. Sumir femínistar vilja hér sem annars staðar fara „sænsku leiðina". „Sænska leiðin" þýðir nokkurn veginn alltaf „sænsku leiðindin", enda leiðir Svía aldrei órannsakanlegar. Nema mögulega í fegurðarbransanum. Svíar hafa sumsé neitað að senda fulltrúa sinn í Ungfrú Alheim, þar sem þeir telja alþjóðlegu keppnina ekki vera í takt við nútímann. Þar sé enn lögð of mikil áhersla á niðurlægjandi og yfirborðskennt bikinístripl. Í Svíþjóð hafa verið þróaðar aðrar og nútímalegri aðferðir. Ungfrú Svíþjóð verður ekki lengur kjörin með hefðbundnum hætti heldur er sótt um titilinn eins og hvert annað starf og aukin áhersla lögð á andlegt atgervi og menntun, enda þarf fegurðardrottningin að vera verðugur fulltrúi lands og þjóðar. Fulltrúi lands og þjóðar? Munaðarleysingjahæli og kokkteilboð? Eigum við ekki svoleiðis? Það er orðum aukið að kalla forsetakosningarnar fegurðarsamkeppni (enda hefði Ástþór þá rústað Ólafi) - ætli þær séu ekki meira í ætt við kosninguna um vinsælustu stúlkuna. Förum íslensku leiðina. Ungfrú Ísland beri loks nafn með rentu og sé einfaldlega kjörin forseti. Með sprota og kórónu. Í sokkabuxum frá Oroblu.
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun