Vilji kvenna 6. desember 2006 00:01 Forval Vinstrihreyfingarinnar - græns framboðs á höfuðborgarsvæðinu um síðustu helgi kom lítið á óvart og hefði helst lifað í minningunni vegna dræmrar þátttöku kjósenda, ef ekki hefði komið til athyglisvert útspil Gests Svavarssonar þegar niðurstöður lágu fyrir. Gestur tók sig sem sagt til og afþakkaði pent en skorinort að vera lyft upp um sæti á framboðslista á kostnað konu, svo hægt verði að uppfylla skilyrði forvalsins um að jafnmargir frambjóðendur af hvoru kyni skipi efstu sæti vinstri grænna fyrir næstu alþingiskosningar. Færði Gestur þau rök fyrir afstöðu sinni að ekki veiti af að styrkja stöðu kvenna, ekki síst í ljósi útkomu þeirra í öðrum prófkjörum og uppstillingum annarra flokka. Erfitt er að leggja út af afstöðu Gests á annan hátt en að hún sé fyllilega eðlileg því lítill vafi leikur á því að reglur VG um fléttulista voru ekki settar til að jafna stöðu kynjanna á framboðslistum flokksins heldur beinlínis til að tryggja að ekki halli þar á konur. Yfirlýsing Gests er engu að síður ansi röggsöm því með henni hafnar hann sæti sem myndi væntanlega duga til að fleyta honum inn á Alþingi í vor. Það er alltaf gaman að sjá þegar menn láta ekki persónulegan metnað í pólitík flækjast fyrir sér þegar kemur að prinsippmálum og mættu margir á þeim vettvangi taka Gest sér til fyrirmyndar í þeim efnum. Hann mun örugglega uppskera síðar. En það er líka önnur hlið á útspili Gests. Það þarf ekki að rýna mikið í skoðanakannanir til að sjá að konur halla sér frekar að flokkum þar sem kynsystur þeirra eru í áberandi hlutverkum. Sömu heimildir gefa líka vísbendingar um að konur kjósi á öðrum forsendum en karlar. Konum er almennt meira umhugað um umhverfisvernd, málefni fjölskyldunnar og að jafnvægi ríki milli heimilis og vinnu. Reynslan sýnir að þessi svokölluðu mjúku mál fá aukna vigt þegar efnahagsástand er gott og lítil óvissa framundan. Ekki er því óvarlegt að ætla að úrslit kosninganna ráðist að stórum hluta af því hvernig flokkunum tekst að höfða til kvenna. Yfirlýsing Gests er því klókt mál fyrir vinstri græn svo lengi sem hún verður til að fjölga konum í framvarðasveit flokksins. Viltu birta grein á Vísi? Sendu okkur póst. Senda grein Jón Kaldal Mest lesið Hefur ítrekað hótað okkur áður Hjörtur J. Guðmundsson Skoðun Halldór 02.08.2025 Halldór Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Bandaríkin voru alltaf vondi kallinn Karl Héðinn Kristjánsson Skoðun Áform um að eyðileggja Ísland! Jóna Imsland Skoðun Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Fólkið í flokknum Helgi Áss Grétarsson Skoðun Kæfandi klámhögg sveitarstjóra Jón Trausti Reynisson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Landsvirkjun hafin yfir lög Björg Eva Erlendsdóttir Skoðun
Forval Vinstrihreyfingarinnar - græns framboðs á höfuðborgarsvæðinu um síðustu helgi kom lítið á óvart og hefði helst lifað í minningunni vegna dræmrar þátttöku kjósenda, ef ekki hefði komið til athyglisvert útspil Gests Svavarssonar þegar niðurstöður lágu fyrir. Gestur tók sig sem sagt til og afþakkaði pent en skorinort að vera lyft upp um sæti á framboðslista á kostnað konu, svo hægt verði að uppfylla skilyrði forvalsins um að jafnmargir frambjóðendur af hvoru kyni skipi efstu sæti vinstri grænna fyrir næstu alþingiskosningar. Færði Gestur þau rök fyrir afstöðu sinni að ekki veiti af að styrkja stöðu kvenna, ekki síst í ljósi útkomu þeirra í öðrum prófkjörum og uppstillingum annarra flokka. Erfitt er að leggja út af afstöðu Gests á annan hátt en að hún sé fyllilega eðlileg því lítill vafi leikur á því að reglur VG um fléttulista voru ekki settar til að jafna stöðu kynjanna á framboðslistum flokksins heldur beinlínis til að tryggja að ekki halli þar á konur. Yfirlýsing Gests er engu að síður ansi röggsöm því með henni hafnar hann sæti sem myndi væntanlega duga til að fleyta honum inn á Alþingi í vor. Það er alltaf gaman að sjá þegar menn láta ekki persónulegan metnað í pólitík flækjast fyrir sér þegar kemur að prinsippmálum og mættu margir á þeim vettvangi taka Gest sér til fyrirmyndar í þeim efnum. Hann mun örugglega uppskera síðar. En það er líka önnur hlið á útspili Gests. Það þarf ekki að rýna mikið í skoðanakannanir til að sjá að konur halla sér frekar að flokkum þar sem kynsystur þeirra eru í áberandi hlutverkum. Sömu heimildir gefa líka vísbendingar um að konur kjósi á öðrum forsendum en karlar. Konum er almennt meira umhugað um umhverfisvernd, málefni fjölskyldunnar og að jafnvægi ríki milli heimilis og vinnu. Reynslan sýnir að þessi svokölluðu mjúku mál fá aukna vigt þegar efnahagsástand er gott og lítil óvissa framundan. Ekki er því óvarlegt að ætla að úrslit kosninganna ráðist að stórum hluta af því hvernig flokkunum tekst að höfða til kvenna. Yfirlýsing Gests er því klókt mál fyrir vinstri græn svo lengi sem hún verður til að fjölga konum í framvarðasveit flokksins.
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun