Smá hamingja fyrir fólk 7. janúar 2005 00:01 "Ég var með skötuveislu hérna í heila viku fyrir jólin og bauð upp á saltfisk, skötu og Steingrím," segir Kjartan Halldórsson í Sægreifanum í verbúð númer 8 við Geirsgötu rétt aftan við Hamborgarabúllu Tómasar. "Það er alveg til í því að ég verði með smá hamingju fyrir fólk á laugardögum, hvort sem það verður saltfiskur eða annar fiskur," segir Kjartan sem lengi vel var kokkur til sjós. "Annars ætlum við hérna að sérhæfa okkur í reyktum fiskafurðum og vera flottir á því og gera þetta af fullri alvöru. Það er lítið um reyktan fisk hérna á Klakanum," segir Kjartan sem nú hefur komið fyrir forláta reykofni í Sægreifanum þar sem reykmeistarinn Steingrímur Matthíasson hefur náð góðum tökum á reyklistinni og sér um að reykja ál. "Við erum búnir að ná góðum tökum á álnum en ætlum einnig að reykja skötusel, lúðu og makríl. Lykilatriðið er bara að hafa ferskt hráefni en ekkert gamalt," segir Kjartan. Talsvert er um ál í Sægreifanum en í sumar sem leið var þar matreiðslumeistari sem matreiddi ferskan ál. "Ég er með stóran ál hérna núna sem er um metri að lengd en hann ætla ég að láta stoppa upp. Hann var veiddur fyrir mig í tjörn í Hveragerði á landi Saurbæjar," segir Kjartan sem býður upp á heilmikið annað en ál. Í Sægreifanum má finna hinar hefðbundnu fisktegundir auk humars og rækju og að sjálfsögðu harðfisk. "Já já, ég er með harðfisk hérna frá honum Hannesi ríka í Ölfusi," segir Kjartan. kristineva@frettabladid.isSteiktur áll með papriku, lauk og tómötum að hætti Baska 800 g áll snyrtur og roðflettur 1 dl hveiti 3 msk. ólífuolía 1 græn paprika kjarnhreinsuð og skorin í strimla 1-2 laukar, skornir í sneiðar 3-5 hvítlauksgeirar, fínt sneiddir 4 tómatar, flysjaðir og skornir í báta 1 1/2 dl svartar steinlausar ólífur 1 msk. söxuð steinselja 1 sítróna salt og pipar úr kvörn Skerið álinn í 10 cm breiða jafna bita. Veltið þeim upp úr hveiti og steikið á viðloðunarfrírri pönnu upp úr ólífuolíu í 2-3 mín á hvorri hlið. Saltið og piprið eftir smekk. Takið fiskinn af pönnunni, steikið grænmetið upp úr restinni af ólífuolíunni, þar til það er orðið mjúkt. Bætið þá tómötunum út í og ólífunum. Steikið áfram. Saltið og piprið örlítið meira og kreistið smá sítrónusafa út í. Látið þetta á miðjan disk og álabita ofan á. Stráið saxaðri steinselju yfir og berið fram með sítrónusneið og soðnum kartöflum. Sjávarréttir Uppskriftir Mest lesið Egill mætti með barnabörnin á forsýningu Snertingar Bíó og sjónvarp Forsetaáskorunin: Hljóp í skarðið á Stuðmannaballi en í basli með textann Lífið Keppendur í Ungfrú Ísland 2024 Lífið Mætti í sjónvarpið eftir nokkurra ára hlé og segist hafa lært sína lexíu Lífið Glæsihús Gerðar í Blush aftur á sölu Lífið Er hægt að „lækna“ lélegt kynlíf? Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Aníta Briem slær sér upp Lífið Myndaveisla: Ekkert gefið eftir í forsetafögnuði ísdrottningarinnar Lífið Fleiri fréttir Fyrsti takóstaðurinn sem fær Michelin-stjörnu Bjóða ókeypis vín gegn því að símar séu læstir inni í skáp Sjá meira
"Ég var með skötuveislu hérna í heila viku fyrir jólin og bauð upp á saltfisk, skötu og Steingrím," segir Kjartan Halldórsson í Sægreifanum í verbúð númer 8 við Geirsgötu rétt aftan við Hamborgarabúllu Tómasar. "Það er alveg til í því að ég verði með smá hamingju fyrir fólk á laugardögum, hvort sem það verður saltfiskur eða annar fiskur," segir Kjartan sem lengi vel var kokkur til sjós. "Annars ætlum við hérna að sérhæfa okkur í reyktum fiskafurðum og vera flottir á því og gera þetta af fullri alvöru. Það er lítið um reyktan fisk hérna á Klakanum," segir Kjartan sem nú hefur komið fyrir forláta reykofni í Sægreifanum þar sem reykmeistarinn Steingrímur Matthíasson hefur náð góðum tökum á reyklistinni og sér um að reykja ál. "Við erum búnir að ná góðum tökum á álnum en ætlum einnig að reykja skötusel, lúðu og makríl. Lykilatriðið er bara að hafa ferskt hráefni en ekkert gamalt," segir Kjartan. Talsvert er um ál í Sægreifanum en í sumar sem leið var þar matreiðslumeistari sem matreiddi ferskan ál. "Ég er með stóran ál hérna núna sem er um metri að lengd en hann ætla ég að láta stoppa upp. Hann var veiddur fyrir mig í tjörn í Hveragerði á landi Saurbæjar," segir Kjartan sem býður upp á heilmikið annað en ál. Í Sægreifanum má finna hinar hefðbundnu fisktegundir auk humars og rækju og að sjálfsögðu harðfisk. "Já já, ég er með harðfisk hérna frá honum Hannesi ríka í Ölfusi," segir Kjartan. kristineva@frettabladid.isSteiktur áll með papriku, lauk og tómötum að hætti Baska 800 g áll snyrtur og roðflettur 1 dl hveiti 3 msk. ólífuolía 1 græn paprika kjarnhreinsuð og skorin í strimla 1-2 laukar, skornir í sneiðar 3-5 hvítlauksgeirar, fínt sneiddir 4 tómatar, flysjaðir og skornir í báta 1 1/2 dl svartar steinlausar ólífur 1 msk. söxuð steinselja 1 sítróna salt og pipar úr kvörn Skerið álinn í 10 cm breiða jafna bita. Veltið þeim upp úr hveiti og steikið á viðloðunarfrírri pönnu upp úr ólífuolíu í 2-3 mín á hvorri hlið. Saltið og piprið eftir smekk. Takið fiskinn af pönnunni, steikið grænmetið upp úr restinni af ólífuolíunni, þar til það er orðið mjúkt. Bætið þá tómötunum út í og ólífunum. Steikið áfram. Saltið og piprið örlítið meira og kreistið smá sítrónusafa út í. Látið þetta á miðjan disk og álabita ofan á. Stráið saxaðri steinselju yfir og berið fram með sítrónusneið og soðnum kartöflum.
Sjávarréttir Uppskriftir Mest lesið Egill mætti með barnabörnin á forsýningu Snertingar Bíó og sjónvarp Forsetaáskorunin: Hljóp í skarðið á Stuðmannaballi en í basli með textann Lífið Keppendur í Ungfrú Ísland 2024 Lífið Mætti í sjónvarpið eftir nokkurra ára hlé og segist hafa lært sína lexíu Lífið Glæsihús Gerðar í Blush aftur á sölu Lífið Er hægt að „lækna“ lélegt kynlíf? Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Aníta Briem slær sér upp Lífið Myndaveisla: Ekkert gefið eftir í forsetafögnuði ísdrottningarinnar Lífið Fleiri fréttir Fyrsti takóstaðurinn sem fær Michelin-stjörnu Bjóða ókeypis vín gegn því að símar séu læstir inni í skáp Sjá meira