Ein heima á gamlárskvöld 29. desember 2004 00:01 Jarþrúður Ásmundsdóttir, formaður stúdentaráðs Háskóla Íslands. Jarþrúður Ásmundsdóttir, formaður stúdentaráðs Háskóla Íslands, eyddi áramótunum eitt sinn í Bandaríkjunum. Þau áramót lifa enn fersk í minni. "Það er nú svo sem ekkert sniðugt sem stendur upp úr hjá mér um áramót. Enginn stór eldsvoði, prakkarastrik eða neitt því um líkt. Við fjölskyldan hittumst alltaf á gamlárskvöld hjá stóru systur minni sem eldar kalkún með miklum myndarbrag. Það er afskaplega huggulegt," segir Jarþrúður. Hún hugsar sig síðan aðeins um og segir þó ein áramót hafa staðið upp úr. "Áramótin 1994-1995 var ég au pair í New Jersey í Bandaríkjunum. Ég átti heima í voða fínu úthverfi og eyddi gamlárskvöldi ein heima. Það var frekar súrt á þeim tíma að hanga ein heima en það fylgdi því líka viss sjarmi. Þetta eru náttúrlega sérstök tímamót og ég hafði gott tóm til að hugsa um árið sem var að líða og árið sem var framundan. Það var ekkert um að vera í hverfinu mínu, ég held það hafi sprungið ein sprengja á miðnætti. Síðan horfði ég auðvitað á beina útsendingu frá áramótafagnaðinum á Times Square í New York en allir vinir mínir höfðu farið þangað. Ég var svo almennileg og bauðst til að passa fyrir hjónin sem ég bjó hjá svo þau gætu farið út að skemmta sér," segir Jarþrúður og metur þessi áramót greinilega mikils þegar hún lítur til baka. "Hápunktur kvöldsins var þegar pabbi hringdi á miðnætti á mínum tíma og óskaði mér til hamingju með nýja árið og allt það. Það var afskaplega notalegt og sýndi mér að jól og áramót snúast um að vera með vinum og fjölskyldu." Jól Áramót Mest lesið Opið bréf til jólasveinanna: Góð ráð og hugmyndir í skóinn Jól „Algjörlega búinn að fá nóg af þessu kirkjukjaftæði“ Jól Syngur All I Want For Christmas Is You með tuttugu mismunandi röddum Jól Hátíðarterta með eplum og karamellukremi Jól „Æsingurinn var svo mikill að á níutíu mínútum var búið að afgreiða jólin gjörsamlega“ Jól Fer í jólamessu hjá pabba Jól Þegar Trölli stal jólunum Jól Jólaskraut við hendina Jól Helvítis jólakokkurinn: Reyktur göltur í Bolabaði Jól Krakkar syngja Snjókorn falla Jól
Jarþrúður Ásmundsdóttir, formaður stúdentaráðs Háskóla Íslands, eyddi áramótunum eitt sinn í Bandaríkjunum. Þau áramót lifa enn fersk í minni. "Það er nú svo sem ekkert sniðugt sem stendur upp úr hjá mér um áramót. Enginn stór eldsvoði, prakkarastrik eða neitt því um líkt. Við fjölskyldan hittumst alltaf á gamlárskvöld hjá stóru systur minni sem eldar kalkún með miklum myndarbrag. Það er afskaplega huggulegt," segir Jarþrúður. Hún hugsar sig síðan aðeins um og segir þó ein áramót hafa staðið upp úr. "Áramótin 1994-1995 var ég au pair í New Jersey í Bandaríkjunum. Ég átti heima í voða fínu úthverfi og eyddi gamlárskvöldi ein heima. Það var frekar súrt á þeim tíma að hanga ein heima en það fylgdi því líka viss sjarmi. Þetta eru náttúrlega sérstök tímamót og ég hafði gott tóm til að hugsa um árið sem var að líða og árið sem var framundan. Það var ekkert um að vera í hverfinu mínu, ég held það hafi sprungið ein sprengja á miðnætti. Síðan horfði ég auðvitað á beina útsendingu frá áramótafagnaðinum á Times Square í New York en allir vinir mínir höfðu farið þangað. Ég var svo almennileg og bauðst til að passa fyrir hjónin sem ég bjó hjá svo þau gætu farið út að skemmta sér," segir Jarþrúður og metur þessi áramót greinilega mikils þegar hún lítur til baka. "Hápunktur kvöldsins var þegar pabbi hringdi á miðnætti á mínum tíma og óskaði mér til hamingju með nýja árið og allt það. Það var afskaplega notalegt og sýndi mér að jól og áramót snúast um að vera með vinum og fjölskyldu."
Jól Áramót Mest lesið Opið bréf til jólasveinanna: Góð ráð og hugmyndir í skóinn Jól „Algjörlega búinn að fá nóg af þessu kirkjukjaftæði“ Jól Syngur All I Want For Christmas Is You með tuttugu mismunandi röddum Jól Hátíðarterta með eplum og karamellukremi Jól „Æsingurinn var svo mikill að á níutíu mínútum var búið að afgreiða jólin gjörsamlega“ Jól Fer í jólamessu hjá pabba Jól Þegar Trölli stal jólunum Jól Jólaskraut við hendina Jól Helvítis jólakokkurinn: Reyktur göltur í Bolabaði Jól Krakkar syngja Snjókorn falla Jól