Forseti Alþingis skoraði á þingmenn Miðflokksins
Forseti Alþingis skoraði á þingmenn Miðflokksins í morgun að hugleiða hvort ekki væri nóg komið í umræðum um þriðja orkupakkann en þá höfðu umræður sem hófust í gærdag staðið yfir í rúmar sautján klukkustundir. Í heild sinni hefur umræðan staðið yfir í rúmar sjötíu klukkustundir. Forsetinn sagði frelsi þingmanna Miðflokksins til umræðu farið að bitna á frelsi annarra þingmanna til að ræða önnur mál.
