Missti son sinn í fyrra í bið eftir meðferð í Krýsuvík
Leó lést á meðan hann beið eftir að komast í meðferð. Arnhildur Reynisdóttir átti yndislegan son Leó Ásgeirsson, en hann lét lífið á meðan hann beið vongóður eftir að komast í lífsnauðsynlega meðferð í Krýsuvík. En þar er nú 120 manna biðlisti eftir meðferð. Og nú er í gangi fjáröflunarátak sem nefnist Edrú vikan og hægt að fara inn á edruvika.is eða hringja í síma 9027107 til þess að styrkja Krýsuvík. Arnhildur vill segja frá sinni hræðilegu lífsreynslu að missa son sinn í þeirri von að eitthvað verði gert í því að minnka þennan biðlista. Vala Matt fór og kannaði málið fyrir Ísland í dag.
