Bílar

Vinsældir Kia aukast enn í Evrópu

Kristinn Ásgeir Gylfason skrifar
Kia EV6, rafbíllinn frá Kia.
Kia EV6, rafbíllinn frá Kia.

Kia náði hæstu markaðshlutdeild sinni í Evrópu á síðasta ári eða 4,3%. Kia bætti þar með enn árangur sinn á evrópskum mörkuðum frá árinu áður en bílaframleiðandinn var með 3,5% markaðshlutdeild í Evrópu árið 2020. Kia seldi alls 502.677 nýja bíla í Evrópu á síðasta ári sem er aukning um 20,6% frá árinu áður.

Þá segir enn fremur í fréttatilkynningu frá Öskju að Kia hafi selt alls 502.677 nýja bíla í Evrópu á síðasta ári sem er aukning um 20,6% frá árinu áður. Kia var mest selda bílamerkið í flokki fólksbíla árið 2021 á Íslandi samkvæmt tölum frá Bílgreinasambandinu. Kia var með 1.826 nýskráða fólksbíla hér á landi á síðasta ári og með 14,3% hlutdeild.

„Þetta eru mjög ánægjulegar fréttir og sýnir að Kia er áfram í mikilli sókn á mörkuðum i Evrópu. Við hjá Öskju erum afar ánægð og stolt af þeim góða árangri sem Kia hefur náð hér á landi. Kia hefur komið með marga vel hannaða og góða bíla á síðustu misserum sem hafa náð miklum vinsældum. Það eru spennandi tímar framundan og ný módel að koma til okkar sem við höfum mikla trú á að verði vinsæl. Kia er einn af fremstu bílaframleiðendum í heimi þegar að kemur að úrvali rafmagns og tengiltvinnbíla og markaðurinn kallar mjög eftir þeim bílum í dag. Svo framtíðin er björt hjá Kia,“ segir Þorgeir Pálsson, sölustjóri Kia hjá Bílaumboðinu Öskju.

„Þótt markaðurinn hafi ekki jafnað sig á faraldrinum hefur núverandi vandamál ekkert með skort á eftirspurn að gera, heldur skort á framboði,“ samkvæmt Felipe Munoz, greinandi hjá Jato Dynamics.

„Þessi töf gæti haft tvær megin afleiðingar, í fyrsta lagi gætum við séð mikla uppsveiglu í nýskráningum á næsta ári, ef flöguskorturinn er ekki lengur vandamál. Í öðru lagi viðskiptavinir breyti kauphegðun sinni og velji að eiga bíla sína lengur,“ bætti Felipe Munoz við í samtali við Autocar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.