Veiði

Kastnámskeið fyrir byrjendur

Karl Lúðvíksson skrifar

Þrátt fyrir að veiðitímabilið sé senn á enda er hugur í mörgum fyrir næsta sumar og þá er um að gera fyrir þau ykkar sem vilja læra að kasta flugu að drífa ykkur á námskeið.

Íslenska fluguveiðiakademían verður með kastnámskeið fyrir byrjendur þar sem farið er yfir alla helsu undirstöðuþættina við fluguköst og fluguveiðar. Fluga er að verða allsráðandi í veiðiám á Íslandi svo það er ekki seinna vænna fyrir þá sem eiga eftir að læta réttu handtökin að læra hjá þaulreyndum veiðimönnum. Hér er tilkynning frá akademíunni:

Íslenska fluguveiðiakademían kynnir flugukastnámskeið fyrir byrjendur. Kennarar eru allir með kennararéttindi frá FFI (Fly Fishers International).

Staðsetning: Íþróttahús Rimaskóla, Rósarima 11.

Tímasetning: Miðvikudagar milli 19:45 og 21:45.

Byrjendanámskeið er undirstöðunámskeið fyrir byrjendur sem og lengra komna. Farið er yfir helstu grunnatriði í flugukasti og nemendum kennt að kasta rétt. Aðferðin sem kennd er mun gefa nemendum mikla færni á skömmum tíma. Námskeiðið hentar einnig veiðimönnum sem vilja bæta sig í grunnþekkingu. Á námskeiðunum fá nemendur persónulega og einstaklingsmiðaða kennslu þar sem aðeins fjórir nemendur verða á hverju námskeiði. Hverju námskeiði er stýrt af einum kennara en allir kennarar eru með kennararéttindi frá Fly Fishers International.

Helstu þættir:

– Afslöppuð líkamsstaða og hreyfingar.

– Viðnám og stærð á kastlykkjum.

– Hugtökin kastvinkil, kastsveifla og kraftbeiting útskýrð.

– Stjórn á flugulínunni í kasti.

– Samræmi milli hægri og vinstri handar í köstunum.

– Að fá línuna til að leggjast beint á vatnsflötinn.

Fluguveiðiakademían útvegar stangir ef nemendur eiga ekki sjálfir. Vinasamlegast óskið eftir lánsstöngum fyrirfram

Verð: 17.900 kr. námskeiðið. Hvert námskeið er tvær klukkustundir.

Nemendum er bent á möguleikann á niðurgreiðslu frá stéttarfélögum og að yngri kynslóðin geti nýtt frístundarkortið eða samskonar styrki.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.