Foreldrar krakkanna hjá Manchester United höguðu sér oft fáránlega Sindri Sverrisson skrifar 6. september 2021 16:00 Leikmenn U18-liðs Manchester United í leik gegn Leeds í vor. Amanda Johnson var yfirsjúkraþjálfari í akademíu United þar sem hún sinnti knattspyrnukrökkum allt þar til a' þeir voru tilbúnir til að spila fullorðinsfótbolta. Getty/Manchester United „Eitt það mikilvægasta sem þarf að hafa í huga er að börn eru ekki „lágvaxið, fullorðið fólk“. Þau eru mjög ólíkar verur,“ segir doktor Amanda Johnson, sjúkraþjálfari, sem er væntanleg til Íslands í vikunni vegna námskeiðs um þjálfun ungra íþróttaiðkenda. Amanda var meðal annars yfirsjúkraþjálfari hjá akademíu Manchester United á árunum 2000-2010 og vann því með knattspyrnumönnum á borð við Marcus Rashford, Jesse Lingard, Sam Hewson og fleiri sem æfðu í akademíunni. Hún hefur einnig sinnt sjúkraþjálfun krakka í öðrum íþróttum og var sjúkraþjálfari enska kvennalandsliðsins í fótbolta á tíunda áratug síðustu aldar, þegar hún heimsótti Ísland í fyrsta sinn. Amanda starfaði einnig hjá hinni virtu Aspire akademíu í Katar þar sem hún komst í kynni við Einar Einarsson sjúkraþjálfara, sem hafði milligöngu um að hún kæmi til Íslands nú. Amanda hyggst ásamt þeim Stefáni Ólafssyni og Hildi Kristínu Sverrisdóttur kenna íslenskum þjálfurum, sjúkraþjálfurum og öðrum mikilvæg atriði varðandi vinnu við mótun ungra iðkenda, á föstudag og laugardag. Íþróttafólks sem Amanda segir að oft skorti þolinmæði og skilning gagnvart. Foreldrar þurfi að vera þolinmóðir „Markmið mitt er að ná til krakka eins snemma og hægt er, og hjálpa þjálfurum og jafnvel einnig foreldrum til að krakkarnir geti æft sem lengst á sem öruggastan og farsælastan hátt. Ef að eitthvað gerist þurfa þau svo að vita hvernig er best að ná sér á strik á sem skjótastan en öruggastan hátt, og þau þurfa einnig að gera sér grein fyrir þekktum hættumerkjum varðandi meiðsli,“ segir Amanda. Klippa: Dr. Johnson um mikilvægi þess að sýna börnum í íþróttum þolinmæði „Vandamálin sem að fullorðnir glíma við eru ekki þau sömu og börn glíma við, og öfugt. Það sem flækir málin fyrir börn eru stöðugar og miklar breytingar á hæð, þyngd, þroska og þróun. Þegar maður kemur að þjálfun barna verður maður að hafa grunnskilning á þessum hlutum og hvernig börn vaxa úr grasi. Og skilja að hvert barn er einstakt og ekki hægt að setja þau öll í sama form. Þjálfari krakkaliðs verður því að skilja að krakkarnir í liðinu eru ólíkir, taka vaxta- og þroskakipp á mismunandi tímum, þó þeir séu allir jafngamlir. Þetta þurfa foreldrar líka að gera, sem eru alltaf að bera krakkana sína saman við önnur börn á sama aldri. Þeir þurfa að læra að vera þolinmóðir og búast ekki við of miklu of fljótt,“ segir Amanda sem hefur í sínu starfi oft þurft að glíma við ofurmetnaðarfulla foreldra: Krakki með slitför á meðan að jafnaldri stækkar ekki neitt „Ég man eftir því að hafa þurft að eiga við foreldra hjá United og sumir þeirra höguðu sér alveg fáránlega varðandi krakkana sína, jafnvel 8 eða 9 ára gamla. Fólk verður að muna að horfa til langs tíma, því þetta snýst um það hvernig fólk stendur þegar það er 18 eða 19 ára. Starf þjálfara og sjúkraþjálfara er að koma krökkunum þangað á sem heilbrigðastan og farsælastan hátt. Til þess verður fólk líka að skilja að línan er ekki bein á toppinn. Krakkar sveiflast upp og niður í frammistöðu vegna alls konar þroskakafla. Ég hef séð krakka stækka um tvo sentímetra á mánuði, og jafnvel svo hratt að þeir fá slitför, en svo stækka þeir kannski ekkert í 3-4 mánuði. Og krakki getur stækkað um tíu sentímetra á ári á meðan annar nákvæmlega jafngamall stækkar ekki neitt, en stækkar svo ári seinna. Fólk verður oft óþolinmótt varðandi krakka á þessum tíma en það er bara ekki boðlegt,“ segir Amanda og ítrekar hve mikilvægt sé fyrir þjálfara og aðra sem að mótun ungs íþróttafólks komi að hafa skilning á því hve mismunandi þroski þeirra geti verið. Geta fengið röng skilaboð vegna skilningsleysis „Svona er þetta líka þegar maður metur frammistöðu. Maður er kannski með krakka sem er að stækka en gerir sér ekki grein fyrir því. Svo versnar frammistaðan óvænt, því krakkinn þarf allt í einu að venjast því að vera allur að stækka um 2-3 sentímetra. Allt í einu vantar alla samhæfingu og slíkt. Eðlilega bitnar það á frammistöðunni um tíma. Þjálfarinn heldur þá kannski að viðkomandi sé bara ómögulegur. Foreldrarnir verða líka vonsviknir og spyrja: „Hvað er að þér? Af hverju gerðir þú þetta? Hvers vegna gastu ekki gert þetta?“ Þegar raunin er kannski bara að barnið tók vaxtarkipp. Ef það er ekki fylgst með þessu þá bitnar þetta á krökkunum og þau fá röng skilaboð. Þau þurfa að fá að komast áfram á sínum hraða,“ segir Amanda. Nánari upplýsingar um námskeið Amöndu, sem haldið verður í Reykjavík á föstudag og á Akureyri á laugardag, má nálgast hér. Íþróttir barna Fótbolti Mest lesið Mcllroy missti sigur úr greipum sér og DeChambeau vann opna bandaríska Sport Bjarni lætur af störfum hjá KR Fótbolti Vonarstjarna Bayern München framlengir við félagið Fótbolti Barcelona tók titlafernu og fór taplaust í gegnum tímabilið Fótbolti Þýskur sigur í meistaramóti ökumanna Formúla 1 Bellingham skoraði eina markið í sigri Englands gegn Serbíu Fótbolti Ísold stórbætti persónulegt met og varð Norðurlandameistari Sport „Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn Nablinn slakur í Boston sólinni eftir slæman skell í spilavítinu Körfubolti „Auðvitað ekkert ánægður að fá bara eitt stig en þetta var frábær leikur“ Íslenski boltinn Fleiri fréttir Vonarstjarna Bayern München framlengir við félagið Barcelona tók titlafernu og fór taplaust í gegnum tímabilið Bellingham skoraði eina markið í sigri Englands gegn Serbíu „Ég veit ekki alveg hvernig það gerðist en ég var glöð að sjá boltann syngja í netinu“ „Auðvitað ekkert ánægður að fá bara eitt stig en þetta var frábær leikur“ Íslandsmeistararnir unnu öruggt gegn nýliðunum Ljóðræn endurkoma Eriksen en Slóvenar unnu sig til baka og sóttu stig Tindastóll-Víkingur 1-1 | Jafntefli niðurstaðan fyrir norðan eftir spennandi lokamínútur „Vilja öll lið verða fyrsta liðið til að taka af okkur stig“ „Vitum að Agla er markagráðug en ég held hún hafi ekki verið að reyna þetta“ „Ég virðist ekkert vera að reyna að skora þessa dagana“ Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Hlín skoraði en klikkaði svo úr víti og Rosengard er enn með fullt hús stiga Holland lenti undir en varamaðurinn Wout Weghorst kom til bjargar Segir Ronaldinho hafa beðið um miða á leiki Brasilíu Nú sé tækifæri til að vinna EM Ógnaði lögreglu með öxi stuttu frá stuðningsmannasvæði Hollendinga Neituðu launahækkun til að tryggja kvennalandsliðinu sömu laun Segir England ekki eiga möguleika með Trent á miðjunni Líkir Mbappé við Ninja-skjaldböku Ronaldo hlustaði ekki á meðan aðrir vildu Ancelotti eða Zidane Utan vallar: Tuttugu ár frá besta EM allra tíma Ronaldinho hættur að horfa á Brasilíu Yngsti þjálfari í sögu ensku úrvalsdeildarinnar Sjáðu fljótasta mark í sögu EM og endurkomu Ítalíu Hundraðasta mark Söndru Maríu kom í Garðabænum Ítalía kom til baka gegn Albaníu Spánverjar skoruðu mörkin Yngstur í sögunni: Fagnaði áfanganum með stoðsendingu Uppgjör: Stjarnan – Þór/KA 1-4 | Sandra María hættir ekki að skora Sjá meira
Amanda var meðal annars yfirsjúkraþjálfari hjá akademíu Manchester United á árunum 2000-2010 og vann því með knattspyrnumönnum á borð við Marcus Rashford, Jesse Lingard, Sam Hewson og fleiri sem æfðu í akademíunni. Hún hefur einnig sinnt sjúkraþjálfun krakka í öðrum íþróttum og var sjúkraþjálfari enska kvennalandsliðsins í fótbolta á tíunda áratug síðustu aldar, þegar hún heimsótti Ísland í fyrsta sinn. Amanda starfaði einnig hjá hinni virtu Aspire akademíu í Katar þar sem hún komst í kynni við Einar Einarsson sjúkraþjálfara, sem hafði milligöngu um að hún kæmi til Íslands nú. Amanda hyggst ásamt þeim Stefáni Ólafssyni og Hildi Kristínu Sverrisdóttur kenna íslenskum þjálfurum, sjúkraþjálfurum og öðrum mikilvæg atriði varðandi vinnu við mótun ungra iðkenda, á föstudag og laugardag. Íþróttafólks sem Amanda segir að oft skorti þolinmæði og skilning gagnvart. Foreldrar þurfi að vera þolinmóðir „Markmið mitt er að ná til krakka eins snemma og hægt er, og hjálpa þjálfurum og jafnvel einnig foreldrum til að krakkarnir geti æft sem lengst á sem öruggastan og farsælastan hátt. Ef að eitthvað gerist þurfa þau svo að vita hvernig er best að ná sér á strik á sem skjótastan en öruggastan hátt, og þau þurfa einnig að gera sér grein fyrir þekktum hættumerkjum varðandi meiðsli,“ segir Amanda. Klippa: Dr. Johnson um mikilvægi þess að sýna börnum í íþróttum þolinmæði „Vandamálin sem að fullorðnir glíma við eru ekki þau sömu og börn glíma við, og öfugt. Það sem flækir málin fyrir börn eru stöðugar og miklar breytingar á hæð, þyngd, þroska og þróun. Þegar maður kemur að þjálfun barna verður maður að hafa grunnskilning á þessum hlutum og hvernig börn vaxa úr grasi. Og skilja að hvert barn er einstakt og ekki hægt að setja þau öll í sama form. Þjálfari krakkaliðs verður því að skilja að krakkarnir í liðinu eru ólíkir, taka vaxta- og þroskakipp á mismunandi tímum, þó þeir séu allir jafngamlir. Þetta þurfa foreldrar líka að gera, sem eru alltaf að bera krakkana sína saman við önnur börn á sama aldri. Þeir þurfa að læra að vera þolinmóðir og búast ekki við of miklu of fljótt,“ segir Amanda sem hefur í sínu starfi oft þurft að glíma við ofurmetnaðarfulla foreldra: Krakki með slitför á meðan að jafnaldri stækkar ekki neitt „Ég man eftir því að hafa þurft að eiga við foreldra hjá United og sumir þeirra höguðu sér alveg fáránlega varðandi krakkana sína, jafnvel 8 eða 9 ára gamla. Fólk verður að muna að horfa til langs tíma, því þetta snýst um það hvernig fólk stendur þegar það er 18 eða 19 ára. Starf þjálfara og sjúkraþjálfara er að koma krökkunum þangað á sem heilbrigðastan og farsælastan hátt. Til þess verður fólk líka að skilja að línan er ekki bein á toppinn. Krakkar sveiflast upp og niður í frammistöðu vegna alls konar þroskakafla. Ég hef séð krakka stækka um tvo sentímetra á mánuði, og jafnvel svo hratt að þeir fá slitför, en svo stækka þeir kannski ekkert í 3-4 mánuði. Og krakki getur stækkað um tíu sentímetra á ári á meðan annar nákvæmlega jafngamall stækkar ekki neitt, en stækkar svo ári seinna. Fólk verður oft óþolinmótt varðandi krakka á þessum tíma en það er bara ekki boðlegt,“ segir Amanda og ítrekar hve mikilvægt sé fyrir þjálfara og aðra sem að mótun ungs íþróttafólks komi að hafa skilning á því hve mismunandi þroski þeirra geti verið. Geta fengið röng skilaboð vegna skilningsleysis „Svona er þetta líka þegar maður metur frammistöðu. Maður er kannski með krakka sem er að stækka en gerir sér ekki grein fyrir því. Svo versnar frammistaðan óvænt, því krakkinn þarf allt í einu að venjast því að vera allur að stækka um 2-3 sentímetra. Allt í einu vantar alla samhæfingu og slíkt. Eðlilega bitnar það á frammistöðunni um tíma. Þjálfarinn heldur þá kannski að viðkomandi sé bara ómögulegur. Foreldrarnir verða líka vonsviknir og spyrja: „Hvað er að þér? Af hverju gerðir þú þetta? Hvers vegna gastu ekki gert þetta?“ Þegar raunin er kannski bara að barnið tók vaxtarkipp. Ef það er ekki fylgst með þessu þá bitnar þetta á krökkunum og þau fá röng skilaboð. Þau þurfa að fá að komast áfram á sínum hraða,“ segir Amanda. Nánari upplýsingar um námskeið Amöndu, sem haldið verður í Reykjavík á föstudag og á Akureyri á laugardag, má nálgast hér.
Íþróttir barna Fótbolti Mest lesið Mcllroy missti sigur úr greipum sér og DeChambeau vann opna bandaríska Sport Bjarni lætur af störfum hjá KR Fótbolti Vonarstjarna Bayern München framlengir við félagið Fótbolti Barcelona tók titlafernu og fór taplaust í gegnum tímabilið Fótbolti Þýskur sigur í meistaramóti ökumanna Formúla 1 Bellingham skoraði eina markið í sigri Englands gegn Serbíu Fótbolti Ísold stórbætti persónulegt met og varð Norðurlandameistari Sport „Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn Nablinn slakur í Boston sólinni eftir slæman skell í spilavítinu Körfubolti „Auðvitað ekkert ánægður að fá bara eitt stig en þetta var frábær leikur“ Íslenski boltinn Fleiri fréttir Vonarstjarna Bayern München framlengir við félagið Barcelona tók titlafernu og fór taplaust í gegnum tímabilið Bellingham skoraði eina markið í sigri Englands gegn Serbíu „Ég veit ekki alveg hvernig það gerðist en ég var glöð að sjá boltann syngja í netinu“ „Auðvitað ekkert ánægður að fá bara eitt stig en þetta var frábær leikur“ Íslandsmeistararnir unnu öruggt gegn nýliðunum Ljóðræn endurkoma Eriksen en Slóvenar unnu sig til baka og sóttu stig Tindastóll-Víkingur 1-1 | Jafntefli niðurstaðan fyrir norðan eftir spennandi lokamínútur „Vilja öll lið verða fyrsta liðið til að taka af okkur stig“ „Vitum að Agla er markagráðug en ég held hún hafi ekki verið að reyna þetta“ „Ég virðist ekkert vera að reyna að skora þessa dagana“ Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Hlín skoraði en klikkaði svo úr víti og Rosengard er enn með fullt hús stiga Holland lenti undir en varamaðurinn Wout Weghorst kom til bjargar Segir Ronaldinho hafa beðið um miða á leiki Brasilíu Nú sé tækifæri til að vinna EM Ógnaði lögreglu með öxi stuttu frá stuðningsmannasvæði Hollendinga Neituðu launahækkun til að tryggja kvennalandsliðinu sömu laun Segir England ekki eiga möguleika með Trent á miðjunni Líkir Mbappé við Ninja-skjaldböku Ronaldo hlustaði ekki á meðan aðrir vildu Ancelotti eða Zidane Utan vallar: Tuttugu ár frá besta EM allra tíma Ronaldinho hættur að horfa á Brasilíu Yngsti þjálfari í sögu ensku úrvalsdeildarinnar Sjáðu fljótasta mark í sögu EM og endurkomu Ítalíu Hundraðasta mark Söndru Maríu kom í Garðabænum Ítalía kom til baka gegn Albaníu Spánverjar skoruðu mörkin Yngstur í sögunni: Fagnaði áfanganum með stoðsendingu Uppgjör: Stjarnan – Þór/KA 1-4 | Sandra María hættir ekki að skora Sjá meira
„Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn
„Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn