Veiði

Sandá merkt í bak og fyrir

Karl Lúðvíksson skrifar
Nýju veiðistaðaskiltin fyrir Sandá verða komin niður þegar veiðimenn mæta við ánna
Nýju veiðistaðaskiltin fyrir Sandá verða komin niður þegar veiðimenn mæta við ánna

Stangaveiðifélag Reykjavíkur tók við Sandá í vetur og í sumar er fyrsta sumarið sem félagar SVFR fá tækifæri til að veiða í ánni hjá félaginu.

Árnefnd Sandár hefur verið sveitt síðustu vikur við endurbætur á veiðihúsinu sem er orðið hið glæsilegasta enda var skipt um rúm, húsgögn og aðra innanstokksmuni ásamt því að mála. Það er annað sem árnefndin hefur gert og það er að merkja ánna vel og vandlega. Þetta er eitt af því sem er eiginlega alveg óskiljanlegt við sumar veiðiár á Íslandi, það er að segja hvað veiðistaðirnir eru illa merktir.

Ein af þeim ám sem þykir hvað best merkt er Langá á Mýrum en Ingvi Hrafn Jónsson, sem var leigutaki Langár lengi, gerði hlutina þannig að allir veiðistaðir voru vel merktir og á þann háttinn að þar sem skiltin voru sett niður, þar áttu veiðimenn að byrja að veiða þann veiðistað. 

Það eru ennþá fjölmörg dæmi um veiðiár, og nokkrar af þeim á topp 10 listanum yfir bestu ár landsins, þar sem veiðistaðir eru ekki eða illa merktir. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.