Bílar

Fiat ætlar einungis að framleiða rafbíla árið 2030

Kristinn Ásgeir Gylfason skrifar
Fiat 500e rafmagnsbíllinn.
Fiat 500e rafmagnsbíllinn.

Ítalski bílaframleiðandinn Fiat ætlar sér að vera einungis rafbílaframleiðandi árið 2030. Til stendur að láta alla sprengihreyfla hverfa frá 2025 og til 2030.

Framleiðandinn hefur nýlega kynnt raf útgáfu af hinum geysivinsæla Fiat 500 sem hefur verið seldur samhliða sprengihreyfilsútgáfum af Fiat 500. Fiat vill auka aðgengi að rafbílum, lækka þröskuldinn fyrir nýja kaupendur rafbíla, þar á meðal með því að stuðla að uppbyggingu hleðsluinnviða.

„Á milli 2025 og 2030 mun línan frá okkur hægt og rólega verða rafbílar eingöngu. Þetta er talsverð breyting fyrir Fiat,“ sagði yfirmaður Fiat Olivier François.

„Ákvörðunin um að kynna nýja 500 bílinn sem rafbíl var tekin áður en Covid-19 kom til sögunnar. Meira að segja þá vorum við meðvitaðir um við gætum ekki lengur stundað málamiðlanir. Við höfum fengið áminningar um brýna þörf á að grípa til aðgerða til að aðstoða við jörðina,“ bætti François við.

Fiat hefur staðfest að framleiðandinn ætli að endurhugsa úthverfin og aðgengi að rafbílavæðingunni. Verkefninu er ætlað að stuðla að breytingum til að mynda að auka aðgengi að hleðslustöðum fyrir blokkaríbúa og þakið á Lingotto verksmiðjunni verður breytt í sólarsellur til að auka loftgæði.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×