Veiði

Ágæt veiði í Laxá frá opnun

Karl Lúðvíksson skrifar
Flottur urriði
Flottur urriði

Laxá í Mývatnssveit og Laxárdalurinn hafa bæði opnað fyrir veiðimönnum en byrjunin í Laxá í Mývatnssveit vara eftir vþí sem við heyrum bara ágæt.

Laxárdalurinn er líka farinn í gang þó svo að veiðitölur þar séu annars eðlis en þar er ekki verið að veiða sama magn og í Laxá í Mý eins og hún er yfirleitt kölluð. Laxárdalurinn hefur að geyma færri fiska en stærri. Undanfarin ár eftir að sleppiskylda var sett á hefur urriðinn verið að stækka mikið og er svo komið að það er orðið ansi algengt að veiða urriða nálægt 70 sm og þarna hafa veiðimenn sett í nokkra fiska og engin þeirra verið undir 60 sm.

Það hefur verið bent á að urriðinn í dalnum virðist fjölga sér hægar eða í það minnsta er nýliðun frekar lítil. Hverju svo sem þetta stafar af þá eru veiðimenn sem sækja í Laxárdalinn ekki sviknir af veiðinni þar enda er fátt eins gaman og að finna út úr því hvað stóri urriðinn er að taka og að eiga við einn slíkan á nettar græjur er algjörlega eitt það besta við fluguveiði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.