Kia Sorento besti stóri sportjeppinn hjá What Car

Kristinn Ásgeir Gylfason skrifar 15. janúar 2021 07:01

Fjórða kynslóð Kia Sorento er orðin margverðlaunaður bíll.

Nýr Kia Sorento hefur nú bætt enn einni rósinni í hnappagatið með því að vinna til verðlaunanna Besti stóri sportjeppi ársins 2021 hjá breska bílatímaritinu What Car?

Meðfylgjandi er fréttatilkynning frá Öskju.

Kia Sorento var nýverið sæmdur hinu eftirsótta Gullna stýri í Þýskalandi í gær en það eru fjölmiðlarnir Auto Bild og Bild am Sonntag sem standa að verðlaununum. Þá var bíllinn einnig valinn Bíll ársins hjá breska tímaritinu Carbuyer.

Fjórða kynslóð Kia Sorento kemur nú með þremur mismunandi orkugjöfum; sem tengiltvinnbíll (Plug-in Hybrid), tvinnbíll (Hybrid) og í dísilútfærslu. Nýr Sorento er enn rúmbetri en forveri hans og er sjö manna. Bíllinn hefur auk þess mikla dráttargetu.

„Við erum mjög stolt af hinum nýja Kia Sorento og það er ánægjulegt að sjá hversu góðar viðtökur bíllinn er að fá síðan hann var frumsýndur seinni hluta síðasta árs. Nýr Sorento hefur unnið til fjölda verðlauna og nú síðast hjá hinu virta bílatímari What Car?," segir Won-Jeong Jeong, forstjóri hjá Kia Motors í Evrópu.

„Viðtökur hafa verið frábærar á hinum nýja Kia Sorento, enda er þetta vel heppnaður bíll í alla staði og kaupendahópurinn traustur hér á landi. Bíllinn skarar fram úr á ýmsum sviðum og hefur Arctic Edition útfærslan með 3,5 cm. upphækkun og 32" dekkjum vakið athygli. Þá er 2,5 tonna dráttargetan að heilla marga,“ segir Þorgeir R. Pálsson, sölustjóri Kia hjá Öskju.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.