Bílar

McLaren selur 15% hlut í Formúlu 1 liðinu

Kristinn Ásgeir Gylfason skrifar
McLaren munu skipta út Renault vélinni og fara yfir í Mercedes árið 2021.
McLaren munu skipta út Renault vélinni og fara yfir í Mercedes árið 2021. Getty

McLaren Group hefur selt hluta af Formúlu 1 liði sínu. Kaupandinn er bandarískt íþróttafjárfestingafélag. Kaupin tryggja enn frekar framtíð McLaren liðsins og hjálpa liðinu að komast í fremstu röð.

Samsteypa sem leidd er af MSP Sports Capital mun leggja til 185 milljón sterlingspund til liðsins í skiptum fyrir 15% hlut í Formúlu 1 liðinu, það samsvarar um 31,4 milljarðar króna.

MSP Sports Capital er íþróttafjárfestingafélag sem á hluti í ýmsum íþróttafélögum og fyrirtækjum tengdum íþróttum.

Eric Boullier, fyrrverandi liðsstjóri McLaren (t.h.) og Zak Brown núverandi liðsstjóri (t.v.).Vísir/Getty

Liðsstjóri McLaren, Zak Brown hefur sagt að „fjárfestingin mun ýta undir getu okkar til að koma McLaren í stöðu til að keppa um sigur og titla í Formúlu 1 og IndyCar, við erum á góðu skriði sem mun bara aukast með fjárfestingunni og við getum einbeitt okkur að því að ná efsta sætinu á verðlaunapalli“.

Liðið endaði í þriðja sæti í keppni bílasmiða í ár í Formúlu 1. Tímabilinu lauk í gær.

Kappaksturslið McLaren var stofnað árið 1963 af Bruce McLaren og hefur liðið keppti í Formúlu 1 síðan 1966. Liðið hefur unnið 182 keppnir, átta heimsmeistaratitla ökumanna og 12 titla bílasmiða. Liðið hefur hafið þátttöku í IndyCar kappakstrinum og ætlar sér stóra hluti þar í framtíðinni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.