Veiði

Flott veiði í Hraunsfirði

Karl Lúðvíksson skrifar
Fallegar bleikjur úr Hraunsfirði
Fallegar bleikjur úr Hraunsfirði Mynd: Tommi Skúla

Hraunsfjörður er eitt vinsælasta veiðisvæðið í Veiðikortinu og það ekki að ástæðulausu því veiðin getur verið mjög fín í vatninu.

Yfirleitt er besti tíminn í vatninu frá byrjun júlí og fram eftir sumri en þegar skilyrðin verða rétt getur veislan byrjað fyrr. Það var staðan um helgina. Það var feyknagóð veiði í vatninu meira og minna alla helgina og margir veiðimenn sem gerðu mjög góða daga, sumir með hátt í tuttugu sjóbleikjur á dag. Bleikjan er mjög vel haldin og meðalstærð í kringum tvö pund sem er eins og flestir segja langbesti matfiskur sem hægt er að veiða á Íslandi. 

Þær flugur sem voru að gefa best eru þær sem líkja eftir marfló og eru að einhverju leiti grænleitar. Síðan veiddist vel á Langskegg og við vitum alla vega um einn veiðimann sem var með hátt í fjörtíu bleikjur eftir veiði á laugardag og sunnudag og hann veiddi allar bleikjurnar nema eina á langskegg. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.