Bílar

Framkvæmdastjóra Aston Martin skipt út

Kristinn Ásgeir Gylfason skrifar
Andy Palmer í litum Red Bull liðsins í Formúlu 1. Liðið heitir í dag fullu nafni: Aston Martin Red Bull Racing. Það mun breytast á næsta ári.
Andy Palmer í litum Red Bull liðsins í Formúlu 1. Liðið heitir í dag fullu nafni: Aston Martin Red Bull Racing. Það mun breytast á næsta ári. Vísir/Getty

Andy Palmer, framkvæmdastjóra Aston Martin verður skipt út í dag ef marka má sögusagnir. Stjórnendaskipti hafa orðið nýlega sem líklega leiða til þessara breytinga.

Engin formleg tilkynning hefur verið gefin út ennþá. En yfirlýsing frá Aston Martin kvað á um að „fyrirtækið staðfesti að verið sé að skoða stjórnendateymið og frekari tilkynningar muni verða gefnar út þegar tilefni er til“. Tilkynnt verður um uppsögn Palmer í dag samkvæmt heimildum Financial Times.

Heimildir Financial Times herma að Tobias Moers, yfirmaður Mercedes-AMG eftirmaður Palmer.

Palmer kom til Aston Martin árið 2014, þegar fyrirtækið var í fjárhagsvandræðum. Hann stýrði hröðum viðsnúningi og setti í gang áætlanir um fyrsta jeppling framleiðandans.

Palmer leiddi svo hlutafjárútboð árið 2018 þar sem félagið var pphaflega metið á 4 milljarða punda eða tæpa 700 milljarða króna. Lítil eftirspurn hefur leitt til þess að gengi hlutabréfa félagsins hefur fallið um rúm 90%.

Racing Point liðið mun aka undir merkjum Aston Martin á næsta ári. Annar ökumanna liðsins er sonur Lawrence Stroll, Lance Stroll.mynd/sky sports

Í upphafi ársins 2020 keypti Lawrence Stroll 25% hlut í félaginu sem skilaði um 540 milljónum punda eða um 93 milljörðum króna í peningum inn í félagið. Stroll varð þá einnig stjórnarformaður félagsins. Stroll er aðaleigandi Racing Point liðsins í Formúlu 1. Liðið mun bera nafn Aston Martin frá og með næsta ár.

Síðan þá hefur orðið uppstokkun í stjórnendateymi Aston Martin, fjármálastjórinn Mark Wilson og stjórnarmaðurinn Penny Hughes hafa yfirgefið félagið. Brotthvarf þeirra þykir ýta undir orðróminn um að Palmer sé næstur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.