Að segja samstarfsfélaga að hann lykti illa Rakel Sveinsdóttir skrifar 26. maí 2020 09:00 Vond lykt af samstarfsfélaga getur verið erfitt mál að takast á við. Vísir/Getty Þau eru margslungin málin sem geta komið upp í vinnunni okkar. Að segja samstarfsfélaga að hann lykti illa er án efa eitt af viðkvæmu og flóknu málunum. Þessi samstarfsfélagi getur verið kona eða karl og vonda lyktin getur átt sér ýmsar skýringar. Stundum er það svitalykt eða vond líkamslykt af óþrifnaði. Stundum er vond lykt viðvarandi af fatnaði, jafnvel fúkkalykt, þar sem rót vandans er þvottavélin sjálf sen þetta er algengt vandamál margir gera sér ekki grein fyrir (hér eru nokkur góð ráð til að hreinsa vélina). Eins getur það verið reykingalykt sem stundum virkar eins og súr og þung reykingalykt þegar fatnaður er þveginn of sjaldan. Síðan er það aldurstengd lykt því með aldrinum getur líkamslykt bæði aukist og breyst. Líkamlegir kvillar geta líka verið skýringar. Sem dæmi má nefna getur komið töluverð lykt af þvagleka þótt hann sé ekki mikill hjá fólki. Eins getur fólk átt við einhvern vanda þar sem vond lykt er af kynfærum. Og enn aðrir glíma við mikla táfýlu en eru samt gjarnir á að fara úr skóm innan um samstarfsfélaga. Að taka á málunum Það gerir engum gott að taka ekki á þessum málum og láta eins og ekkert sé. Best er að stjórnandinn taki það á sig að eiga við viðkomandi samtal og vandi sig þar vel við. Eða svo náinn samstarfsfélagi og vinur að skilaboðunum er hægt að koma áleiðis, án þess að særa nokkurn. Barbara Pachter er höfundur bókarinnar „The Power of Positive Confrontation: The Skills You Need to Handle Conflicts at Work, Home, Online and in Life.“ Hún gefur stjórnendum eftirtalin góð ráð fyrir það samtal sem stjórnendur þurfa að taka til að taka á málum sem þessum. Regla númer eitt er að stjórnandi gefi sér það aldrei fyrirfram að vita skýringarnar á lyktinni en fyrir samtalið mælir hún með eftirfarandi: Vertu undirbúin/n Það er ekki hægt að setjast niður og ræða mál sem þetta án þess að vera með ákveðna sýn um það hvernig samtalið eigi að vera. Eitt ráðið er að tala á svipuðum nótum og gert er þegar ræða þarf stefnu vinnustaðar um snyrtilegan klæðnað. Eins þarf stjórnandinn að vera við því búinn að skýringar á lykt stafi af kvilla, jafnvel tímabundnu ástandi samhliða því að vera búinn að afla sér upplýsinga um af hverju vond lykt getur stafað og hverjar lausnirnar gætu verið. Veldu sérstaklega vel stað og stund Vond lykt er svo persónulegt mál að vanda þarf sérstaklega til þegar valinn er staður og stund. Þetta er því ekki hefðbundið starfsmannasamtal þar sem viðkomandi er kallaður inn á skrifstofu og á síðan að halda áfram að vinna eins og ekkert hafi í skorist. Pachter mælir með því að samtalið sé tekið í lok vinnudags þannig að þegar að samtalinu lýkur, er tími til að fara beint heim. Þetta er samtal, ekki niðurrif Starfsmaðurinn má ekki upplifa samtalið sem skammir eða lítillækkun. Að sögn Pachter er því góð leið að byrja samtalið á því að draga fram mikilvægi starfsmannsins og hrósa fyrir frammistöðu. Stjórnandinn þarf síðan að ganga hreint til verks og láta vita að hún/hann þurfi að ræða viðkvæmt og erfitt mál þar sem ætlunin er hvorki að móðga né særa. Pachter mælir með því að stjórnandinn beri upp erindið en nefni strax einhverjar lausnir. Til dæmis bara það að mögulega snúist þetta bara um að fara oftar í sturtu, nota svitalykaeyðir reglulega undir hendurnar eða athuga hvort hreinsa þurfi þvottavélina. Stjórnandinn má þó ekki yfirtaka samtalið því mikilvægt er að hlusta vel á það hvað starfsmaðurinn hefur sjálfur að segja og reyna að að tryggja að honum/henni líði sem best í þessum óþægilegu aðstæðum. Oft hefur starfsmaðurinn þörf á því að segja eitthvað sjálfur eða skýra sína hlið út. Það sem má alls ekki gera Stjórnandinn má alls ekki segja við viðkomandi að samstarfsfólkið á vinnustaðnum hafi verið að kvarta yfir ólykt og það skýri út hvers vegna stjórnandinn er að eiga þetta samtal. Að gera það getur valdið starfsmanninum mikla vanlíðan sem auðvelt er að forðast. Stjórnun Góðu ráðin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krónísk óstundvísi: Skýringar og góð ráð Atvinnulíf Dýrmætustu og sjaldgæfustu Mustang bílar landsins á afmælissýningu Mustang Samstarf Arnar Már nýr aðstoðarforstjóri Viðskipti innlent Tekur við stöðu sviðsstjóra Netöryggismiðstöðvar Íslands Viðskipti innlent „Ég var skíthrædd að senda þessa tölvupósta“ Atvinnulíf Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent Sjö vilja taka við af Gunnari Viðskipti innlent Hefja sölu á íbúðum á Orkureitnum Viðskipti innlent Hagnaður Íslandsbanka 5,4 milljarðar á fyrsta fjórðungi Viðskipti innlent Bíllinn leggur meðan ég fæ mér drykk - smart #3 reynsluakstur Samstarf Fleiri fréttir Krónísk óstundvísi: Skýringar og góð ráð „Ég var skíthrædd að senda þessa tölvupósta“ Ástin laðar að: Gott að vera kona á Íslandi, en ekki innflytjandi Forstjóri, snúsari, mótorhjólatöffari, veiðimaður og framúrskarandi á ryksugunni Endurgjöf: Það sem þú átt ekki að gera Eitruð vinnustaðamenning algeng og margfaldar líkur á kulnun „Enda hefði hún hreinlega ekki nennt að þræta við mig endalaust“ Ljúfustu stundirnar þegar allir eru saman í hjónarúminu Þrjú atriði til að auka á sjálfsöryggið okkar í vinnunni Tók fimm mánuði að byrja að tala íslensku Finnur þægilegu heimatilfinninguna þegar hann lendir í Keflavík „Einn mjög fárra karla á mínum aldri sem er ekki í golfi!“ Að vera bestur í teyminu er allt annað en að vera góður stjórnandi Kynslóðaskipti: Arftakaáætlunin virkjuð, vinnustaðaskóli og ný tækifæri fyrir starfsfólk 55-74 ára fjölgar hlutfallslega mest á vinnumarkaði „Ótrúlega vel gift honum Obba sem er A-manneskja“ Algengt að starfsfólk læri ekki af mistökum Hjón í nýsköpun: „Það er reyndar hún sem er Þjóðverjinn en ég Íslendingurinn“ Sjá meira
Þau eru margslungin málin sem geta komið upp í vinnunni okkar. Að segja samstarfsfélaga að hann lykti illa er án efa eitt af viðkvæmu og flóknu málunum. Þessi samstarfsfélagi getur verið kona eða karl og vonda lyktin getur átt sér ýmsar skýringar. Stundum er það svitalykt eða vond líkamslykt af óþrifnaði. Stundum er vond lykt viðvarandi af fatnaði, jafnvel fúkkalykt, þar sem rót vandans er þvottavélin sjálf sen þetta er algengt vandamál margir gera sér ekki grein fyrir (hér eru nokkur góð ráð til að hreinsa vélina). Eins getur það verið reykingalykt sem stundum virkar eins og súr og þung reykingalykt þegar fatnaður er þveginn of sjaldan. Síðan er það aldurstengd lykt því með aldrinum getur líkamslykt bæði aukist og breyst. Líkamlegir kvillar geta líka verið skýringar. Sem dæmi má nefna getur komið töluverð lykt af þvagleka þótt hann sé ekki mikill hjá fólki. Eins getur fólk átt við einhvern vanda þar sem vond lykt er af kynfærum. Og enn aðrir glíma við mikla táfýlu en eru samt gjarnir á að fara úr skóm innan um samstarfsfélaga. Að taka á málunum Það gerir engum gott að taka ekki á þessum málum og láta eins og ekkert sé. Best er að stjórnandinn taki það á sig að eiga við viðkomandi samtal og vandi sig þar vel við. Eða svo náinn samstarfsfélagi og vinur að skilaboðunum er hægt að koma áleiðis, án þess að særa nokkurn. Barbara Pachter er höfundur bókarinnar „The Power of Positive Confrontation: The Skills You Need to Handle Conflicts at Work, Home, Online and in Life.“ Hún gefur stjórnendum eftirtalin góð ráð fyrir það samtal sem stjórnendur þurfa að taka til að taka á málum sem þessum. Regla númer eitt er að stjórnandi gefi sér það aldrei fyrirfram að vita skýringarnar á lyktinni en fyrir samtalið mælir hún með eftirfarandi: Vertu undirbúin/n Það er ekki hægt að setjast niður og ræða mál sem þetta án þess að vera með ákveðna sýn um það hvernig samtalið eigi að vera. Eitt ráðið er að tala á svipuðum nótum og gert er þegar ræða þarf stefnu vinnustaðar um snyrtilegan klæðnað. Eins þarf stjórnandinn að vera við því búinn að skýringar á lykt stafi af kvilla, jafnvel tímabundnu ástandi samhliða því að vera búinn að afla sér upplýsinga um af hverju vond lykt getur stafað og hverjar lausnirnar gætu verið. Veldu sérstaklega vel stað og stund Vond lykt er svo persónulegt mál að vanda þarf sérstaklega til þegar valinn er staður og stund. Þetta er því ekki hefðbundið starfsmannasamtal þar sem viðkomandi er kallaður inn á skrifstofu og á síðan að halda áfram að vinna eins og ekkert hafi í skorist. Pachter mælir með því að samtalið sé tekið í lok vinnudags þannig að þegar að samtalinu lýkur, er tími til að fara beint heim. Þetta er samtal, ekki niðurrif Starfsmaðurinn má ekki upplifa samtalið sem skammir eða lítillækkun. Að sögn Pachter er því góð leið að byrja samtalið á því að draga fram mikilvægi starfsmannsins og hrósa fyrir frammistöðu. Stjórnandinn þarf síðan að ganga hreint til verks og láta vita að hún/hann þurfi að ræða viðkvæmt og erfitt mál þar sem ætlunin er hvorki að móðga né særa. Pachter mælir með því að stjórnandinn beri upp erindið en nefni strax einhverjar lausnir. Til dæmis bara það að mögulega snúist þetta bara um að fara oftar í sturtu, nota svitalykaeyðir reglulega undir hendurnar eða athuga hvort hreinsa þurfi þvottavélina. Stjórnandinn má þó ekki yfirtaka samtalið því mikilvægt er að hlusta vel á það hvað starfsmaðurinn hefur sjálfur að segja og reyna að að tryggja að honum/henni líði sem best í þessum óþægilegu aðstæðum. Oft hefur starfsmaðurinn þörf á því að segja eitthvað sjálfur eða skýra sína hlið út. Það sem má alls ekki gera Stjórnandinn má alls ekki segja við viðkomandi að samstarfsfólkið á vinnustaðnum hafi verið að kvarta yfir ólykt og það skýri út hvers vegna stjórnandinn er að eiga þetta samtal. Að gera það getur valdið starfsmanninum mikla vanlíðan sem auðvelt er að forðast.
Stjórnun Góðu ráðin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krónísk óstundvísi: Skýringar og góð ráð Atvinnulíf Dýrmætustu og sjaldgæfustu Mustang bílar landsins á afmælissýningu Mustang Samstarf Arnar Már nýr aðstoðarforstjóri Viðskipti innlent Tekur við stöðu sviðsstjóra Netöryggismiðstöðvar Íslands Viðskipti innlent „Ég var skíthrædd að senda þessa tölvupósta“ Atvinnulíf Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent Sjö vilja taka við af Gunnari Viðskipti innlent Hefja sölu á íbúðum á Orkureitnum Viðskipti innlent Hagnaður Íslandsbanka 5,4 milljarðar á fyrsta fjórðungi Viðskipti innlent Bíllinn leggur meðan ég fæ mér drykk - smart #3 reynsluakstur Samstarf Fleiri fréttir Krónísk óstundvísi: Skýringar og góð ráð „Ég var skíthrædd að senda þessa tölvupósta“ Ástin laðar að: Gott að vera kona á Íslandi, en ekki innflytjandi Forstjóri, snúsari, mótorhjólatöffari, veiðimaður og framúrskarandi á ryksugunni Endurgjöf: Það sem þú átt ekki að gera Eitruð vinnustaðamenning algeng og margfaldar líkur á kulnun „Enda hefði hún hreinlega ekki nennt að þræta við mig endalaust“ Ljúfustu stundirnar þegar allir eru saman í hjónarúminu Þrjú atriði til að auka á sjálfsöryggið okkar í vinnunni Tók fimm mánuði að byrja að tala íslensku Finnur þægilegu heimatilfinninguna þegar hann lendir í Keflavík „Einn mjög fárra karla á mínum aldri sem er ekki í golfi!“ Að vera bestur í teyminu er allt annað en að vera góður stjórnandi Kynslóðaskipti: Arftakaáætlunin virkjuð, vinnustaðaskóli og ný tækifæri fyrir starfsfólk 55-74 ára fjölgar hlutfallslega mest á vinnumarkaði „Ótrúlega vel gift honum Obba sem er A-manneskja“ Algengt að starfsfólk læri ekki af mistökum Hjón í nýsköpun: „Það er reyndar hún sem er Þjóðverjinn en ég Íslendingurinn“ Sjá meira