Fyrirtæki í vanda með launa- og skattagreiðslur Rakel Sveinsdóttir skrifar 3. apríl 2020 11:10 Drungi yfir öllu á tímum kórónufaraldurs. Vísir/Vilhelm Nokkrir viðmælendur Vísis, sem eru með lítinn rekstur, segjast þurfa að gera ráðstafanir til að geta greitt virðisaukaskattinn sem er á gjalddaga næsta mánudag. Þá hafi launagreiðslur verið erfiðar um mánaðarmótin og ekki greiddar út að fullu í öllum tilfellum. Ástandið sé hreinlega fordæmalaust þar sem innkoma fyrirtækja hefur verið nánast engin síðustu daga og vikur. Ríkisskattstjóri sendi fyrirtækjum tilkynningu í gær þar sem minnt var á að næsti gjalddagi virðisaukaskatts er á mánudag, 6.apríl. Ólíkt staðgreiðslunni gera úrræði stjórnvalda ekki ráð fyrir frestun eða skiptingu á þessum greiðslum. Hins vegar verður ekki beitt álagi að þessu sinni vegna vanskila, en vextir eru að jafnaði 1% fyrstu tíu daga vanskila. Vextir greiðast þó ef virðisaukaskattur hefur ekki verið greiddur innan mánaðar frá gjalddaga og í þeim tilfellum reiknast dráttarvextir á ógreiddan virðisaukaskatt frá gjalddaga. Í tilkynningu ríkisskattstjóra er þeim fyrirtækjum sem kunna að eiga í greiðsluerfiðleikum bent á að hafa samband við innheimtumann ríkissjóðs til að leita samninga um greiðsludreifingu , sem af þessu má gera ráð fyrir að muni þá innifela vexti frá gjalddaga. Skil á skýrslunni mikilvæg Þá er sérstök athygli vakin á því að fyrirtæki skili inn virðisaukaskattskýrslunni enda séu fullnægjandi skil á henni eitt af skilyrðum þess að fyrirtæki geti sótt um að fresta skilum á afdreginni staðgreiðslu. Uppgjörstímabil virðisaukaskattsins til greiðslu á mánudag er fyrir tímabilið janúar og febrúar 2020. Eiga hvorki fyrir launum né skattagreiðslum „Ég sé það auðvitað í mínu starfi hvernig staðan verður erfiðari dag frá degi hjá þeim fyrirtækjum sem misstu allar sínar tekjur á augabragði,“ segir Ingibjörg Þorsteinsdóttir eigandi og framkvæmdastjóri 3 Skref bókhaldsþjónustu á Facebooksíðu sinni í morgun. Hún hvetur fólk til að standa með fyrirtækjum og reyna að styðja við þau eins og kostur er. Þar bendir hún á að fleiri fyrirtæki en þau sem eru í ferðaþjónustu hafi orðið illa fyrir barðinu á kórónufaraldrinum. Nefnir hún sérstaklega hárgreiðslu- og snyrtistofur sem þurftu að loka í kjölfar herts samkomubanns. Þá segist Ingibjörg vita til þess að fyrirtæki hafi nýtt sér úrræði stjórnvalda um skert starfshlutfall án þess að hafa getað greitt út launin. „Margir nýta sér hlutastarfaleiðina frekar en að segja upp starfsfólki án þess þó að geta jafnvel borgað launin. Eða leiguna og annan fastan rekstrarkostnað. Það gæti hjálpað verulega mikið að kaupa núna vöru og þjónustu sem við svo nýtum seinna.“ Nokkrir viðmælendur Vísis sem eru með lítinn rekstur taka undir orð Ingibjargar. Segja sumir viðmælendur að greiðsludreifing á virðisaukaskattinum hefði getað nýst vel á meðan aðrir segja að það muni strax um, að geta greitt virðisaukaskattinn á mánaðartímabili án vaxta, samhliða því að hafa frestað greiðslum staðgreiðslu. Launagreiðslur hafi verið erfiðar um mánaðarmótin og ekki greidd út að fullu í sumum tilfellum. Að sögn þessara viðmælenda hefur sala aldrei verið jafn lítil og síðustu daga og vikur og enginn tími sambærilegur í rekstrinum hvað það varðar. „Maður hrekkur hreinlega í kút ef einhver viðskiptavinur slæðist hingað inn,“ sagði einn viðmælandi. Mest lesið „Skrifast ekki á okkur að það hafi farið eins og er farið“ Viðskipti innlent Icelandair geti ekki svarað fyrir orðræðuna Viðskipti innlent Engin ást eftir milli flugmanna og stjórnenda Viðskipti innlent Play kvartaði undan Icelandair þremur vikum fyrir gjaldþrot Viðskipti innlent Norðlensk framleiðsla sem er að slá í gegn á Íslandi Samstarf Play er gjaldþrota Viðskipti innlent Loka Kristjánsbakaríi Viðskipti innlent Sömu miðarnir kosti nú 370 þúsund Viðskipti innlent Hætta rekstri tveggja skipa í hagræðingarskyni Viðskipti innlent Koma fólkinu heim með fimmtán milljóna króna leiguflugi Viðskipti innlent Fleiri fréttir „Höfum aldrei þurft að hugsa um þetta áður“ Finnsson fjölskyldan: „Það var samt eitthvað svo fallegt við þetta“ Sannfærð um að hún var Skoti í fyrra lífi Ekki of seint að breyta starfsframa eða vinnu eftir fimmtugt Að líða eins og svikara í vinnunni „Fyrir löngu orðin að aðstoðarmanninum sem ég leitaði að í tólf ár“ „Prófaðu að segja við AI: Ókei, ég vil að þú hjálpir mér í vinnunni“ Valsstelpa í lyfjabyltingu: „Ég var alltaf svolítið skrýtin blanda“ Lögreglustjórinn: Segir pabbabrandara, elskar krimmasögur og segir húmor vanmetinn Vaxtaverkir í golfi: Kylfingum fjölgar um þúsundir á ári SVÓT viðtöl við alla starfsmenn: „Gerðu þetta bara!“ „Eitt sinn var ég ekki svo lánsöm að tilheyra stóru vinkonusamfélagi“ „Er nú rétt að jafna mig á slæmu Wham! blæti“ Algengustu og neyðarlegustu mistökin í tölvupóstum Hinseginvottun: „Það er heldur engin kynjamerking á salernum fyrir fatlaða“ Gervihjónabönd: Að eiga vinnueiginmann eða vinnueiginkonu Framkvæmdastjóri Olís: „Ekki hleypa henni að græjunum“ Hryllingssögur og dæmi: „Slúbbertar halda heilu stofnunum í gíslingu“ Slúbbertar hjá ríkinu: „Erum að skapa ófremdarástand“ Starfsmenn sem ljúga Að púsla saman vinnu, aukavinnu og lífinu Fótboltastelpan sem fór í verkfræði: „Höfum eiginlega verið saman að eilífu“ Þegar ástríðan slokknar: Eins og hljóðlát kulnun Orkugeirinn stækkar: „Við erum komin að þolmörkum“ Þessi í vinnunni sem þykist vita allt og hefur alltaf rétt fyrir sér „Það er hægt að byrja að fjárfesta með fimm þúsund krónum á mánuði“ Þegar þreyttir starfsmenn mæta til vinnu eftir frí Sjá meira
Nokkrir viðmælendur Vísis, sem eru með lítinn rekstur, segjast þurfa að gera ráðstafanir til að geta greitt virðisaukaskattinn sem er á gjalddaga næsta mánudag. Þá hafi launagreiðslur verið erfiðar um mánaðarmótin og ekki greiddar út að fullu í öllum tilfellum. Ástandið sé hreinlega fordæmalaust þar sem innkoma fyrirtækja hefur verið nánast engin síðustu daga og vikur. Ríkisskattstjóri sendi fyrirtækjum tilkynningu í gær þar sem minnt var á að næsti gjalddagi virðisaukaskatts er á mánudag, 6.apríl. Ólíkt staðgreiðslunni gera úrræði stjórnvalda ekki ráð fyrir frestun eða skiptingu á þessum greiðslum. Hins vegar verður ekki beitt álagi að þessu sinni vegna vanskila, en vextir eru að jafnaði 1% fyrstu tíu daga vanskila. Vextir greiðast þó ef virðisaukaskattur hefur ekki verið greiddur innan mánaðar frá gjalddaga og í þeim tilfellum reiknast dráttarvextir á ógreiddan virðisaukaskatt frá gjalddaga. Í tilkynningu ríkisskattstjóra er þeim fyrirtækjum sem kunna að eiga í greiðsluerfiðleikum bent á að hafa samband við innheimtumann ríkissjóðs til að leita samninga um greiðsludreifingu , sem af þessu má gera ráð fyrir að muni þá innifela vexti frá gjalddaga. Skil á skýrslunni mikilvæg Þá er sérstök athygli vakin á því að fyrirtæki skili inn virðisaukaskattskýrslunni enda séu fullnægjandi skil á henni eitt af skilyrðum þess að fyrirtæki geti sótt um að fresta skilum á afdreginni staðgreiðslu. Uppgjörstímabil virðisaukaskattsins til greiðslu á mánudag er fyrir tímabilið janúar og febrúar 2020. Eiga hvorki fyrir launum né skattagreiðslum „Ég sé það auðvitað í mínu starfi hvernig staðan verður erfiðari dag frá degi hjá þeim fyrirtækjum sem misstu allar sínar tekjur á augabragði,“ segir Ingibjörg Þorsteinsdóttir eigandi og framkvæmdastjóri 3 Skref bókhaldsþjónustu á Facebooksíðu sinni í morgun. Hún hvetur fólk til að standa með fyrirtækjum og reyna að styðja við þau eins og kostur er. Þar bendir hún á að fleiri fyrirtæki en þau sem eru í ferðaþjónustu hafi orðið illa fyrir barðinu á kórónufaraldrinum. Nefnir hún sérstaklega hárgreiðslu- og snyrtistofur sem þurftu að loka í kjölfar herts samkomubanns. Þá segist Ingibjörg vita til þess að fyrirtæki hafi nýtt sér úrræði stjórnvalda um skert starfshlutfall án þess að hafa getað greitt út launin. „Margir nýta sér hlutastarfaleiðina frekar en að segja upp starfsfólki án þess þó að geta jafnvel borgað launin. Eða leiguna og annan fastan rekstrarkostnað. Það gæti hjálpað verulega mikið að kaupa núna vöru og þjónustu sem við svo nýtum seinna.“ Nokkrir viðmælendur Vísis sem eru með lítinn rekstur taka undir orð Ingibjargar. Segja sumir viðmælendur að greiðsludreifing á virðisaukaskattinum hefði getað nýst vel á meðan aðrir segja að það muni strax um, að geta greitt virðisaukaskattinn á mánaðartímabili án vaxta, samhliða því að hafa frestað greiðslum staðgreiðslu. Launagreiðslur hafi verið erfiðar um mánaðarmótin og ekki greidd út að fullu í sumum tilfellum. Að sögn þessara viðmælenda hefur sala aldrei verið jafn lítil og síðustu daga og vikur og enginn tími sambærilegur í rekstrinum hvað það varðar. „Maður hrekkur hreinlega í kút ef einhver viðskiptavinur slæðist hingað inn,“ sagði einn viðmælandi.
Mest lesið „Skrifast ekki á okkur að það hafi farið eins og er farið“ Viðskipti innlent Icelandair geti ekki svarað fyrir orðræðuna Viðskipti innlent Engin ást eftir milli flugmanna og stjórnenda Viðskipti innlent Play kvartaði undan Icelandair þremur vikum fyrir gjaldþrot Viðskipti innlent Norðlensk framleiðsla sem er að slá í gegn á Íslandi Samstarf Play er gjaldþrota Viðskipti innlent Loka Kristjánsbakaríi Viðskipti innlent Sömu miðarnir kosti nú 370 þúsund Viðskipti innlent Hætta rekstri tveggja skipa í hagræðingarskyni Viðskipti innlent Koma fólkinu heim með fimmtán milljóna króna leiguflugi Viðskipti innlent Fleiri fréttir „Höfum aldrei þurft að hugsa um þetta áður“ Finnsson fjölskyldan: „Það var samt eitthvað svo fallegt við þetta“ Sannfærð um að hún var Skoti í fyrra lífi Ekki of seint að breyta starfsframa eða vinnu eftir fimmtugt Að líða eins og svikara í vinnunni „Fyrir löngu orðin að aðstoðarmanninum sem ég leitaði að í tólf ár“ „Prófaðu að segja við AI: Ókei, ég vil að þú hjálpir mér í vinnunni“ Valsstelpa í lyfjabyltingu: „Ég var alltaf svolítið skrýtin blanda“ Lögreglustjórinn: Segir pabbabrandara, elskar krimmasögur og segir húmor vanmetinn Vaxtaverkir í golfi: Kylfingum fjölgar um þúsundir á ári SVÓT viðtöl við alla starfsmenn: „Gerðu þetta bara!“ „Eitt sinn var ég ekki svo lánsöm að tilheyra stóru vinkonusamfélagi“ „Er nú rétt að jafna mig á slæmu Wham! blæti“ Algengustu og neyðarlegustu mistökin í tölvupóstum Hinseginvottun: „Það er heldur engin kynjamerking á salernum fyrir fatlaða“ Gervihjónabönd: Að eiga vinnueiginmann eða vinnueiginkonu Framkvæmdastjóri Olís: „Ekki hleypa henni að græjunum“ Hryllingssögur og dæmi: „Slúbbertar halda heilu stofnunum í gíslingu“ Slúbbertar hjá ríkinu: „Erum að skapa ófremdarástand“ Starfsmenn sem ljúga Að púsla saman vinnu, aukavinnu og lífinu Fótboltastelpan sem fór í verkfræði: „Höfum eiginlega verið saman að eilífu“ Þegar ástríðan slokknar: Eins og hljóðlát kulnun Orkugeirinn stækkar: „Við erum komin að þolmörkum“ Þessi í vinnunni sem þykist vita allt og hefur alltaf rétt fyrir sér „Það er hægt að byrja að fjárfesta með fimm þúsund krónum á mánuði“ Þegar þreyttir starfsmenn mæta til vinnu eftir frí Sjá meira