Afturendanum á BMW M3 G80 lekið

Breskt fyrirtæki (Evolve Automotive) sem sérhæfir sig í að uppfæra og fínstilla BMW bifreiðar svo þær virki sem allra best birti á Facebook síðu sinni mynd af afturendanum á nýjum, væntanlegum BMW M3.

Áður fyrr hafa einungis sést myndir af bílnum í felulitum við prufuakstur. Þær myndir földu stærð loftdreifarans (e. diffuser).

Brettin á bílnum eru mjög breið, ljósin eru dökk yfirlitum og loftdreifarinn er samlitur bílnum.

BMW M3 mun koma með tveimur forþjöppum á sex sílendera vél. Hann verður fáanlegur með sex gíra beinskiptingu og orðrómur er á kreiki um að vélin muni skila 510 hestöflum. Aðrar útgáfur verða fáanlegar, fjórhjóladrif og tveggja kúplinga sjálfskipting eru á meðal þess sem mun verða fáanlegt.

Enn hefur ekki verið staðfest hvenær bíllinn verður frumsýndur en hann mun fara í sölu á næsta ári. Síðasta stóra bílasýning ársins er í Los Angeles seint í nóvember, hann gæti verið til sýnis þar. BMW gæti þó sett upp sjálfstæðan frumsýningaviðburð fyrir M3 líkt og nýlega var gert þegar M235i Grand Coupe var frumsýndur.