Bílar

Rimac C_TWO árekstrarprófaður

Kristinn Ásgeir Gylfason skrifar
Rimac C-Two (Concept Two) er eftirfari Concept One.
Rimac C-Two (Concept Two) er eftirfari Concept One. Rimac

Til að tryggja öryggi ökumanna og farþega þarf að árekstrarprófa nýja bíla. Meira að segja bíla sem eru framleiddir í takmörkuðu upplagi.

Rimac ætlar að framleiða 150 eintök til sölu af C-Two og eru um þessar mundir að klára að framkvæma prófanir til að fá formleg leyfi til að selja bílinn.

Rimac áætlar að nýji bíllinn verði 1,97 sekúndur úr kyrrstöðu upp í 100 km/klst og einunigs 11,8 sekúndur upp í 300 km/klst. Til að setja það í samhengi þá er meðal fólksbíll um 10-11 sekúndur upp í 100 km/klst. Hámarkshraðinn er sagður vera 458 km/klst, ef einhver þorir að reyna það.

Rétt er að vara bílaáhugafólk við meðfylgjandi myndandi.

C_Two er með fjóra rafmótora sem saman skyla 1914 hestöflum og 2300 Nm togi. Framdekkin hafa hvort sinn eins gíra kassa og afturdekkin hafa sinnhvorn tveggja gíra kassann.

Rimac C-Two dregur um 650 kílómetra ef ekið er við eðlilegar aðstæður. Bíllinn kemst samkvæmt framleiðanda tvo hringi á Nürburgring brautinni „með minniháttar eftirgjöf í frammistöðu“.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.