66°Norður á lista með Stellu McCartney og Arket

Breska tímaritið Shortlist hefur gefið út lista með þeim vörumerkjum í fatageiranum sem þeir telja að munu slá í gegn á næstu árum. Það er að finna íslenska merkið 66°Norður sem er í góðum félagsskap með til dæmis nýjustu viðbót H&M keðjunnar Arket og Stellu McCartney. 

Í blaðinu er myndaþáttur með fötunum þar sem notaðar eru fyrirsætur og ljósmyndarar sem eru taldar munu líka slá í gegn á næstu árum. 

Yfirskriftin á greininni er Framtíð tískunnar er hér. Blaðið telur 66°Norður hafi með velheppnuðum hætti fært hið gamalgróna íslenska útivistarmerki inn í nútímann og að North Face geti farið að vara sig. 

Gaman að sjá íslensk merki gera það gott á erlendri grundu en nú þegar er 66°Norður búnir að koma sér vel fyrir í Danmörku. 

British rapper @skeptagram wearing the Hvannadalshnjukur Bibs at the Blockfest hiphop festival. - Photo: @blockfest #66north #blockfest2017 #blockfest

A post shared by 66°NORTH (@66north) on Aug 21, 2017 at 3:50pm PDT