Lífsvon Bjarni Karlsson skrifar 3. maí 2017 07:00 Næstu föstudagsnótt ætla hundruð Íslendinga að hittast bæði í Laugardalnum í Reykjavík og við gamla Leikfélagshúsið á Akureyri á fáránlegasta tíma sólarhringsins, kl. fjögur að nóttu þegar tæknilega séð er kominn laugardagur, til þess að ganga á móti sólarupprásinni. Við sem þarna mætum munum tilheyra hundruðum þúsunda manna vítt um heim sem þessa nótt sameinast í baráttunni við sjálfsvígsvandann og ganga úr myrkrinu í ljósið í minningu þeirra sem fallið hafa fyrir eigin hendi. Það að treysta sér ekki til að lifa er í sjálfu sér ekkert skrýtið. Fyrir því geta verið margar gildar ástæður. En sársaukinn sem fylgir er hræðilegur. Mikil angist, vanmáttur, sorg og lamandi skömm. Flest fólk lifir af og fyrsta skrefið út úr myrkrinu gerist oftast í mannlegri nánd. Maður er enn þá inni í myrkrinu þegar lagt er af stað og maður kemst af stað vegna þess að það er einhver sem kemur, stoppar hjá manni og þolir ástandið. Einhver sem er ekki hræddur við að vera hræddur. Einhver sem er ekki miður sín yfir því að vera miður sín og skammast sín ekki lengur fyrir skömmina. Þannig byrjar oftast gangan í lífi þeirra sem lifa af og komast úr myrkrinu í ljósið. Einmitt þess vegna komum við saman áður en sól rís, finnum styrk í nálægð við aðra og göngum af stað til að heilsa deginum. Samtökin Pieta Ísland, sem standa að göngunni, eru stofnuð að írskri fyrirmynd og ætla sér að opna nýtt úrræði þar sem fólk í sjálfsvígshættu nýtur mannlegrar nándar og faglegrar þjónustu innan 24 stunda frá því beiðni berst. Málið varðar hverja einustu stórfjölskyldu í landinu og því er ástæða til að fjölmenna. Upplýsingar varðandi skráningu o.fl. má nálgast á Fb-síðu Pieta Ísland. Viltu birta grein á Vísi? Sendu okkur póst. Senda grein Bjarni Karlsson Birtist í Fréttablaðinu Mest lesið Halldór 26.05.2024 Halldór Afhverju viltu fá trúð á Bessastaði? Diljá Ámundadóttir Zoega Skoðun Rýnum í rót lestrarvandans. Hvað ert þú að gera til að styðja við barn í þínu nærumhverfi ? Rakel Linda Kristjánsdóttir Skoðun Ég styð Baldur sem næsta forseta! Gunnar Alexander Ólafsson Skoðun Það þarf þyrlupall við þjóðarsjúkrahúsið Hópur lækna á þyrlum Landhelgisgæslunnar Skoðun Lestarsamgöngur milli Reykjavíkur og Keflavíkurflugvallar Guðmundur Björnsson Skoðun Hvalveiðar á Íslandi, löng saga spillingar og sérhagsmunatengsla Valgerður Árnadóttir Skoðun Sjókvíafúskið mikla Rán Flygenring Skoðun Þjóðarmorðið á Gasa í tölum og hlutverk Íslands Ingólfur Shahin Skoðun Til óákveðinna kjósenda Eygló Halldórsdóttir Skoðun
Næstu föstudagsnótt ætla hundruð Íslendinga að hittast bæði í Laugardalnum í Reykjavík og við gamla Leikfélagshúsið á Akureyri á fáránlegasta tíma sólarhringsins, kl. fjögur að nóttu þegar tæknilega séð er kominn laugardagur, til þess að ganga á móti sólarupprásinni. Við sem þarna mætum munum tilheyra hundruðum þúsunda manna vítt um heim sem þessa nótt sameinast í baráttunni við sjálfsvígsvandann og ganga úr myrkrinu í ljósið í minningu þeirra sem fallið hafa fyrir eigin hendi. Það að treysta sér ekki til að lifa er í sjálfu sér ekkert skrýtið. Fyrir því geta verið margar gildar ástæður. En sársaukinn sem fylgir er hræðilegur. Mikil angist, vanmáttur, sorg og lamandi skömm. Flest fólk lifir af og fyrsta skrefið út úr myrkrinu gerist oftast í mannlegri nánd. Maður er enn þá inni í myrkrinu þegar lagt er af stað og maður kemst af stað vegna þess að það er einhver sem kemur, stoppar hjá manni og þolir ástandið. Einhver sem er ekki hræddur við að vera hræddur. Einhver sem er ekki miður sín yfir því að vera miður sín og skammast sín ekki lengur fyrir skömmina. Þannig byrjar oftast gangan í lífi þeirra sem lifa af og komast úr myrkrinu í ljósið. Einmitt þess vegna komum við saman áður en sól rís, finnum styrk í nálægð við aðra og göngum af stað til að heilsa deginum. Samtökin Pieta Ísland, sem standa að göngunni, eru stofnuð að írskri fyrirmynd og ætla sér að opna nýtt úrræði þar sem fólk í sjálfsvígshættu nýtur mannlegrar nándar og faglegrar þjónustu innan 24 stunda frá því beiðni berst. Málið varðar hverja einustu stórfjölskyldu í landinu og því er ástæða til að fjölmenna. Upplýsingar varðandi skráningu o.fl. má nálgast á Fb-síðu Pieta Ísland.
Rýnum í rót lestrarvandans. Hvað ert þú að gera til að styðja við barn í þínu nærumhverfi ? Rakel Linda Kristjánsdóttir Skoðun
Rýnum í rót lestrarvandans. Hvað ert þú að gera til að styðja við barn í þínu nærumhverfi ? Rakel Linda Kristjánsdóttir Skoðun