Framtíðin er þeirra Ingvi Þór Sæmundsson skrifar 19. september 2016 06:00 Haukur Helgi Pálsson og Kristófer Acox fallast í faðma eftir að lokaflautið gall í Laugardalshöllinni á laugardaginn. mynd/bára dröfn kristinsdóttir „Þetta er frábær tilfinning. Hún var góð síðast en að gera þetta tvisvar í röð er mjög sérstakt,“ sagði reynsluboltinn Jón Arnór Stefánsson eftir að Ísland tryggði sér farseðilinn á annað Evrópumótið í röð. Íslensku strákarnir unnu frábæran sigur, 74-68, á sterku liði Belga frammi fyrir troðfullri Laugardalshöll á laugardaginn. Reikningsmeistarar Körfuknattleikssambandsins voru reyndar búnir að finna út að Ísland mætti tapa með 16 stiga mun og kæmist samt áfram. En það vissu strákarnir ekki. Þeir vildu og ætluðu að vinna leikinn. „Við fórum í þennan leik til að vinna hann. Við fengum ekki að vita nein úrslit fyrir leikinn. Þeir eru með hörkulið og það sýnir mikinn andlegan styrk að vinna þá,“ sagði Jón Arnór sem var á annarri löppinni í undankeppninni. „Það er gaman að sjá hvernig ungu strákarnir í liðinu hafa stigið upp og dregið vagninn. Það er mjög gott því ég hef verið í lélegu standi,“ sagði Jón ArnórErfitt í upphafi Hann, líkt og fleiri leikmenn í íslenska liðinu, átti erfitt uppdráttar í sókninni framan af leik. Eftir fyrsta leikhluta var skotnýting Íslands einungis 18,2 prósent og aðeins þrír leikmenn komnir á blað. Jón Arnór klikkaði á fyrstu átta skotunum sínum og íslenska liðið lenti mest 14 stigum undir, 15-29, snemma í öðrum leikhluta. Íslensku strákarnir hittu skelfilega en voru duglegir að koma sér á vítalínuna. Alls komu 13 af 34 stigum Íslands í fyrri hálfleik úr vítum. Þrátt fyrir erfiða stöðu brotnaði íslenska liðið ekki, hélt áfram að berjast í vörninni og fór að minnka muninn. Kristófer Acox jafnaði metin í 34-34 af vítalínunni en Belgar áttu lokaorðið í fyrri hálfleik þegar þeir settu niður flautuþrist. Hann var þó aðeins kinnhestur en ekki rothögg. Í seinni hálfleik spilaði íslenska liðið svo frábærlega og landaði sex stiga sigri, 74-68, á liði sem fór í 16-liða úrslit á síðasta EM.grafík/fréttablaðiðGreip tækifærið með báðum „Fyrri hálfleikurinn á móti Sviss og seinni hálfleikurinn gegn Belgíu eru tveir bestu hálfleikir sem ég hef séð landsliðið spila,“ sagði ein af hetjum íslenska liðsins, Martin Hermannsson. Martin, sem fagnaði 22 ára afmæli sínu á föstudaginn, byrjaði alla sex leikina í undankeppninni og tók stærra hlutverki og aukinni ábyrgð fagnandi. Strákurinn er algjörlega óttalaus og gríðarlega þroskaður miðað við aldur. Yfirvegunin er mikil og það er sjaldan sem Martin tekur illa ígrunduð skot eða slæmar ákvarðanir. Martin var stigahæstur í íslenska liðinu á laugardaginn með 18 stig auk þess sem hann tók þrjú fráköst, gaf fimm stoðsendingar og stal boltanum tvisvar sinnum. Þá var skotnýtingin frábær, eða 77,8 prósent. Martin var ekki eini ungi KR-ingurinn sem lét að sér kveða í undankeppninni því áðurnefndur Kristófer Acox kom eins og stormsveipur inn í íslenska liðið. Kristófer var með 6,0 stig og 4,7 fráköst að meðaltali í undankeppninni, þrátt fyrir að hafa aðeins spilað 15 mínútur að meðaltali í leik. „Hann hefur komið frábærlega inn í þetta,“ sagði Hlynur Bæringsson, fyrirliði landsliðsins, um nýja félaga sinn undir körfunni. „Hann er mjög sérstök týpa í íslenskum körfubolta, mikill íþróttamaður og það er gaman að spila með honum. Þetta er góður drengur og framtíðin er hans.“ Kristófer skilaði ekki einungis flottum tölum heldur sendu troðslur hans í heimaleikjunum gegn Kýpur og Belgíu sterk skilaboð og kveiktu í áhorfendum. „Ég fékk smá nasaþef af þessu á Smáþjóðaleikunum í fyrra en það er geðveikt að spila svona alvöru leiki í fullri höll,“ sagði Kristófer eftir leik. Hann fékk ekki leyfi frá Furman-háskólanum til að fara með á EM í fyrra en hann ætlar að vera með að ári. „Það er ekkert annað í stöðunni, þetta er geðveikt. Ég er bara orðlaus,“ bætti Kristófer við.Björt framtíð Eins og Hlynur sagði er framtíðin Kristófers og framtíðin í íslenska landsliðinu virðist björt. Elvar Már Friðriksson spilaði minna en Martin og Kristófer í undankeppninni en skilaði góðu verki á báðum endum vallarins. Miðherjinn hávaxni Tryggvi Snær Hlinason er í mikilli framför og handan við hornið bíða fleiri strákar úr U-20 ára liðinu sem vann sér sæti í A-deild Evrópumótsins í sumar. Þá eru lykilmenn eins og Haukur Helgi Pálsson og Hörður Axel Vilhjálmsson á góðum aldri. Og þeir sem eldri eru hafa lítið gefið eftir. Það eru því spennandi tímar fram undan í íslenskum körfubolta. EM 2017 í Finnlandi Mest lesið Ronaldo hlustaði ekki á meðan aðrir vildu Ancelotti eða Zidane Enski boltinn Ekki léttvæg ákvörðun að hætta við bardagann Sport Holland lenti undir en varamaðurinn Wout Weghorst kom til bjargar Fótbolti Ógnaði lögreglu með öxi stuttu frá stuðningsmannasvæði Hollendinga Fótbolti Bellingham skoraði eina markið í sigri Englands gegn Serbíu Fótbolti Ljóðræn endurkoma Eriksen en Slóvenar unnu sig til baka og sóttu stig Fótbolti Nablinn slakur í Boston sólinni eftir slæman skell í spilavítinu Körfubolti Neituðu launahækkun til að tryggja kvennalandsliðinu sömu laun Fótbolti Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Íslenski boltinn Sjáðu fljótasta mark í sögu EM og endurkomu Ítalíu Fótbolti Fleiri fréttir Nablinn slakur í Boston sólinni eftir slæman skell í spilavítinu Þorleifur áfram með Grindavík Mavericks knúðu fram annan leik með krafti Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Celtics vilja sjá Horford hampa titlinum: „Þetta snýst um meira en bara mig“ Landsliðsmaður snýr heim úr atvinnumennsku og semur við Stjörnuna Alba Berlin tapaði úrslitaeinvíginu án Martins Hulda verður áfram hjá Grindavík Ho You Fat í Hauka Þorvaldur Orri kemur aftur til KR Luka ósáttur með dómgæsluna: „Aldrei komið fyrir mig áður“ Spurðu hvort Friðrik vildi ekki frekar bíða eftir starfi hjá karlaliði Boston með níu fingur á titlinum Körfuboltagoðsögnin Jerry West er látin Segist tilbúinn að deyja á vellinum en fær líklega ekki að spila Badmus fer hvergi WNBA-deildin að slá öll met Neitaði rúmlega átta milljörðum frá Lakers Aftur til Milwaukee eftir brottreksturinn frá Lakers Clark ekki valin í landsliðið: „Þeir vöktu skrímslið“ Kyrie Irving leyfir Luka Doncic ekki að axla ábyrgð á tapinu Mavericks dauðmóðir og Celtics taka tveggja leikja forystu Blása til styrktarleiks í minningu Bjarka Elvar Már áfram í Grikklandi en fer í nýtt félag Friðrik tekur við keflinu í Keflavík Jóhann Árni til Hattar Grindvíkingar sækja Bandaríkjamann norður og Mortensen framlengir Boston tók forystuna í úrslitunum með öruggum sigri Porzingis klár í kvöld og spenntur fyrir úrslitaeinvígi gegn gömlu félögunum Martin ekki meira með á tímabilinu en Alba Berlin komst í úrslit Sjá meira
„Þetta er frábær tilfinning. Hún var góð síðast en að gera þetta tvisvar í röð er mjög sérstakt,“ sagði reynsluboltinn Jón Arnór Stefánsson eftir að Ísland tryggði sér farseðilinn á annað Evrópumótið í röð. Íslensku strákarnir unnu frábæran sigur, 74-68, á sterku liði Belga frammi fyrir troðfullri Laugardalshöll á laugardaginn. Reikningsmeistarar Körfuknattleikssambandsins voru reyndar búnir að finna út að Ísland mætti tapa með 16 stiga mun og kæmist samt áfram. En það vissu strákarnir ekki. Þeir vildu og ætluðu að vinna leikinn. „Við fórum í þennan leik til að vinna hann. Við fengum ekki að vita nein úrslit fyrir leikinn. Þeir eru með hörkulið og það sýnir mikinn andlegan styrk að vinna þá,“ sagði Jón Arnór sem var á annarri löppinni í undankeppninni. „Það er gaman að sjá hvernig ungu strákarnir í liðinu hafa stigið upp og dregið vagninn. Það er mjög gott því ég hef verið í lélegu standi,“ sagði Jón ArnórErfitt í upphafi Hann, líkt og fleiri leikmenn í íslenska liðinu, átti erfitt uppdráttar í sókninni framan af leik. Eftir fyrsta leikhluta var skotnýting Íslands einungis 18,2 prósent og aðeins þrír leikmenn komnir á blað. Jón Arnór klikkaði á fyrstu átta skotunum sínum og íslenska liðið lenti mest 14 stigum undir, 15-29, snemma í öðrum leikhluta. Íslensku strákarnir hittu skelfilega en voru duglegir að koma sér á vítalínuna. Alls komu 13 af 34 stigum Íslands í fyrri hálfleik úr vítum. Þrátt fyrir erfiða stöðu brotnaði íslenska liðið ekki, hélt áfram að berjast í vörninni og fór að minnka muninn. Kristófer Acox jafnaði metin í 34-34 af vítalínunni en Belgar áttu lokaorðið í fyrri hálfleik þegar þeir settu niður flautuþrist. Hann var þó aðeins kinnhestur en ekki rothögg. Í seinni hálfleik spilaði íslenska liðið svo frábærlega og landaði sex stiga sigri, 74-68, á liði sem fór í 16-liða úrslit á síðasta EM.grafík/fréttablaðiðGreip tækifærið með báðum „Fyrri hálfleikurinn á móti Sviss og seinni hálfleikurinn gegn Belgíu eru tveir bestu hálfleikir sem ég hef séð landsliðið spila,“ sagði ein af hetjum íslenska liðsins, Martin Hermannsson. Martin, sem fagnaði 22 ára afmæli sínu á föstudaginn, byrjaði alla sex leikina í undankeppninni og tók stærra hlutverki og aukinni ábyrgð fagnandi. Strákurinn er algjörlega óttalaus og gríðarlega þroskaður miðað við aldur. Yfirvegunin er mikil og það er sjaldan sem Martin tekur illa ígrunduð skot eða slæmar ákvarðanir. Martin var stigahæstur í íslenska liðinu á laugardaginn með 18 stig auk þess sem hann tók þrjú fráköst, gaf fimm stoðsendingar og stal boltanum tvisvar sinnum. Þá var skotnýtingin frábær, eða 77,8 prósent. Martin var ekki eini ungi KR-ingurinn sem lét að sér kveða í undankeppninni því áðurnefndur Kristófer Acox kom eins og stormsveipur inn í íslenska liðið. Kristófer var með 6,0 stig og 4,7 fráköst að meðaltali í undankeppninni, þrátt fyrir að hafa aðeins spilað 15 mínútur að meðaltali í leik. „Hann hefur komið frábærlega inn í þetta,“ sagði Hlynur Bæringsson, fyrirliði landsliðsins, um nýja félaga sinn undir körfunni. „Hann er mjög sérstök týpa í íslenskum körfubolta, mikill íþróttamaður og það er gaman að spila með honum. Þetta er góður drengur og framtíðin er hans.“ Kristófer skilaði ekki einungis flottum tölum heldur sendu troðslur hans í heimaleikjunum gegn Kýpur og Belgíu sterk skilaboð og kveiktu í áhorfendum. „Ég fékk smá nasaþef af þessu á Smáþjóðaleikunum í fyrra en það er geðveikt að spila svona alvöru leiki í fullri höll,“ sagði Kristófer eftir leik. Hann fékk ekki leyfi frá Furman-háskólanum til að fara með á EM í fyrra en hann ætlar að vera með að ári. „Það er ekkert annað í stöðunni, þetta er geðveikt. Ég er bara orðlaus,“ bætti Kristófer við.Björt framtíð Eins og Hlynur sagði er framtíðin Kristófers og framtíðin í íslenska landsliðinu virðist björt. Elvar Már Friðriksson spilaði minna en Martin og Kristófer í undankeppninni en skilaði góðu verki á báðum endum vallarins. Miðherjinn hávaxni Tryggvi Snær Hlinason er í mikilli framför og handan við hornið bíða fleiri strákar úr U-20 ára liðinu sem vann sér sæti í A-deild Evrópumótsins í sumar. Þá eru lykilmenn eins og Haukur Helgi Pálsson og Hörður Axel Vilhjálmsson á góðum aldri. Og þeir sem eldri eru hafa lítið gefið eftir. Það eru því spennandi tímar fram undan í íslenskum körfubolta.
EM 2017 í Finnlandi Mest lesið Ronaldo hlustaði ekki á meðan aðrir vildu Ancelotti eða Zidane Enski boltinn Ekki léttvæg ákvörðun að hætta við bardagann Sport Holland lenti undir en varamaðurinn Wout Weghorst kom til bjargar Fótbolti Ógnaði lögreglu með öxi stuttu frá stuðningsmannasvæði Hollendinga Fótbolti Bellingham skoraði eina markið í sigri Englands gegn Serbíu Fótbolti Ljóðræn endurkoma Eriksen en Slóvenar unnu sig til baka og sóttu stig Fótbolti Nablinn slakur í Boston sólinni eftir slæman skell í spilavítinu Körfubolti Neituðu launahækkun til að tryggja kvennalandsliðinu sömu laun Fótbolti Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Íslenski boltinn Sjáðu fljótasta mark í sögu EM og endurkomu Ítalíu Fótbolti Fleiri fréttir Nablinn slakur í Boston sólinni eftir slæman skell í spilavítinu Þorleifur áfram með Grindavík Mavericks knúðu fram annan leik með krafti Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Celtics vilja sjá Horford hampa titlinum: „Þetta snýst um meira en bara mig“ Landsliðsmaður snýr heim úr atvinnumennsku og semur við Stjörnuna Alba Berlin tapaði úrslitaeinvíginu án Martins Hulda verður áfram hjá Grindavík Ho You Fat í Hauka Þorvaldur Orri kemur aftur til KR Luka ósáttur með dómgæsluna: „Aldrei komið fyrir mig áður“ Spurðu hvort Friðrik vildi ekki frekar bíða eftir starfi hjá karlaliði Boston með níu fingur á titlinum Körfuboltagoðsögnin Jerry West er látin Segist tilbúinn að deyja á vellinum en fær líklega ekki að spila Badmus fer hvergi WNBA-deildin að slá öll met Neitaði rúmlega átta milljörðum frá Lakers Aftur til Milwaukee eftir brottreksturinn frá Lakers Clark ekki valin í landsliðið: „Þeir vöktu skrímslið“ Kyrie Irving leyfir Luka Doncic ekki að axla ábyrgð á tapinu Mavericks dauðmóðir og Celtics taka tveggja leikja forystu Blása til styrktarleiks í minningu Bjarka Elvar Már áfram í Grikklandi en fer í nýtt félag Friðrik tekur við keflinu í Keflavík Jóhann Árni til Hattar Grindvíkingar sækja Bandaríkjamann norður og Mortensen framlengir Boston tók forystuna í úrslitunum með öruggum sigri Porzingis klár í kvöld og spenntur fyrir úrslitaeinvígi gegn gömlu félögunum Martin ekki meira með á tímabilinu en Alba Berlin komst í úrslit Sjá meira
Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Íslenski boltinn
Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Íslenski boltinn