10 bestu vélarnar vestanhafs

Birtur hefur verið listi yfir bestu bílvélarnar í bílum sem til sölu eru í Bandaríkjunum (Annual Wards 10 Best Engines). Í fyrsta skipti er engin V8 vél á listanum, heldur eingöngu fjögurra og sex strokka vélar. Flestar þeirra eru með forþjöppu, en sumar fá aðstoð frá rafmagnsmótorum. Listinn yfir þessar 10 bestu vélar er eftirfarandi:

BMW M240i, 3,0 lítra DOHC, 6 strokka með forþjöppu

Chevrolet Volt, 1,5 lítra DOHC, 4 strokka og rafmótorar

Chrysler Pacifica Hybrid, 3,6 lítra DOHC V-6 með rafmótora

Ford Focus RS, 2,3 lítra DOHC, 4 strokkar með forþjöppu

Honda Accord Hybrid, 2,0 lítra DOHC, 4 strokka og rafmótorar

Hyundai Elantra Eco, 1,4 lítra DOHC, 4 strokka með forþjöppu

Infinity Q50, 3,0 lítra DOHC, 6 strokka með forþjöppu

Mazda CX-9, 2,5 lítra DOHC, 4 strokka með forþjöppu

Mercedes Benz C300, 2,0 lítra DOHC, 4 strokka með forþjöppu

Volvo V60 Polestar, 2,0 lítra DOHC, 4 strokka með forþjöppu og keflablásara

Þessi listi nú endurspeglar tilhneigingu bílaframleiðenda undanfarin ár að minnka vélar í bílum sínum en einnig því að bæta við rafmótorum, allt til að minnka eyðslu og mengun bíla sinna. Sem fyrr eru evrópskir og japanskir bílaframleiðendur sem að mestu fylla listann og bandarískir bílaframleiðendur fáséðir.