SsangYong jeppasýning hjá Benna

Bílabúð Benna slær upp sýningu á jeppunum frá SsangYong á morgun, laugardag 29. október. Þar verður margt að sjá. Öflugi Rexton jeppinn verður frumsýndur í breyttri 33“ útgáfu, í félagi við bræður hans, jeppana Korando og Tivoli.

Í tilkynningu frá Bílabúð Benna kemur fram að jepparnir frá SsangYong standist allan samanburð. Ekkert sé sparað við þá í vönduðum frágangi, búnaði og þægindum, en þrátt fyrir það séu jepparnir frá SsangYong á frábæru verði. Þá segir að þeir hafi sannað sig rækilega við erfiðustu skilyrði og séu því kjörnir fyrir íslenska vegi og veðurfar.

Hörku jeppasýningin verður haldin í SsangYong salnum, Tangarhöfða 8, á morgun laugardaginn 29. október, frá kl. 12:00 til 16:00.