Þriðja umferð kvartmílunnar á morgun

Á morgun, laugardag fer fram þriðja umferð Íslandsmótsins í kvartmílu. Nítján ökutæki eru skráð til leiks og má búast við skemmtilegri keppni á kvartmílubrautinni í Kapelluhrauni í Hafnarfirði.

Í hléi og eftir keppni verður driftsýning á hinni nýju hringakstursbraut sem kláruð var í vor. Þar má búast við miklum reyk og fjöri. Team Wild Dogs frá Danmörku verða með sérsmíðaðan driftbíl á þessari sýningu og einnig verða nokkrir öflugir íslenskir driftarar á brautinni. Vonast er til þess að sem flestir komi og njóti alls þess sem fyrir augu ber á þessum viðburðarríka degi bílaáhugamanna.



Dagskrá dagsins er sem hér segir:

10:00 Mæting keppenda

10:00 Skoðun hefst

10:30 Pittur lokar

11:00 Skoðun lýkur

11:10 Fundur með keppendum

11:30 Æfingarferðir hefjast

12:50 Æfingarferðum lýkur

13:00 Tímatökur hefjast

14:00 Tímatökum lýkur

14:15-14:50 Driftsýning á hringakstursbraut Team Wild Dogs og fleiri driftsnillingar

14:50 Keppendur mættir við sín tæki

15:00 Keppni hefst

16:00 Keppni lýkur - Kærufrestur hefst

16:15-17:00 Driftsýning á hringakstursbraut Team Wild Dogs og fleiri driftsnillingar

16:30 Kærufrestur liðinn

17:00 Verðlaunaafhenting á pallinum