Harmageddon

Búið að tilkynna um fyrstu hljómsveitirnar á Iceland Airwaves 2015

Orri Freyr Rúnarsson skrifar
Gríðarleg stemning myndaðist á tónleikum The Flamning Lips á Airwaves í fyrra
Gríðarleg stemning myndaðist á tónleikum The Flamning Lips á Airwaves í fyrra Vísir/ernir
Iceland Airwaves tónlistarhátíðin hefur nú opinberað fyrstu atriðin sem koma fram á hátíðinni í ár. Í stað þess að senda frá sér hefðbundna kynningu fékk hátíðin fyrirtækið Les Fréres Stefson, sem er í eigu þeirra Unnsteins Manúels og Loga Pedró úr Retro Stefson, til að gera skemmtilegt myndband sem skartar Steinunni Harðardóttir, betur þekkt sem DJ Flugvél & Geimskip í aðalhlutverki. En í myndbandinu, sem má sjá hér að neðan, kemur fram að á meðal þeirra atriða sem verða á hátíðinni í ár eru BC Camplight, East India Youth, Perfume Genius, Hinds, Ariel Pink, GusGus, Júníus Meyvant og Pink Street Boys.

Black Sabbath bassaleikarinn Geezer Butler var handtekinn á þriðjudaginn vegna slagsmála á bar í Kaliforníu. Samkvæmt fréttum var bassaleikarinn staddur á barnum Corkscrew Saloon þegar að slagsmál brutust út og var lögregla kölluð á staðinn sem handtók Butler og var hann ákærður vegna slagsmála, ölvunar á almannafæri  og skemmdarverka. Samkvæmt lögregluskýrslum hófst rifrildi sem stigmagnaðist upp í slagsmál. En rúða á barnum brotnaði m.a. í slagsmálunum.

Liðsmenn Kasabian eru ekki sáttir með Brit verðlauninnordicphotos/getty
Serge Pizzorno, gítarleikari Kasabian, er ekki sáttur við að hljómsveitin sé ekki tilnefnd til neinna verðlaun á Brit verðlaununum sem fara fram í lok febrúar og vill hann meina að um hálfgert samsæri sé að ræða sem snýst um að útiloka rokktónlist frá verðlaununum. Segir hann undarlegt að hljómsveit sem gefur út plötu sem nær efsta sæti breska vinsældarlistans og spilar sem aðalhljómsveit á Glastonbury hátíðinni fái ekki neina tilnefningu. Sagði hann tilnefningarnar senda skrýtin skilaboð til hljómsveita sem eru í sömu stöðu og Kasabian auk þeirra sem eru að hefja tónlistarferil sinn, en gítarleikarinn vill meina að Bretum vanti sárlega fleiri rokkhljómsveitir. En hann getur þó allaveganna huggað sig við að Kasabian mun spila á BAFTA verðlaunaafhendingunni og lofar hann því að þeir muni gera sitt besta til að sjokkera alla vinsælustu leikara Hollywood á hátíðinni.

Liam Howlett, forsprakki The Prodigy, segist vera fullur bjartsýni vegna útgáfu The Day Is My Enemy, væntanlegrar plötu frá hljómsveitinni. Sagði hann öll lögin vera frábær enda myndi hann aldrei gefa út plötuna nema að hann væri hæstánægður með niðurstöðuna. Í viðtali við NME sagði Howlett að ástæðan fyrir því að það tók heil sex ár að gera plötuna sé að síðustu tvö ár voru erfið hjá honum þegar kom að því að semja tónlist enda þurfti hann tvisvar að flytja sig um hljóðver en nú sé hann búinn að byggja sitt eigið hljóðver. 

Iceland Airwaves 2015 - nr.1 from Iceland Airwaves on Vimeo.






Velkomin á Vísi. Þessi vefur notar vafrakökur. Sjá nánar.