Ford Mustang söluhæsti sportbíll heims Finnur Thorlacius skrifar 10. september 2015 09:51 Ford Mustang. Á fyrri helmingi þessa árs hefur enginn sportbíll í heiminum selst betur en Ford Mustang, sem nýlega kom af nýrri kynslóð. Bílnum hefur verið ákaflega vel tekið og hefur hann selst í 76.124 eintökum á þessum 6 mánuðum. Nemur söluaukningin á Mustang 56% frá fyrra ári. Í fyrsta skipti í 50 ára framleiðslu Mustang verður bíllinn nú framleiddur með stýrið hægra megin fyrir þau lönd sem aka á vinstri vegarhelmingi. Ford hefur ekki ennþá afgreitt þá bíla sem eru með stýrið hægra megin en fjölmargar pantanir eru komnar í þá bíla, meðal annars 2.000 bílar til Bretlands, næstum 3.000 bílar til Ástralíu og 400 til Nýja Sjálands. Salan á þessum bílum bætist á síðustu mánuðum ársins við sölu bíla með stýrið vinstra megin svo búast má við enn meiri aukningu á seinni helmingi ársins. Ford Mustang selst miklu meira en helsti keppinautur hans, Chevrolet Camaro, en hafa verður í huga að núverandi Camaro er farinn að eldast og hlutir gætu breyst hratt með nýrri kynslóð hans. Mest lesið „Við þurfum ekki öll að fara á sjúkrahús“ Innlent Ýmsar aðferðir til að ná niður drónum Innlent „Við viljum bara finna fyrir öryggi“ Innlent Vilja RÚV af auglýsingamarkaði Innlent Verjandi Matthíasar hnýtir í dóminn Innlent Anna ljósa fallin frá Innlent Jónína vill taka við af Ásmundi Einari Innlent Drónaútgerð?: Þingmaður hefur áhyggjur af rússneskum skipum við Færeyjar Erlent Fyrsta haustlægðin mætt til landsins Veður Yfirgáfu salinn þegar Netanjahú hóf ræðu sína Erlent
Á fyrri helmingi þessa árs hefur enginn sportbíll í heiminum selst betur en Ford Mustang, sem nýlega kom af nýrri kynslóð. Bílnum hefur verið ákaflega vel tekið og hefur hann selst í 76.124 eintökum á þessum 6 mánuðum. Nemur söluaukningin á Mustang 56% frá fyrra ári. Í fyrsta skipti í 50 ára framleiðslu Mustang verður bíllinn nú framleiddur með stýrið hægra megin fyrir þau lönd sem aka á vinstri vegarhelmingi. Ford hefur ekki ennþá afgreitt þá bíla sem eru með stýrið hægra megin en fjölmargar pantanir eru komnar í þá bíla, meðal annars 2.000 bílar til Bretlands, næstum 3.000 bílar til Ástralíu og 400 til Nýja Sjálands. Salan á þessum bílum bætist á síðustu mánuðum ársins við sölu bíla með stýrið vinstra megin svo búast má við enn meiri aukningu á seinni helmingi ársins. Ford Mustang selst miklu meira en helsti keppinautur hans, Chevrolet Camaro, en hafa verður í huga að núverandi Camaro er farinn að eldast og hlutir gætu breyst hratt með nýrri kynslóð hans.
Mest lesið „Við þurfum ekki öll að fara á sjúkrahús“ Innlent Ýmsar aðferðir til að ná niður drónum Innlent „Við viljum bara finna fyrir öryggi“ Innlent Vilja RÚV af auglýsingamarkaði Innlent Verjandi Matthíasar hnýtir í dóminn Innlent Anna ljósa fallin frá Innlent Jónína vill taka við af Ásmundi Einari Innlent Drónaútgerð?: Þingmaður hefur áhyggjur af rússneskum skipum við Færeyjar Erlent Fyrsta haustlægðin mætt til landsins Veður Yfirgáfu salinn þegar Netanjahú hóf ræðu sína Erlent