Bílar

Þessi Ferrari fæst á 3,7 milljónir

Finnur Thorlacius skrifar
Ferrari 348 TS til sölu á 30.500 dollara.
Ferrari 348 TS til sölu á 30.500 dollara.
Þegar bílaáhugamenn huga að kaupum á skemmtilegum bílum er eðlilegt að velta fyrir sér hvort kaupa á meðaldýran fjölskyldubíl eða notaðan Ferrari á svipuðu verði. Er það smekkur hver og eins sem þar ræður ferð. Þessi Ferrari 348 TS fæst nú í Bandaríkjunum á 30.500 dollara, eða á um 3,7 milljónir króna.

Fyrir þetta verð fæst tiltölulega hefbundinn fjölskyldubíll, eða til dæmis þessi söfnunargripur sem vafalaust mun ekki lækka mikið í verði á næstu árum, en hugsanlega hækka frekar. Þessi Ferrari 348 TS af árgerð 1991 er með 3,4 lítra V8 vél og 5 gíra beinskiptingu og er ekinn 129 þúsund kílómetra. Hann er einstaklega vel með farinn og eigandinn getur látið fylgja með alla þjónustusögu hans.

Mest lesið




×

Mest lesið