Vara við hryðjuverkaárás á Noreg á næstu dögum Atli Ísleifsson skrifar 24. júlí 2014 08:28 Norsk yfirvöld fengu upplýsingar frá manni tengdum sýrlenskum öfgahópum að til stæði að gera hryðjuverkaárás á Noreg. Sjá má vopnaða lögreglumenn á Gardermoen. Vísir/AFP Norska ríkisstjórnin og öryggislögreglan hefur varað við að raunveruleg hætta stafi gegn öryggi ríkisins. Fréttamannafundi þessa efnis var að klárast nú á níunda tímanum í Ósló. Benedicte Bjørnland, yfirmaður norsku öryggislögreglunnar, og Vidar Refvik ríkislögreglustjóri segjast hafa upplýsingar um að til standi að gera hryðjuverkaárás á Noreg á næstu dögum. Lögregluumdæmi um allt land hafa aukið viðbúnað, meðal annars á landamærum, alþjóðaflugvöllum, sjúkrahúsum og lestarstöðvum. Yfirvöld eru byrjuð að kalla lögreglumenn heim úr sumarfríum sínum. Þá hefur Erna Solberg forsætisráðherra frestað fyrirhuguðu fríi sínu vegna ógnarinnar. Ráðhúsinu í Ósló hefur verið lokað ferðamönnum.Tore Bjørgo, sérfræðingur í hryðjuverkum, segir ráðhúsið og aðrar opinberar byggingar vera táknræn og algeng skotmörk í samtali við norska ríkisútvarpið. Bjørgo segir að síðast hafi lögregla gefið út sambærilega viðvörun fyrir 41 ári síðan. „Í olíudeilunni árið 1973 gáfu yfirvöld út viðvörun til almennings vegna mögulegrar árásar á olíuhreinsistöð. Ekkert gerðist hins vegar. Hryðjuverkamennirnir yfirgáfu líklegast landið.“ Skömmu eftir ákveðið var sömuleiðis ákveðið að loka konungshöllinni fyrir ferðamönnum. Atle Mesøy, sérfræðingur í hryðjuverkum, segir í samtali við norska ríkisutvarpið að líklegast sé um að ræða menn með tengsl við Noreg sem standi að baki ógninni, menn sem hafi búið í landinu áður og svo gengið til liðs við íslamska öfgamenn í Sýrlandi. Yfirvöldum bárust nýlega upplýsingar frá mönnum með tengsl við öfgahópa í Sýrlandi þar sem fram kom að til stæði að framkvæma hryðjuverkaárás á Noreg. „Við erum þó ekki með neinar upplýsingar um hver, hvar eða á hvaða hátt árásin verður gerð,“ segir Bjørnland. Anders Anundsen dómsmálaráðherra hefur hvatt fólk til að vera á varðbergi næstu daga og varar fólk við að beina sjónum sérstaklega að ákveðnum þjóðfélagshópum vegna málsins. Bjørnland segir lögregluna oft fá sambærilegar upplýsingar um fyrirhugaða árás, en í þetta skiptið telji hún upplýsingarnar trúverðugar. Segir hún að fjöldinn allur af óeinkennisklæddum lögreglumönnum séu nú að störfum á víð og dreif í borgum og öðrum fjölförnum stöðum. „Við getum ekki útilokað að þeir sem okkur stafar ógn af séu á leið til Noregs og við vitum ekki hvort þeir séu nú þegar hér,“ segir Bjørnland. Anundsen segir öfgafulla íslamista enn vera mesta ógn Noregs. „Öfgafullir íslamistar hafa lengi reynt að safna liði í Noregi og Sýrland virðist vera helst vettvangur slíkrar liðssöfnunar.“ Búist er við allt að hálfri milljón gesta á Tall Ships Races skipahátíð í Björgvin nú um helgina og var skipuleggjendum hátíðarinnar sagt frá ógninni í gærkvöldi. „Tall Ships Races mun fara fram eins og venjulega en lögreglumenn á vettvangi verða fleiri en vanalega,“ segir Håkon Vatle, talsmaður hátíðarinnar í samtali við NRK. Hann hvetur þó fólk til að hafa varann á. Norway, Cup, annað fjölmennasta fótboltamót heims, hefst í Ósló á morgun og er haft eftir öryggisstjóranum að lögregla hafi enga ástæðu til að trúa að mótið sé skotmark hryðjuverkamannanna. Sést hefur til vopnaðrar lögreglu á Gardermoen flugvelli í Ósló og þá segir að lögregla hafi rannsakað tvær lestir í höfuðborginni í morgun. Audun Lysbakken, formaður Sósíalíska vinstriflokksins, segir nauðsynlegt að taka þær upplýsingar sem fram hafa komið mjög alvarlega. „Við vitum að það eru til öfgafullir íslamskir hópar sem hafa beitt ofbeldi og sem geta hugsað sér að beita ofbeldi.“ Hann segir lögreglu og ríkisstjórn hafa brugðist rétt við með því að hafa komið út með viðvörunina. „Þegar vopnuð lögregla sést á flugvöllum á á landamærum er mikilvægt að segja frá hvers vegna svo er,“ segir Lysbakken í sasamtali við NRK.Dómsmálaráðherra Noregs mætti ásamt ríkislögreglustjóra og yfirmanni öryggislögreglunnar til að ræða við fréttamenn í morgun.Vísir/AFP Mest lesið Íbúar óttast nýtt hverfi og að ekki verði tekið tillit til þeirra Innlent Halla lætur lítið fyrir sér fara næstu vikurnar Innlent Fyrstu úrslit Evrópukosninga staðfesta uppgang fjarhægrisins Erlent Stunda njósnir gegn íslenskum stjórnvöldum og fyrirtækjum Innlent Næsta gusa lendi á landinu annað kvöld Veður Tilkynnt um ungmenni með byssur í 101 Innlent Grasið vel sprottið og heyskapur hafinn Innlent Tók fjóra daga að þíða skautasvellið Innlent Tengdi stríðið í Úkraínu við baráttuna gegn fasismanum Erlent „Hrokafull afstaða“ að skilyrða stuðning við Úkraínu Erlent Fleiri fréttir Fyrstu úrslit Evrópukosninga staðfesta uppgang fjarhægrisins Tengdi stríðið í Úkraínu við baráttuna gegn fasismanum Frægs sjónvarpslæknis leitað Vill brottvísa hælisleitendum sem fremja alvarlega glæpi Stefnir í óefni náist samningar ekki í bráð Lést á leið til Normandí 80 árum eftir D-dag Göngugarpur uppljóstrar að hæsti foss Kína er buna úr röri Tvær ákærur bætast við í máli Rex Heuermann Leit Trump að varaforsetaefni að komast á skrið „Hrokafull afstaða“ að skilyrða stuðning við Úkraínu Fjórir létust í lestarslysi í Tékklandi Trump líklega sviptur byssuleyfinu í kjölfar dómsins Áttatíu ár frá innrásinni í Normandí Sá fyrsti til að greinast með H5N2 lést af völdum veirunnar Hótar því að sjá öðrum fyrir vopnum til að gera árásir á Vesturlönd Að minnsta kosti 30 látnir og tugir særðir í árásum á skóla Segir stjórnarandstöðuna hafa kynt undir hatri árásarmannsins Biden herðir tökin á landamærum í aðdraganda kosninga Konunglegri heimsókn frestað vegna verkfallsins Búa sig undir holskeflu upplýsingafals í kringum Evrópukosningar Amanda Knox dæmd fyrir meiðyrði þrettán árum eftir sýknu Þekktur sænskur rappari skotinn til bana Stunguárás á fulltrúa þýsks fjarhægriflokks Sunak og Starmer tókust á um skatta, útlendingamál og NHS Ráðleggja gegn samþykkt MDMA sem meðferð við áfallastreituröskun Hillur að verða tómar í Færeyjum og ekkert samkomulag í augsýn Narendra Modi lýsir yfir sigri á Indlandi Þúsundir heimilislausra fluttir frá París í aðdraganda Ólympíuleika Réttarhöld yfir syni Biden hafin Fékk mjólkurhristing í andlitið við upphaf kosningabaráttunnar Sjá meira
Norska ríkisstjórnin og öryggislögreglan hefur varað við að raunveruleg hætta stafi gegn öryggi ríkisins. Fréttamannafundi þessa efnis var að klárast nú á níunda tímanum í Ósló. Benedicte Bjørnland, yfirmaður norsku öryggislögreglunnar, og Vidar Refvik ríkislögreglustjóri segjast hafa upplýsingar um að til standi að gera hryðjuverkaárás á Noreg á næstu dögum. Lögregluumdæmi um allt land hafa aukið viðbúnað, meðal annars á landamærum, alþjóðaflugvöllum, sjúkrahúsum og lestarstöðvum. Yfirvöld eru byrjuð að kalla lögreglumenn heim úr sumarfríum sínum. Þá hefur Erna Solberg forsætisráðherra frestað fyrirhuguðu fríi sínu vegna ógnarinnar. Ráðhúsinu í Ósló hefur verið lokað ferðamönnum.Tore Bjørgo, sérfræðingur í hryðjuverkum, segir ráðhúsið og aðrar opinberar byggingar vera táknræn og algeng skotmörk í samtali við norska ríkisútvarpið. Bjørgo segir að síðast hafi lögregla gefið út sambærilega viðvörun fyrir 41 ári síðan. „Í olíudeilunni árið 1973 gáfu yfirvöld út viðvörun til almennings vegna mögulegrar árásar á olíuhreinsistöð. Ekkert gerðist hins vegar. Hryðjuverkamennirnir yfirgáfu líklegast landið.“ Skömmu eftir ákveðið var sömuleiðis ákveðið að loka konungshöllinni fyrir ferðamönnum. Atle Mesøy, sérfræðingur í hryðjuverkum, segir í samtali við norska ríkisutvarpið að líklegast sé um að ræða menn með tengsl við Noreg sem standi að baki ógninni, menn sem hafi búið í landinu áður og svo gengið til liðs við íslamska öfgamenn í Sýrlandi. Yfirvöldum bárust nýlega upplýsingar frá mönnum með tengsl við öfgahópa í Sýrlandi þar sem fram kom að til stæði að framkvæma hryðjuverkaárás á Noreg. „Við erum þó ekki með neinar upplýsingar um hver, hvar eða á hvaða hátt árásin verður gerð,“ segir Bjørnland. Anders Anundsen dómsmálaráðherra hefur hvatt fólk til að vera á varðbergi næstu daga og varar fólk við að beina sjónum sérstaklega að ákveðnum þjóðfélagshópum vegna málsins. Bjørnland segir lögregluna oft fá sambærilegar upplýsingar um fyrirhugaða árás, en í þetta skiptið telji hún upplýsingarnar trúverðugar. Segir hún að fjöldinn allur af óeinkennisklæddum lögreglumönnum séu nú að störfum á víð og dreif í borgum og öðrum fjölförnum stöðum. „Við getum ekki útilokað að þeir sem okkur stafar ógn af séu á leið til Noregs og við vitum ekki hvort þeir séu nú þegar hér,“ segir Bjørnland. Anundsen segir öfgafulla íslamista enn vera mesta ógn Noregs. „Öfgafullir íslamistar hafa lengi reynt að safna liði í Noregi og Sýrland virðist vera helst vettvangur slíkrar liðssöfnunar.“ Búist er við allt að hálfri milljón gesta á Tall Ships Races skipahátíð í Björgvin nú um helgina og var skipuleggjendum hátíðarinnar sagt frá ógninni í gærkvöldi. „Tall Ships Races mun fara fram eins og venjulega en lögreglumenn á vettvangi verða fleiri en vanalega,“ segir Håkon Vatle, talsmaður hátíðarinnar í samtali við NRK. Hann hvetur þó fólk til að hafa varann á. Norway, Cup, annað fjölmennasta fótboltamót heims, hefst í Ósló á morgun og er haft eftir öryggisstjóranum að lögregla hafi enga ástæðu til að trúa að mótið sé skotmark hryðjuverkamannanna. Sést hefur til vopnaðrar lögreglu á Gardermoen flugvelli í Ósló og þá segir að lögregla hafi rannsakað tvær lestir í höfuðborginni í morgun. Audun Lysbakken, formaður Sósíalíska vinstriflokksins, segir nauðsynlegt að taka þær upplýsingar sem fram hafa komið mjög alvarlega. „Við vitum að það eru til öfgafullir íslamskir hópar sem hafa beitt ofbeldi og sem geta hugsað sér að beita ofbeldi.“ Hann segir lögreglu og ríkisstjórn hafa brugðist rétt við með því að hafa komið út með viðvörunina. „Þegar vopnuð lögregla sést á flugvöllum á á landamærum er mikilvægt að segja frá hvers vegna svo er,“ segir Lysbakken í sasamtali við NRK.Dómsmálaráðherra Noregs mætti ásamt ríkislögreglustjóra og yfirmanni öryggislögreglunnar til að ræða við fréttamenn í morgun.Vísir/AFP
Mest lesið Íbúar óttast nýtt hverfi og að ekki verði tekið tillit til þeirra Innlent Halla lætur lítið fyrir sér fara næstu vikurnar Innlent Fyrstu úrslit Evrópukosninga staðfesta uppgang fjarhægrisins Erlent Stunda njósnir gegn íslenskum stjórnvöldum og fyrirtækjum Innlent Næsta gusa lendi á landinu annað kvöld Veður Tilkynnt um ungmenni með byssur í 101 Innlent Grasið vel sprottið og heyskapur hafinn Innlent Tók fjóra daga að þíða skautasvellið Innlent Tengdi stríðið í Úkraínu við baráttuna gegn fasismanum Erlent „Hrokafull afstaða“ að skilyrða stuðning við Úkraínu Erlent Fleiri fréttir Fyrstu úrslit Evrópukosninga staðfesta uppgang fjarhægrisins Tengdi stríðið í Úkraínu við baráttuna gegn fasismanum Frægs sjónvarpslæknis leitað Vill brottvísa hælisleitendum sem fremja alvarlega glæpi Stefnir í óefni náist samningar ekki í bráð Lést á leið til Normandí 80 árum eftir D-dag Göngugarpur uppljóstrar að hæsti foss Kína er buna úr röri Tvær ákærur bætast við í máli Rex Heuermann Leit Trump að varaforsetaefni að komast á skrið „Hrokafull afstaða“ að skilyrða stuðning við Úkraínu Fjórir létust í lestarslysi í Tékklandi Trump líklega sviptur byssuleyfinu í kjölfar dómsins Áttatíu ár frá innrásinni í Normandí Sá fyrsti til að greinast með H5N2 lést af völdum veirunnar Hótar því að sjá öðrum fyrir vopnum til að gera árásir á Vesturlönd Að minnsta kosti 30 látnir og tugir særðir í árásum á skóla Segir stjórnarandstöðuna hafa kynt undir hatri árásarmannsins Biden herðir tökin á landamærum í aðdraganda kosninga Konunglegri heimsókn frestað vegna verkfallsins Búa sig undir holskeflu upplýsingafals í kringum Evrópukosningar Amanda Knox dæmd fyrir meiðyrði þrettán árum eftir sýknu Þekktur sænskur rappari skotinn til bana Stunguárás á fulltrúa þýsks fjarhægriflokks Sunak og Starmer tókust á um skatta, útlendingamál og NHS Ráðleggja gegn samþykkt MDMA sem meðferð við áfallastreituröskun Hillur að verða tómar í Færeyjum og ekkert samkomulag í augsýn Narendra Modi lýsir yfir sigri á Indlandi Þúsundir heimilislausra fluttir frá París í aðdraganda Ólympíuleika Réttarhöld yfir syni Biden hafin Fékk mjólkurhristing í andlitið við upphaf kosningabaráttunnar Sjá meira