Kia Sportage í fyrsta sæti í gæðakönnun J.D. Power

Kia Sportage sigraði í gæðakönnun J.D. Power í flokki jeppa og jepplinga. Alls tóku 18.000 þýskir ökumenn þátt gæðakönnunni sem haldin er árlega í Þýskalandi. Ökumenn voru beðnir um að svara hvernig þeir meta gæði, endingu og rekstrarkostnað bíla sínna. Kia Sportage skoraði hæst í gæðakönnunni en það þykir mjög eftirsótt að verða í efsta sæti í henni.

Kia náði mjög góðum árangri heilt yfir í gæðakönnun J.D. Power en Kia cee’d varð í öðru sæti í sínum flokki og Kia Rio í þriðja sæti í flokki smábíla. Kia komst í fyrsta skipti inn á topp 10 listann yfir bílafamleiðendur í könnuninni og hækkaði um fimm sæti frá árinu á undan.

Sportage er mesti sölubíll Kia í Evrópu um þessar mundir en 89.553 Sportage bílar seldust á síðasta ári sem er 10,5 prósent aukning frá árinu á undan. Sportage er framleiddur í hinni hátæknivæddu verksmiðju Kia í Žilina í Slóvakíu. Nýr og breyttur Kia Sportage kom eimitt á markað í byrjun sumar og hefur fengið mjög góða dóma bílablaðamanna um heim allan.