Fuglaveiðibílar í Texas

Sérhannaðir fuglaveiðibílar fyrirfinnast og hvar annarsstaðar en í Texas í Bandaríkjunum. Þar breyta efnaðir Texasbúar misdýrum bílum í sérhæfða veiðibíla, láta bílstjóra keyra bílana og skjóta sjálfir fugla ofan úr opnum bílunum.

Sumir þeirra eru með snúningssæti sem auðveldara sé að athafna sig við veiðarnar. Þessir bílar eru þekktir í Texas sem „quail rigs“, sem bendir til þess að skotmark veiðimanna séu akurhænur, en fleiri smáfuglar og önnur dýr eru þó skotmörk þeirra.

Talið er að um 1.000 svona bílar séu í Texas og einn framleiðandi þeirra smíðar um 80 bíla á ári. Ólíklegt er að þessum bílum fjölgi mikið á næstunni þar sem akurhænustofninn í Suðurhluta Texas, þar sem þær eru mest stundaðar, hefur minnkað um 80% síðasta áratug vegna þurrka.