Harmageddon

Feitlaginn bandarískur umboðsmaður vildi fá hana í rúmið

Frosti Logason skrifar
Arna Bára segist ekki vera nein hóra.
Arna Bára segist ekki vera nein hóra. William Kofron
Arna Bára Karlsdóttir, bikíní módel, þarf að byrja fyrirsætuferilinn svo að segja upp á nýtt vegna þess að hún vildi ekki sofa hjá umboðsmanni bandarísku módelskrifstofunnar SoBe Shootout.

Í síðasta mánuði var Arna að fara í myndatöku fyrir mexíkanska Playboy tímaritið og átti vegna þess að fara í mikið ferðalag á vegum skrifstofunnar. Búið var að bóka fyrir hana flugmiða á fyrsta farrými til sjö mismunandi borga en tveimur dögum fyrir brottför kom annarlegur ásettningur umboðsmannsins í ljós.



Þetta kom fram í viðtali við Örnu Báru í útvarpsþættinum Harmageddon í morgun. Hægt er að hlusta á viðtalið hér fyrir ofan.





Arna er í rauninni að hefja fyrirsætuferilinn upp á nýtt.William Kofron
„Ég hringdi í umboðsmannin til þess að spyrja hvort ég mætti ekki bara breyta fyrsta farrýmismiðanum í tvo venjulega miða svo ég gæti boðið kærastanum mínum með, en þá verður hann bara brjálaður.“



Þá hafði umboðsmaðurinn bókað alla ferðina þannig að hann og Arna áttu að deila saman hótelherbergjum með einu tvöföldu rúmi.



„Ég átti bara að vera þakklát fyrir það sem hann var að gera fyrir mig, en ég sagði honum bara að ég væri ekki hóra, ég gæti komið út sem fagmanneskja en þetta kæmi ekki til greina.“ Sagði Arna og bætir því við að í kjölfarið á þessu hafi umboðsmaðurinn kerfisbundið byrjað að eyðileggja fyrir henni.





„Hann er búinn að loka fyrir mér fullt af dyrum með því að setja sig í samband við alla þá sem ég var í leiðinni í myndatökur hjá næstu mánuði,“ segir Arna sem ætlar þess vegna að byrja upp á nýtt og leita af nýjum tækifærum á Internationa Bikini Model Search and Paradise Bash í Cancun, Maxíkó í vetur.

Gísli Jóhann Grétarsson
Arna hefur hafið söfnun og biðlar til landsmanna að styrkja þig í þessu göfuga verkefni.

„Ég er ekkert að fara að sofa hjá einhverjum fertugum feitum ameríkana, ekki séns.“






Velkomin á Vísi. Þessi vefur notar vafrakökur. Sjá nánar.