Hítará óveiðandi dögum saman; 400 laxar á þurru 17. ágúst 2012 18:53 Fallegum smálaxi landað í Hítará í sumar. Þegar Veiðivísir leit við á bakkanum sauð Breiðan af laxi, svo alltaf virtist lax á lofti. Mynd/Svavar Hávarðsson Veiði hefur verið með ágætum í sumar í Hítará á Mýrum. Þó hefur síðasta vika verið með öllu óveiðandi vegna flóða, en áin hefur bæði verið lituð og vatnsmikil. Á vef SVFR er haft eftir kunnugum við Hítará að áin hafi vaxið gríðarlega mikið í vatnsviðrinu síðastliðna helgi, en ólíkt öðrum ám á Mýrum er Hítará mjög lengi að sjatna og því hefur síðastliðin vika verið nánast óveiðandi. Það var fyrst í morgun sem að grjót á Breiðunni og í Kverk fóru að verða sjáanleg, en veiðimenn hafa nánast eingöngu getað horft á ána böðlast án þess að möguleiki væri til að bleyta í færi. Hollið sem fékk byrjunina á rigningunni, dagana 7-10. ágúst, gerði hins vegar ágætis veiði og landaði 27 löxum. En síðan þá hefur áin verið óveiðandi. Til bókar hafa verið færðir um 340 laxar á aðalsvæðinu, og því ætti Hítará ásamt Grjótá og Tálma að vera í um 400 laxa veiði ef allt er talið. Verður það að teljast með ágætum því enn lifir góður mánuður af veiðitímanum og útlit fyrir ágætis útkomu í sumar. Næstu holl gætu fengið kjöraðstæður því líkt og áður segir er áin fyrst að byrja að sjatna núna eftir flóðin. svavar@frettabladid.is Stangveiði Mest lesið Úr ýmsum áttum: Dunká þokkaleg og fín bleikjuveiði í Fljótaá Veiði Elliðaárnar: 3,5 laxar á stöng á dag Veiði Þrír laxar á land í Blöndu í morgun Veiði Opnuðu Laxá með 550 urriðum Veiði Meira af tölfræði í Eystri Rangá 2020 Veiði Fjórir laxar veiddust í kuldanum í kvöld Veiði Stórkostlegt veiðivatn fær nýtt líf Veiði Kynning á Laxárdalnum hjá SVFR Veiði Affall og Þverá fara ágætlega af stað Veiði Stöðug sjóbleikjuveiði í Hvalvatnsfirði Veiði
Veiði hefur verið með ágætum í sumar í Hítará á Mýrum. Þó hefur síðasta vika verið með öllu óveiðandi vegna flóða, en áin hefur bæði verið lituð og vatnsmikil. Á vef SVFR er haft eftir kunnugum við Hítará að áin hafi vaxið gríðarlega mikið í vatnsviðrinu síðastliðna helgi, en ólíkt öðrum ám á Mýrum er Hítará mjög lengi að sjatna og því hefur síðastliðin vika verið nánast óveiðandi. Það var fyrst í morgun sem að grjót á Breiðunni og í Kverk fóru að verða sjáanleg, en veiðimenn hafa nánast eingöngu getað horft á ána böðlast án þess að möguleiki væri til að bleyta í færi. Hollið sem fékk byrjunina á rigningunni, dagana 7-10. ágúst, gerði hins vegar ágætis veiði og landaði 27 löxum. En síðan þá hefur áin verið óveiðandi. Til bókar hafa verið færðir um 340 laxar á aðalsvæðinu, og því ætti Hítará ásamt Grjótá og Tálma að vera í um 400 laxa veiði ef allt er talið. Verður það að teljast með ágætum því enn lifir góður mánuður af veiðitímanum og útlit fyrir ágætis útkomu í sumar. Næstu holl gætu fengið kjöraðstæður því líkt og áður segir er áin fyrst að byrja að sjatna núna eftir flóðin. svavar@frettabladid.is
Stangveiði Mest lesið Úr ýmsum áttum: Dunká þokkaleg og fín bleikjuveiði í Fljótaá Veiði Elliðaárnar: 3,5 laxar á stöng á dag Veiði Þrír laxar á land í Blöndu í morgun Veiði Opnuðu Laxá með 550 urriðum Veiði Meira af tölfræði í Eystri Rangá 2020 Veiði Fjórir laxar veiddust í kuldanum í kvöld Veiði Stórkostlegt veiðivatn fær nýtt líf Veiði Kynning á Laxárdalnum hjá SVFR Veiði Affall og Þverá fara ágætlega af stað Veiði Stöðug sjóbleikjuveiði í Hvalvatnsfirði Veiði