Störfin skattlögð burt Ólafur Þ. Stephensen skrifar 23. nóvember 2011 06:00 Hringlandinn með starfsumhverfi íslenzkra fyrirtækja er eitt af því sem stendur erlendri fjárfestingu í atvinnulífinu fyrir þrifum. Sú mynd er orðin til í hugum alþjóðlegra fjárfesta að íslenzkum stjórnvöldum sé ekki treystandi. Þannig telur ríkisstjórnin sig ekki þurfa að standa við gerða samninga. Fréttablaðið sagði frá því í ágúst í sumar að áformað væri að loka fjárlagagatinu að hluta til með nýjum skatti á stóriðjufyrirtæki. Skatturinn var þá ekki útfærður, en viðbrögð viðkomandi fyrirtækja og samtaka í atvinnulífinu voru hörð. Talsmenn þeirra bentu á að nýir skattar væru brot á fjárfestingarsamningum, sem fyrirtækin hefðu gert við stjórnvöld og væru staðfestir af Alþingi. Fyrirtækin hefðu tekið á sig sérstakan orkuskatt og þar að auki fallizt á fyrirframgreiðslu skatts til að létta undir með ríkissjóði, en um leið hefði verið gert sérstakt samkomulag um að skattaumhverfi stóriðjunnar yrði óbreytt næstu árin. Steingrímur J. Sigfússon fjármálaráðherra hefði í lok síðasta árs staðfest að samkomulagið væri í fullu gildi. Á sama tíma vöruðu stjórnendur Íslandsstofu, sem hefur það verkefni með höndum að laða erlenda fjárfestingu að landinu, við þessum áformum og sögðu tíðar skattabreytingar ekki hjálpa þeim í því verkefni. Orri Hauksson, framkvæmdastjóri Samtaka iðnaðarins, sagði nýjan skatt geta orðið til þess að ekki yrði af áformum um nýja fjárfestingu í útflutningsatvinnugreinum. Nú hefur fjármálaráðherrann, þrátt fyrir þessar aðvaranir og þvert á fyrri fyrirheit, lagt fram á Alþingi frumvarp sem gerir ráð fyrir nýjum skatti á kolefnisrafskaut, sem notuð eru í rekstri stóriðjufyrirtækjanna. Skatturinn kemur illa við álverin í landinu og enn verr við kísilvinnslu, sem notar hlutfallslega meira af rafskautum við framleiðsluna. Talsmenn járnblendiverksmiðju Elkem á Grundartanga segja skattinn munu éta upp allan hagnað fyrirtækisins og koma í veg fyrir áform um stækkun þess. Framkvæmdastjóri Íslenska kísilfélagsins, sem vinnur að gerð kísilverksmiðju í Helguvík, sagði í Fréttablaðinu í gær að veruleg hætta væri á að fjárfestarnir hættu við, yrði skatturinn að veruleika. Framkvæmdastjóri Thorsil, sem ætlar að reisa kísilverksmiðju á Bakka við Húsavík, hefur skrifað þingmönnum og varað því því að nýi skatturinn setji áformin í uppnám. Fjármálaráðherrann á eftir að svara því hvers vegna hann var viðstaddur undirritun fjárfestingarsamnings og fleiri samninga um kísilverksmiðju í Helguvík – svona eins og hann væri hlynntur því að hún yrði reist – og af hverju hann hvatti Húsvíkinga til að binda fremur vonir við kísilverksmiðju en álver, ef hann ætlar engu að síður að koma í veg fyrir þessar fjárfestingar með vanhugsaðri skattabreytingu. Ríkisstjórnin virðist ekkert hafa lært af afleitum árangri sínum við að koma í framkvæmd því markmiði stjórnarsáttmálans að auka erlenda fjárfestingu á Íslandi. Í viðleitni til að stoppa upp í fjárlagagatið til skamms tíma eru framtíðarstörf við útflutningsiðnað skattlögð burt – og um leið þær framtíðarskatttekjur sem fyrirtækin gætu skapað. Viltu birta grein á Vísi? Sendu okkur póst. Senda grein Ólafur Stephensen Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hagfræðin á Heimildinni Bjarnheiður Hallsdóttir Skoðun Norskir herrar eða íslenskir? Þóra Bergný Guðmundsdóttir Skoðun Heimilisleysi blasir við öryrkjum Svanberg Hreinsson Skoðun Að mæðra barn í hjarta sínu Hólmfríður Anna Baldursdóttir Skoðun Heimildin sem hvarf úr frumvarpi matvælaráðherra Vala Árnadóttir Skoðun Öll með? – 4.020 kr. hækkun fyrir skatt eftir 16 mánuði! Unnur Helga Óttarsdóttir Skoðun Við styðjum Guðmund Karl! Katrín Valdís Hjartardóttir,Andrea Bóel Bæringsdóttir,Guðbjörg Harpa Ingimundardóttir Skoðun Hvers vegna Halla Tómasdóttir? Guðjón Sigurðsson Skoðun Af hverju ertu að bjóða þig fram? Sigurður Ragnarsson Skoðun Góður forseti G. Pétur Matthíasson Skoðun
Hringlandinn með starfsumhverfi íslenzkra fyrirtækja er eitt af því sem stendur erlendri fjárfestingu í atvinnulífinu fyrir þrifum. Sú mynd er orðin til í hugum alþjóðlegra fjárfesta að íslenzkum stjórnvöldum sé ekki treystandi. Þannig telur ríkisstjórnin sig ekki þurfa að standa við gerða samninga. Fréttablaðið sagði frá því í ágúst í sumar að áformað væri að loka fjárlagagatinu að hluta til með nýjum skatti á stóriðjufyrirtæki. Skatturinn var þá ekki útfærður, en viðbrögð viðkomandi fyrirtækja og samtaka í atvinnulífinu voru hörð. Talsmenn þeirra bentu á að nýir skattar væru brot á fjárfestingarsamningum, sem fyrirtækin hefðu gert við stjórnvöld og væru staðfestir af Alþingi. Fyrirtækin hefðu tekið á sig sérstakan orkuskatt og þar að auki fallizt á fyrirframgreiðslu skatts til að létta undir með ríkissjóði, en um leið hefði verið gert sérstakt samkomulag um að skattaumhverfi stóriðjunnar yrði óbreytt næstu árin. Steingrímur J. Sigfússon fjármálaráðherra hefði í lok síðasta árs staðfest að samkomulagið væri í fullu gildi. Á sama tíma vöruðu stjórnendur Íslandsstofu, sem hefur það verkefni með höndum að laða erlenda fjárfestingu að landinu, við þessum áformum og sögðu tíðar skattabreytingar ekki hjálpa þeim í því verkefni. Orri Hauksson, framkvæmdastjóri Samtaka iðnaðarins, sagði nýjan skatt geta orðið til þess að ekki yrði af áformum um nýja fjárfestingu í útflutningsatvinnugreinum. Nú hefur fjármálaráðherrann, þrátt fyrir þessar aðvaranir og þvert á fyrri fyrirheit, lagt fram á Alþingi frumvarp sem gerir ráð fyrir nýjum skatti á kolefnisrafskaut, sem notuð eru í rekstri stóriðjufyrirtækjanna. Skatturinn kemur illa við álverin í landinu og enn verr við kísilvinnslu, sem notar hlutfallslega meira af rafskautum við framleiðsluna. Talsmenn járnblendiverksmiðju Elkem á Grundartanga segja skattinn munu éta upp allan hagnað fyrirtækisins og koma í veg fyrir áform um stækkun þess. Framkvæmdastjóri Íslenska kísilfélagsins, sem vinnur að gerð kísilverksmiðju í Helguvík, sagði í Fréttablaðinu í gær að veruleg hætta væri á að fjárfestarnir hættu við, yrði skatturinn að veruleika. Framkvæmdastjóri Thorsil, sem ætlar að reisa kísilverksmiðju á Bakka við Húsavík, hefur skrifað þingmönnum og varað því því að nýi skatturinn setji áformin í uppnám. Fjármálaráðherrann á eftir að svara því hvers vegna hann var viðstaddur undirritun fjárfestingarsamnings og fleiri samninga um kísilverksmiðju í Helguvík – svona eins og hann væri hlynntur því að hún yrði reist – og af hverju hann hvatti Húsvíkinga til að binda fremur vonir við kísilverksmiðju en álver, ef hann ætlar engu að síður að koma í veg fyrir þessar fjárfestingar með vanhugsaðri skattabreytingu. Ríkisstjórnin virðist ekkert hafa lært af afleitum árangri sínum við að koma í framkvæmd því markmiði stjórnarsáttmálans að auka erlenda fjárfestingu á Íslandi. Í viðleitni til að stoppa upp í fjárlagagatið til skamms tíma eru framtíðarstörf við útflutningsiðnað skattlögð burt – og um leið þær framtíðarskatttekjur sem fyrirtækin gætu skapað.
Við styðjum Guðmund Karl! Katrín Valdís Hjartardóttir,Andrea Bóel Bæringsdóttir,Guðbjörg Harpa Ingimundardóttir Skoðun
Við styðjum Guðmund Karl! Katrín Valdís Hjartardóttir,Andrea Bóel Bæringsdóttir,Guðbjörg Harpa Ingimundardóttir Skoðun