Samvinnan Kolbeinn Óttarsson Proppé skrifar 11. febrúar 2009 06:00 Það er athyglisvert að fylgjast með þeirri breytingu sem orðið hefur á högum þingmanna, allmargra þeirra í það minnsta. Tuttugu og fimm þingmenn sem áður voru í stjórn eru nú í stjórnarandstöðu og öfugt gildir um níu nýja stjórnarþingmenn. Þetta er svo sem ekki í fyrsta skipti sem þetta gerist; eðli lýðræðisins er þannig að menn eiga að skiptast á að ráða eftir því hvernig almenningur kýs og stjórnmálamönnum semst að loknum kosningum. Þó er langt síðan jafnsnögg umskipti urðu á meirihluta á þingi og nú. Það sést gjörla á þingmönnum nú að það getur verið erfitt að vakna upp einn daginn í nýrri stöðu. Stjórnarandstæðingar sem allt í einu eru komnir til valda skilja lítt í kröfum núverandi stjórnarandstöðu um að tillit sé tekið til hennar. Sömu menn heimtuðu kannski manna hæst að tillit yrði tekið til minnihlutans, jafnvel minni minnihlutans, ekki bara stærri minnihlutans sem væri sammála meirihlutanum í þessu máli. Og þeir sem áður virtu ekki viðlits skoðanir þeirra sem ekki tilheyrðu meirihluta, telja það brot á góðum og gildum siðum að fara ekki í einu og öllu eftir því sem minnihlutinn leggur til. Þetta er kannski bara mannlegt. Til eru dæmi um að minnihlutamenn í stjórnum sveitarfélaga hafi lagt fram mál sem voru augljóslega hin bestu; flestum ef ekki öllum til hagsbóta. Þá hefur það stundum gerst að málinu er frestað og á næsta fundi kemur meirihlutinn með sama mál í nýjum búningi og kynnir sem sitt. Eins hefur minnihlutinn setið hjá eða greitt atkvæði gegn þjóðþrifamálum, aðeins vegna þess að þau komu frá meirihlutanum. Það var með öðrum orðum ekki hægt að samþykkja góð mál nema þú kæmir með þau sjálfur. Annað gæti gagnast andstæðingum. Í aðdraganda fjárhagsáætlanagerðar sýndi fjöldi sveitarstjórna hins vegar þá ábyrgð að leggja slíka vitleysu til hliðar. Saman unnu minni- og meirihlutar að því að koma sveitarfélaginu sem best úr því áfalli sem nú hefur riðið yfir. Auðvitað ætti þetta alltaf að vera svona, að hagur fólksins væri ofar öllu, líka eigin atkvæðafjölda. Vonandi sjást svona vinnubrögð á þingi og vonandi er þetta komið til að vera. Samvinna er jú betri en sundurlyndi. Viltu birta grein á Vísi? Sendu okkur póst. Senda grein Kolbeinn Óttarsson Proppé Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun Fylgishrun Höllu Hrundar staðfest Hjörtur J. Guðmundsson Skoðun Þú getur leyft þér það Rannveig Borg Skoðun Meðmælabréf með forsetaefni Anna Hildur Hildibrandsdóttir Skoðun Sameiningartákn? Vilborg Ása Guðjónsdóttir Skoðun Um dánaraðstoð Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun Sósíalismi sem trúarbrögð Finnur Thorlacius Eiríksson Skoðun „Hlutdrægni” Ríkisútvarpsins og „hnignun” íslenskunnar Magnús Lyngdal Magnússon Skoðun Á Bessastöðum? Ingunn Ásdísardóttir Skoðun Hún Hólmfríður Jennýjar Árnadóttir Skoðun
Það er athyglisvert að fylgjast með þeirri breytingu sem orðið hefur á högum þingmanna, allmargra þeirra í það minnsta. Tuttugu og fimm þingmenn sem áður voru í stjórn eru nú í stjórnarandstöðu og öfugt gildir um níu nýja stjórnarþingmenn. Þetta er svo sem ekki í fyrsta skipti sem þetta gerist; eðli lýðræðisins er þannig að menn eiga að skiptast á að ráða eftir því hvernig almenningur kýs og stjórnmálamönnum semst að loknum kosningum. Þó er langt síðan jafnsnögg umskipti urðu á meirihluta á þingi og nú. Það sést gjörla á þingmönnum nú að það getur verið erfitt að vakna upp einn daginn í nýrri stöðu. Stjórnarandstæðingar sem allt í einu eru komnir til valda skilja lítt í kröfum núverandi stjórnarandstöðu um að tillit sé tekið til hennar. Sömu menn heimtuðu kannski manna hæst að tillit yrði tekið til minnihlutans, jafnvel minni minnihlutans, ekki bara stærri minnihlutans sem væri sammála meirihlutanum í þessu máli. Og þeir sem áður virtu ekki viðlits skoðanir þeirra sem ekki tilheyrðu meirihluta, telja það brot á góðum og gildum siðum að fara ekki í einu og öllu eftir því sem minnihlutinn leggur til. Þetta er kannski bara mannlegt. Til eru dæmi um að minnihlutamenn í stjórnum sveitarfélaga hafi lagt fram mál sem voru augljóslega hin bestu; flestum ef ekki öllum til hagsbóta. Þá hefur það stundum gerst að málinu er frestað og á næsta fundi kemur meirihlutinn með sama mál í nýjum búningi og kynnir sem sitt. Eins hefur minnihlutinn setið hjá eða greitt atkvæði gegn þjóðþrifamálum, aðeins vegna þess að þau komu frá meirihlutanum. Það var með öðrum orðum ekki hægt að samþykkja góð mál nema þú kæmir með þau sjálfur. Annað gæti gagnast andstæðingum. Í aðdraganda fjárhagsáætlanagerðar sýndi fjöldi sveitarstjórna hins vegar þá ábyrgð að leggja slíka vitleysu til hliðar. Saman unnu minni- og meirihlutar að því að koma sveitarfélaginu sem best úr því áfalli sem nú hefur riðið yfir. Auðvitað ætti þetta alltaf að vera svona, að hagur fólksins væri ofar öllu, líka eigin atkvæðafjölda. Vonandi sjást svona vinnubrögð á þingi og vonandi er þetta komið til að vera. Samvinna er jú betri en sundurlyndi.
Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun
Um dánaraðstoð Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun
Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun
Um dánaraðstoð Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun