Mismunun gagnvart hinsegin fólki aukist á tímum heimsfaraldurs Heimsljós 17. maí 2021 09:20 UN Einn af hornsteinum heimsmarkmiðanna um sjálfbæra þróun er að takast á við ójöfnuð. António Guterres aðalframkvæmdastjóri Sameinuðu þjóðanna segir að mismunun gagnvart hinsegin fólki hafi aukist vegna COVID-19 faraldursins. Í dag, 17. maí, á alþjóðlegum degi gegn hatri á samkynhneigðum, tvíkynheigðum og transfólki segir Guterres í ávarpi að LGBTIQ+ fólk um allan heim sæti mismunun fyrir þær sakir einar að vera eins og það er. „Frá upphafi heimsfaraldursins hafa Sameinuðu þjóðirnar orðið varar við meiri mismunun, ofbeldi, hatursorðræðu, félagslega- og efnahagslega útilokun og smánun gagnvart hinsegin fólki. Þá hefur LGBTIQ+ fólk verið hindrað í aðgengi að heilsugæslu, menntun, atvinnu og grundvallarþjónustu. Þá eru dæmi um að afturför hvað varðar lagalega- og félagslega vernd grundvallarmannréttinda þessa hóps,” segir Guterres í ávarpinu. Samkvæmt frétt Upplýsingaskrifstofu Sameinuðu þjóðanna (UNRIC) hefur undanfarin ár verið haldið upp á alþjóðlegan dag gegn hatri á samkynhneigðum, tvíkynhneigðum og transfólki 17. maí í rúmlega 130 ríkjum. „Dagurinn er ekki alþjóðlegur dagur á vegum Sameinuðu þjóðanna heldur grasrótarsamtaka. Aðalframkvæmdastjórinn hefur hins vegar gefið út ávarp í tilefni dagsins og á mánudag verður hrundið af staða herferð á vegum samtakanna gegn mismunun í garð hinsegin fólks,“ segir í fréttinni. Þar kemur fram að grasrótarsamtök völdu 17. maí sökum þess að þann dag árið 1990 var samkynhneigð tekin af lista Alþjóðaheilbrigðisstofnunarinnar (WHO) yfir sjúkdóma. Aðalframkvæmdastjórinn bendir á í ávarpi sínu að einn af hornsteinum heimsmarkmiðanna um sjálfbæra þróun sé að takast á við ójöfnuð og tryggja að enginn sé skilinn eftir og allir njóti réttinda sinna. „Nú þegar endurreisnarstarf eftir heimsfaraldurinn er að hefjast ber að taka raunhæf skref til að afnema lög sem fela í sér mismunun, takast á við ofbeldi og mismunun vegna kynhneigðar og kyn-skilgreiningar og ráðast að rótum slíks óréttlætis,“ segir Guterres. „Sameinuðu þjóðirnar standa í fylkingarbrjósti fyrir mannlega reisn og réttinda allra, þar á meðal hinsegin fólks – LGBTIQ+. Við skulum taka höndum saman um að skapa heim þar sem allir geta lifað frjálsir og jafnir við reisn og réttindi, sama hver þeir eru, hvar þeir búa eða hverja þeir elska.” Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Hinsegin Jafnréttismál Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent Leiðinlegt fyrir útskriftarnema sem er hent út áður en þeir taka sopa Innlent „Við munum ekkert hreyfa okkur í sumar“ Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Harma banaslysið og hafa uppfært verkferla Innlent Eldur logar í þaki Kringlunnar Innlent
António Guterres aðalframkvæmdastjóri Sameinuðu þjóðanna segir að mismunun gagnvart hinsegin fólki hafi aukist vegna COVID-19 faraldursins. Í dag, 17. maí, á alþjóðlegum degi gegn hatri á samkynhneigðum, tvíkynheigðum og transfólki segir Guterres í ávarpi að LGBTIQ+ fólk um allan heim sæti mismunun fyrir þær sakir einar að vera eins og það er. „Frá upphafi heimsfaraldursins hafa Sameinuðu þjóðirnar orðið varar við meiri mismunun, ofbeldi, hatursorðræðu, félagslega- og efnahagslega útilokun og smánun gagnvart hinsegin fólki. Þá hefur LGBTIQ+ fólk verið hindrað í aðgengi að heilsugæslu, menntun, atvinnu og grundvallarþjónustu. Þá eru dæmi um að afturför hvað varðar lagalega- og félagslega vernd grundvallarmannréttinda þessa hóps,” segir Guterres í ávarpinu. Samkvæmt frétt Upplýsingaskrifstofu Sameinuðu þjóðanna (UNRIC) hefur undanfarin ár verið haldið upp á alþjóðlegan dag gegn hatri á samkynhneigðum, tvíkynhneigðum og transfólki 17. maí í rúmlega 130 ríkjum. „Dagurinn er ekki alþjóðlegur dagur á vegum Sameinuðu þjóðanna heldur grasrótarsamtaka. Aðalframkvæmdastjórinn hefur hins vegar gefið út ávarp í tilefni dagsins og á mánudag verður hrundið af staða herferð á vegum samtakanna gegn mismunun í garð hinsegin fólks,“ segir í fréttinni. Þar kemur fram að grasrótarsamtök völdu 17. maí sökum þess að þann dag árið 1990 var samkynhneigð tekin af lista Alþjóðaheilbrigðisstofnunarinnar (WHO) yfir sjúkdóma. Aðalframkvæmdastjórinn bendir á í ávarpi sínu að einn af hornsteinum heimsmarkmiðanna um sjálfbæra þróun sé að takast á við ójöfnuð og tryggja að enginn sé skilinn eftir og allir njóti réttinda sinna. „Nú þegar endurreisnarstarf eftir heimsfaraldurinn er að hefjast ber að taka raunhæf skref til að afnema lög sem fela í sér mismunun, takast á við ofbeldi og mismunun vegna kynhneigðar og kyn-skilgreiningar og ráðast að rótum slíks óréttlætis,“ segir Guterres. „Sameinuðu þjóðirnar standa í fylkingarbrjósti fyrir mannlega reisn og réttinda allra, þar á meðal hinsegin fólks – LGBTIQ+. Við skulum taka höndum saman um að skapa heim þar sem allir geta lifað frjálsir og jafnir við reisn og réttindi, sama hver þeir eru, hvar þeir búa eða hverja þeir elska.” Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Hinsegin Jafnréttismál Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent Leiðinlegt fyrir útskriftarnema sem er hent út áður en þeir taka sopa Innlent „Við munum ekkert hreyfa okkur í sumar“ Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Harma banaslysið og hafa uppfært verkferla Innlent Eldur logar í þaki Kringlunnar Innlent