Úganda: Lögð drög að valdeflingu kvenna í Buikwe héraði Heimslós 21. janúar 2021 10:21 Frá Buikwe. Gunnisal Vinnustofa um stefnumótandi áætlun um efnahagslega valdeflingu kvenna var haldin í síðustu viku í Buikwe héraði í Úganda. Ísland styður verkefnið. Héraðsyfirvöld í Buikwe eru með stuðningi frá Íslandi að þróa stefnumótandi áætlun til næstu fimm ára um efnahagslega valdeflingu kvenna í fiskisamfélögum héraðsins. Buikwe er helsta samstarfshérað Íslands í tvíhliða þróunarsamvinnu í Úganda en þróunarverkefnin beinast að því að bæta lífsgæði íbúa í 39 fiskiþorpum við strönd Viktoríuvatns. Vinnustofa um stefnumótunina var haldin í síðustu viku með þátttöku 37 fulltrúa frá fiskisamfélögunum, ráðuneytum landbúnaðar og sveitarstjórna, héraðsstjórn, félagasamtökum og sendiráði Íslands í Kampala. „Þátttakendur veltu fyrir sér ýmsum úrlausnarefnum sem snúa að valdeflingu kvenna í fiskveiðisamfélögum og ræddu hugsanlegar lausnir sem væru líklegar að skila jákvæðum breytingum og yrðu framkvæmdar af héraðsstjórninni. Síðar kæmi til stuðningur frá Íslandi við ákveðna þætti, í samræmi við þá stefnumótun sem fyrir liggur um verkefnin í héraðinu milli Íslands og héraðsstjórnarinnar,“ segir Finnbogi Rútur Arnarson starfandi forstöðumaður sendiráðsins. Þátttakendur á vinnustofunni. MS Fulltrúar héraðsins hrósuðu mjög samstarfi Íslands og héraðsins. „Ólíkt mörgum verkefnum í Úganda sem einkennast af spillingu hefur þróunarverkefnið í Buikwe verið framkvæmt án spillingar, ekki síst vegna stöðugs eftirlits sendiráðsins með framkvæmd verkefnanna. Þess vegna hefur okkur tekist að ná áþreifanlegum árangri sem breytt hefur Buikwe til batnaðar á aðeins fjórum árum, meðal annars í skólamálum, vatns-, salernis- og hreinlætismálum og viðbrögðum við COVID-19,“ sagði Mathias Kigongo héraðsstjóri. Finnbogi Rútur sagði í lokaorðum sínum að hann væri alinn upp af ömmu sinni með þeirri lífsspeki að „kona getur gert allt sem karlmaður getur gert, oftast betur!“ Þá hugmyndafræði þyrfti að hafa að leiðarljósi framvegis í samstarfsverkefnum Íslands og Buikwe. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Úganda Jafnréttismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leigan fyrir 100 fermetra hús í Grindavík 62.500 á mánuði Innlent Manni bjargað úr sjónum í nótt eftir að bátur hans sökk Innlent Ágreiningur innan stjórnarinnar brýst upp á yfirborðið Erlent Meinleysisgrey sem séu lífríkinu afar mikilvæg Innlent Slapp við meiðsli á höfði og hrygg Innlent Vilja sinna Íslendingum á Spáni betur Innlent Forsetavaktin 2024: Hver verður sjöundi forseti lýðveldisins? Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent „Þetta reddast“ voru fyrstu orðin sem hann lærði Innlent
Héraðsyfirvöld í Buikwe eru með stuðningi frá Íslandi að þróa stefnumótandi áætlun til næstu fimm ára um efnahagslega valdeflingu kvenna í fiskisamfélögum héraðsins. Buikwe er helsta samstarfshérað Íslands í tvíhliða þróunarsamvinnu í Úganda en þróunarverkefnin beinast að því að bæta lífsgæði íbúa í 39 fiskiþorpum við strönd Viktoríuvatns. Vinnustofa um stefnumótunina var haldin í síðustu viku með þátttöku 37 fulltrúa frá fiskisamfélögunum, ráðuneytum landbúnaðar og sveitarstjórna, héraðsstjórn, félagasamtökum og sendiráði Íslands í Kampala. „Þátttakendur veltu fyrir sér ýmsum úrlausnarefnum sem snúa að valdeflingu kvenna í fiskveiðisamfélögum og ræddu hugsanlegar lausnir sem væru líklegar að skila jákvæðum breytingum og yrðu framkvæmdar af héraðsstjórninni. Síðar kæmi til stuðningur frá Íslandi við ákveðna þætti, í samræmi við þá stefnumótun sem fyrir liggur um verkefnin í héraðinu milli Íslands og héraðsstjórnarinnar,“ segir Finnbogi Rútur Arnarson starfandi forstöðumaður sendiráðsins. Þátttakendur á vinnustofunni. MS Fulltrúar héraðsins hrósuðu mjög samstarfi Íslands og héraðsins. „Ólíkt mörgum verkefnum í Úganda sem einkennast af spillingu hefur þróunarverkefnið í Buikwe verið framkvæmt án spillingar, ekki síst vegna stöðugs eftirlits sendiráðsins með framkvæmd verkefnanna. Þess vegna hefur okkur tekist að ná áþreifanlegum árangri sem breytt hefur Buikwe til batnaðar á aðeins fjórum árum, meðal annars í skólamálum, vatns-, salernis- og hreinlætismálum og viðbrögðum við COVID-19,“ sagði Mathias Kigongo héraðsstjóri. Finnbogi Rútur sagði í lokaorðum sínum að hann væri alinn upp af ömmu sinni með þeirri lífsspeki að „kona getur gert allt sem karlmaður getur gert, oftast betur!“ Þá hugmyndafræði þyrfti að hafa að leiðarljósi framvegis í samstarfsverkefnum Íslands og Buikwe. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Úganda Jafnréttismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leigan fyrir 100 fermetra hús í Grindavík 62.500 á mánuði Innlent Manni bjargað úr sjónum í nótt eftir að bátur hans sökk Innlent Ágreiningur innan stjórnarinnar brýst upp á yfirborðið Erlent Meinleysisgrey sem séu lífríkinu afar mikilvæg Innlent Slapp við meiðsli á höfði og hrygg Innlent Vilja sinna Íslendingum á Spáni betur Innlent Forsetavaktin 2024: Hver verður sjöundi forseti lýðveldisins? Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent „Þetta reddast“ voru fyrstu orðin sem hann lærði Innlent