Hestamennskan grefur sig djúpt inn í sálarlíf fólks Sylvía Rut Sigfúsdóttir skrifar 25. febrúar 2020 10:45 Telma og Baron. Telma segir að hestamennskan sé í blóðinu hennar, þó að enginn annar í fjölskyldunni sé með þessa bakteríu. Vísir/Vilhelm Í dag fer í loftið hér á Vísi fyrsti þátturinn af Hestalífinu í umsjón Telmu Lucindu Tómasson. Í þessum mannlífsþáttum fá áhorfendur að heimsækja skemmtilegt hestafólk sem hefur frá mörgu að segja. „Fyrsti viðmælandi minn er Guðmundur Guðmundsson landsliðsþjálfari í handbolta karla. Við sýnum alveg nýja hlið á honum,“ segir Telma í samtali við Vísi. „Í öðrum þætti sjáum við landsþekktan mann fara í fyrsta sinn á ævinni á hestbak. Mjög fyndinn þáttur. Við heimsækjum tannlæknahjón, sem hafa ekki stundað hestasportið lengi, en eiga samt dásamlega fallegt hrossaræktarbú, eru með fólk í vinnu og „eiga“ jafnvel lið í Meistaradeildinni í hestaíþróttum. Einnig verður rætt við hestaljósmyndara sem á myndir á veggjum lúxushótels úti í heimi og bönkum upp á hjá þjóðþekktum hestamönnum úti á landi. Allt er þetta skemmtilegt fólk sem hefur áhugaverðar sögur að segja.“ Telma og Baron eiga einstakt samband. Bera virðingu fyrir hestinum sínum Telma ákvað að gera þessa þætti til að sýna breiddina sem er í hestamennskunni, fólkið sem hana stundar og lífið með Íslenska hestinum. Þættirnir eru því alls ekki bara fyrir hestafólk. „Undirbúningur fyrir þættina hófst síðast liðið haust, en á bak við hvern þátt er mikil vinna. Þeir sem ekki til þekkja undrast oft yfir því hvað fara margar klukkustundir í að framleiða einn sjónvarpsþátt. Fyrst fara fram samtöl við viðmælendur, kvikmyndatökur því næst, svo er úrvinnslan líklega tímafrekust, en það þarf að skoða efnið, skrifta það, búa til handrit, klippa, setja tónlist yfir, endurskoða og endurskoða aftur. Og aftur. En þetta er mjög skemmtileg vinna.“ Klippa: Hestalífið - sýnishorn Hún segir að það skemmtilegasta við gerð þáttanna hafi verið að hitta fólk sem tali um áhugamálið sitt af innlifun. „Hestamennskan grefur sig djúpt inn í sálarlíf fólks, hestarnir verða svo miklir vinir. Það sem kemur mér á óvart er hvað allir viðmælendur mínir bera mikla virðingu fyrir hestinum sínum og eru djúpt snortnir af samskiptum við hann. Hestamennskan er falleg baktería sem fáir vilja læknast af.“ Með Telmu vinnur Hörður Þórhallsson sem rekur framleiðslufyrirtækið Beit production. „Ég rakst á myndband sem hann gerði ásamt félaga sínum í fyrirtækinu og fannst þeir vera að gera sniðuga hluti. Skemmst er frá því að segja að mjög skemmtilegt er að vinna með Herði, hann er hugmyndaríkur og snjall. Útkoman er eftir því.“ Baron brosir sínu breiðasta fyrir myndavélina.Vísir/Vilhelm Hestamennskan tók yfir lífið Hestamennskan spilar stórt hlutverk í lífi Telmu svo hún veit alveg hvað hún syngur í þessum efnum. „Hestamennskan er mér af einhverjum skringilegum ástæðum í blóð borin, jafnvel þótt enginn annar í fjölskyldunni hefði áhuga. Á barnsaldri vélaði ég reiðnámskeið út úr foreldrum mínum, fór að vinna í sveit og keypti hest í kjölfarið. Síðar tók við nám og vinna, en sá tími kom að mér þótti vonlaust að vera hestlaus hestamaður. Fyrir 20 árum endurnýjaði ég kynnin og síðan þá hef ég menntað mig í hestafræðum, kláraði reiðkennaranám við Háskólann á Hólum, framleiddi hestaíþróttaþætti á Stöð 2 sport, hef staðið að fræðslusýningum, viðburðum og keppi nú sjálf í Meistaradeildinni í hestaíþróttum, svo fátt eitt sé nefnt.“ Telma viðurkennir að hestamennskan hafi nú tekið yfir allt hennar líf, svo einfalt er það. „Það er ótrúlegur galdur að geta tjáð sig við aðra lífveru sem skilur hvorki íslensku né annað tungumál. Knapi og hestur þurfa að þróa með sér „samtal,“ einhverja leið til að skilja hvorn annan. Þegar vel tekst til verður til einhver leyniþráður sem er óskiljanlega gefandi. Það hafa komið augnablik þar sem maður er eitt með hestinum sínum, þá renna orkusviðin saman og knapinn öðlast vængi, verður hestaflið sem hann situr. Það er ótrúleg lífsreynsla og nánast trúarleg upplifun.“ Uppáhalds hestur Telmu heitir Baron og er hann frá Bala 1. „Hann hef ég átt og þjálfað í bráðum sex ár og það hefur verið mikil lífsreynsla. Baron hefur frá náttúrunnar hendi mjög mikla hæfileika, en þá sýnir hann ekki af sjálfu sér og því hefur þjálfun hans verið bæði löng og ströng. Baron er núna hestur í fremstu röð á keppnisvellinum, ljúfur en ákveðinn, getumikill gæðingur. Hvílík lukka að kynnast slíkri skepnu.“Mannlífsþátturinn Hestalífið fer í loftið á Vísi í dag og má horfa á fyrsta þátt í spilaranum hér ofar í fréttinni. Hestalífið birtist á Vísi og Stöð 2 Maraþon aðra hverja viku en með umsjón þáttar fer Telma Lucinda Tómasson. Þættirnir eru unnir fyrir Vísi í samstarfi við framleiðslufyrirtækið Beit. Hestalífið Hestar Mest lesið Framleiða meiri varning „vegna fjölda áskorana“ Lífið Gerir upp sögu Séð og heyrt: „Þetta er mjög sterkur samfélagsspegill“ Lífið Spacey á barmi gjaldþrots Lífið „Þetta er enginn helvítis félagskvíði, það bara þolir mig enginn“ Áskorun Vandamálið við fætur, þeir eru í laginu eins og fætur Lífið samstarf Georg í Sigur Rós keypti vistvænt hús við einn besta golfvöll landsins Lífið Hefur ekki hugmynd um hvað tekur nú við Lífið Andrea Róberts keypti einbýli sem þarfnast ástar Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Rómantísk útsýnisíbúð Bergrúnar Írisar til sölu Lífið Fleiri fréttir Framleiða meiri varning „vegna fjölda áskorana“ Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Sjá meira
Í dag fer í loftið hér á Vísi fyrsti þátturinn af Hestalífinu í umsjón Telmu Lucindu Tómasson. Í þessum mannlífsþáttum fá áhorfendur að heimsækja skemmtilegt hestafólk sem hefur frá mörgu að segja. „Fyrsti viðmælandi minn er Guðmundur Guðmundsson landsliðsþjálfari í handbolta karla. Við sýnum alveg nýja hlið á honum,“ segir Telma í samtali við Vísi. „Í öðrum þætti sjáum við landsþekktan mann fara í fyrsta sinn á ævinni á hestbak. Mjög fyndinn þáttur. Við heimsækjum tannlæknahjón, sem hafa ekki stundað hestasportið lengi, en eiga samt dásamlega fallegt hrossaræktarbú, eru með fólk í vinnu og „eiga“ jafnvel lið í Meistaradeildinni í hestaíþróttum. Einnig verður rætt við hestaljósmyndara sem á myndir á veggjum lúxushótels úti í heimi og bönkum upp á hjá þjóðþekktum hestamönnum úti á landi. Allt er þetta skemmtilegt fólk sem hefur áhugaverðar sögur að segja.“ Telma og Baron eiga einstakt samband. Bera virðingu fyrir hestinum sínum Telma ákvað að gera þessa þætti til að sýna breiddina sem er í hestamennskunni, fólkið sem hana stundar og lífið með Íslenska hestinum. Þættirnir eru því alls ekki bara fyrir hestafólk. „Undirbúningur fyrir þættina hófst síðast liðið haust, en á bak við hvern þátt er mikil vinna. Þeir sem ekki til þekkja undrast oft yfir því hvað fara margar klukkustundir í að framleiða einn sjónvarpsþátt. Fyrst fara fram samtöl við viðmælendur, kvikmyndatökur því næst, svo er úrvinnslan líklega tímafrekust, en það þarf að skoða efnið, skrifta það, búa til handrit, klippa, setja tónlist yfir, endurskoða og endurskoða aftur. Og aftur. En þetta er mjög skemmtileg vinna.“ Klippa: Hestalífið - sýnishorn Hún segir að það skemmtilegasta við gerð þáttanna hafi verið að hitta fólk sem tali um áhugamálið sitt af innlifun. „Hestamennskan grefur sig djúpt inn í sálarlíf fólks, hestarnir verða svo miklir vinir. Það sem kemur mér á óvart er hvað allir viðmælendur mínir bera mikla virðingu fyrir hestinum sínum og eru djúpt snortnir af samskiptum við hann. Hestamennskan er falleg baktería sem fáir vilja læknast af.“ Með Telmu vinnur Hörður Þórhallsson sem rekur framleiðslufyrirtækið Beit production. „Ég rakst á myndband sem hann gerði ásamt félaga sínum í fyrirtækinu og fannst þeir vera að gera sniðuga hluti. Skemmst er frá því að segja að mjög skemmtilegt er að vinna með Herði, hann er hugmyndaríkur og snjall. Útkoman er eftir því.“ Baron brosir sínu breiðasta fyrir myndavélina.Vísir/Vilhelm Hestamennskan tók yfir lífið Hestamennskan spilar stórt hlutverk í lífi Telmu svo hún veit alveg hvað hún syngur í þessum efnum. „Hestamennskan er mér af einhverjum skringilegum ástæðum í blóð borin, jafnvel þótt enginn annar í fjölskyldunni hefði áhuga. Á barnsaldri vélaði ég reiðnámskeið út úr foreldrum mínum, fór að vinna í sveit og keypti hest í kjölfarið. Síðar tók við nám og vinna, en sá tími kom að mér þótti vonlaust að vera hestlaus hestamaður. Fyrir 20 árum endurnýjaði ég kynnin og síðan þá hef ég menntað mig í hestafræðum, kláraði reiðkennaranám við Háskólann á Hólum, framleiddi hestaíþróttaþætti á Stöð 2 sport, hef staðið að fræðslusýningum, viðburðum og keppi nú sjálf í Meistaradeildinni í hestaíþróttum, svo fátt eitt sé nefnt.“ Telma viðurkennir að hestamennskan hafi nú tekið yfir allt hennar líf, svo einfalt er það. „Það er ótrúlegur galdur að geta tjáð sig við aðra lífveru sem skilur hvorki íslensku né annað tungumál. Knapi og hestur þurfa að þróa með sér „samtal,“ einhverja leið til að skilja hvorn annan. Þegar vel tekst til verður til einhver leyniþráður sem er óskiljanlega gefandi. Það hafa komið augnablik þar sem maður er eitt með hestinum sínum, þá renna orkusviðin saman og knapinn öðlast vængi, verður hestaflið sem hann situr. Það er ótrúleg lífsreynsla og nánast trúarleg upplifun.“ Uppáhalds hestur Telmu heitir Baron og er hann frá Bala 1. „Hann hef ég átt og þjálfað í bráðum sex ár og það hefur verið mikil lífsreynsla. Baron hefur frá náttúrunnar hendi mjög mikla hæfileika, en þá sýnir hann ekki af sjálfu sér og því hefur þjálfun hans verið bæði löng og ströng. Baron er núna hestur í fremstu röð á keppnisvellinum, ljúfur en ákveðinn, getumikill gæðingur. Hvílík lukka að kynnast slíkri skepnu.“Mannlífsþátturinn Hestalífið fer í loftið á Vísi í dag og má horfa á fyrsta þátt í spilaranum hér ofar í fréttinni. Hestalífið birtist á Vísi og Stöð 2 Maraþon aðra hverja viku en með umsjón þáttar fer Telma Lucinda Tómasson. Þættirnir eru unnir fyrir Vísi í samstarfi við framleiðslufyrirtækið Beit.
Hestalífið Hestar Mest lesið Framleiða meiri varning „vegna fjölda áskorana“ Lífið Gerir upp sögu Séð og heyrt: „Þetta er mjög sterkur samfélagsspegill“ Lífið Spacey á barmi gjaldþrots Lífið „Þetta er enginn helvítis félagskvíði, það bara þolir mig enginn“ Áskorun Vandamálið við fætur, þeir eru í laginu eins og fætur Lífið samstarf Georg í Sigur Rós keypti vistvænt hús við einn besta golfvöll landsins Lífið Hefur ekki hugmynd um hvað tekur nú við Lífið Andrea Róberts keypti einbýli sem þarfnast ástar Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Rómantísk útsýnisíbúð Bergrúnar Írisar til sölu Lífið Fleiri fréttir Framleiða meiri varning „vegna fjölda áskorana“ Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Sjá meira
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið