Krefjandi en spennandi starfsvettvangur Hjördís Erna Þorgeirsdóttir skrifar 4. október 2019 10:00 Bryndís Símonardóttir býr í Danmörku og starfar sem endurskoðandi hjá Deloitte. Bryndís Símonardóttir hefur verið búsett og starfað sem endurskoðandi í Danmörku síðastliðin tíu ár. „Það má í raun segja að það hafi verið tilviljun að ég starfa sem endurskoðandi í dag. Á síðustu önninni í viðskiptafræðináminu var ég beðin um að koma í viðtal hjá endurskoðunarfyrirtæki, og ég ákvað að slá til,“ segir Brndís en starfar hjá alþjóðafyrirtækinu Deloitte. Fram að því augnabliki hafði Bryndís talið ólíklegt að hún myndi leggja fyrir sig sömu starfsgrein og faðir hennar. En sjaldan fellur eplið langt frá eikinni. „Ég hafði fram að þeim tíma verið fullviss um að ég myndi ekki feta í fótspor föður míns sem endurskoðandi, en starfslýsingin heillaði og því ákvað ég að hefja störf hjá öðru endurskoðunarfyrirtæki til þess að kynnast starfinu betur áður en ég myndi taka ákvörðun um frekara nám.“ Fljótt kom í ljós að þetta átti vel við hana. „Eftir að hafa starfað í faginu í nokkra mánuði var ég viss um að vettvangurinn hentaði mér og ég hef ekki séð eftir þeirri ákvörðun síðan.“Náið samband milli náms og vinnumarkaðar „Ég stundaði meistaranám í Háskólanum í Reykjavík, sem gaf einnig möguleika á að sinna störfum samhliða náminu.“ Bryndís segir tengslin milli námsins og vinnumarkaðarins hafa heillað. „Að mínu mati gerði þetta námið enn áhugaverðara þar sem reynsla frá vinnustaðnum og námið héldust vel í hendur.“ Hagnýtingin hafi þannig vegið upp á móti óneitanlegu erfiðleikastigi. „Að sjálfsögðu var þetta krefjandi á köflum, en miklu meira spennandi að geta tengt námið við það sem er í gangi hjá fyrirtækjunum og almennt í viðskiptalífinu.“ Nokkru eftir útskrift þreytti Bryndís löggildingarpróf en þau þykja sérlega umfangsmikil, enda miklar kröfur gerðar. „Árið eftir að ég lauk meistaranáminu tók ég löggildingarprófin í endurskoðun, sem eru 16 tíma próf tekin á tveimur dögum,“ útskýrir hún. „Þetta próf er að mörgu leyti sambærilegt löggildingarprófunum á hinum Norðurlöndunum, og eru þekkt fyrir að vera krefjandi og stór áfangi að ljúka þeim.“ Þá voru viss skilyrði sem hún þurfti að uppfylla til þess að fá starfsleyfi í Danmörku. „Til þess að hljóta löggildingu í Danmörku er einnig munnlegt próf sem á að reyna á próftaka í krefjandi aðstæðum. Í mínu tilviki lauk ég munnlegu prófi með fókus á danska löggjöf, m.a. ársreikninga- og skattalögin.“ Að sögn Bryndísar er starfið bæði fjölþætt og margbreytilegt. „Starfið sem endurskoðandi er gríðarlega fjölbreytt og er einnig misjafnt á milli endurskoðenda, allt frá bókhaldi, uppgjöri og skattaráðgjöf fyrir einstaklinga til endurskoðunar á stærri skráðum félögum.“ Meðal þess sem hún fæst við er ráðgjöf og eru skjólstæðingarnir oft í stærri kantinum. „Ég starfa við endurskoðun og ráðgjöf með áherslu á stærri félög og stofnanir í opinbera geiranum í Danmörku.“ Bryndís segir að vegna alþjóðlegra staðla sé starfslýsing endurskoðandans oft áþekk milli landa. „Við störfum eftir alþjóðlegum endurskoðunarstöðlum og endurskoðunaraðferðir eru því ekki ólíkar milli landa.“ Mismunandi áherslur í lagalegri umgjörð landa geti þó vissulega haft áhrif. „Hins vegar getur verið munur á lögum og reglum varðandi reikningsskil sem gilda í hverju landi, ef ekki er farið eftir alþjóðlegu reikningsskilastöðlunum.“ Þá séu vissir þættir á borð við fólksfjölda sem setji svip sinn á vinnustaði. „Starfsumhverfið er heldur ekki mjög ólíkt en að sjálfsögðu hefur stærðin og mismunandi menning áhrif á starfsumhverfið. Til að mynda erum við rúmlega 1.500 starfsmenn á Kaupmannahafnarskrifstofunni hjá Deloitte, og fyrirtækin eru að sama skapi stærri en við erum vön á Íslandi,“ útskýrir Bryndís.Framtíðin full af möguleikum Bryndís segir starfið vera í mikilli framþróun. „Það er settur gríðarlega mikill mannauður í þróun á endurskoðunarverkfærum sem geta gefið betri innsýn í fyrirtækin á sama tíma og endurskoðunin verði betri og skilvirkari.“ Ýmsar tækninýjungar séu að verða fyrirferðarmeiri. „Það nýjasta er meðal annars að nýta sér vélfærafræði (e. robotics) og greiningaraðgerðir betur við endurskoðun ársreikninga.“ Bryndís segist hiklaust mæla með námi af þessu tagi og segir það opna margar dyr á ólíkum sviðum. „Ég mæli klárlega með námi tengdu endurskoðun og reikningsskilum. Það eru gríðarlega margir möguleikar að loknu námi, og ekki einungis bundið við að starfa við endurskoðun þar sem námið gefur góða reynslu til að starfa í fjármála- og reikningsskiladeildum hjá öllum fyrirtækjum landsins.“ Bryndís, sem er núna í fæðingarorlofi með yngra barn sitt af tveimur, segist ætla að halda ótrauð áfram á sömu braut að orlofi loknu. „Fram undan hjá mér er að vinna áfram í minni sérhæfingu í opinbera geiranum. Á sama tíma ætla ég að sýna það í verki að tveggja barna móðir geti vel skilað sínu starfi sem endurskoðandi í Danmörku.“ Birtist í Fréttablaðinu Vinnumarkaður Mest lesið Gæti orðið að Gísla á Uppsölum ef hún ögrar sér ekki Lífið Króli gat ekki hugsað um neitt annað en Bjór Tónlist Fréttatía vikunnar: Nýr forseti, meindýr og þingið Lífið Eigendur Akureyri Backpackers selja höllina Lífið „Þetta er enginn helvítis félagskvíði, það bara þolir mig enginn“ Áskorun Frikki Dór reyndi að slá Íslandsmet Lífið Íslenskur hryllingstryllir á Vestfjörðum vekur athygli í Tribeca Bíó og sjónvarp Stofnaði íþróttavörumerki tvítug Lífið Fékk sér þrjú húðflúr í andlitið Lífið Foreldrum hætti til að setja pressu á börn sín Lífið Fleiri fréttir Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Stofnaði íþróttavörumerki tvítug Sumarlegir og dísætir jarðaberjapinnar að hætti Kristu Fjölgar í fjölskyldu Bjarna Ben Ljótur skúr í miðbænum nú lítið glæsihús Gummi Marteins selur glæsihús í Garðabæ Hrekkjalómur kroppar slaufuna af ókyngreindum salernum Kjartan Henry og Helga selja í Vesturbænum Fyndnustu gæludýramyndir ársins sem unnu til verðlauna Hjörtun stækkuðu hjá Benna Brynleifs og Evu „Þegar ég vakna þá trúi ég því ekki að við séum saman“ Dorrit hvetur Nigel Farage til dáða Elli og María Birta eru stoltir fósturforeldrar í Las Vegas Veðurgæðunum misskipt hjá lesendum Vísis Rakel selur 290 milljóna króna heillandi hús í Vesturbænum Svona er Þjóðhátíðarlagið 2024 Flestir vilja kalla Björn „forsetaherra“ Forsetakosningar greindar í tætlur á flugvellinum Einföld ráð til að hlaða batteríin yfir sumarið Guðni og Halla fagna saman Einir yngstu garðyrkjubændur landsins eru í Norðlingaholti Sveitasetur lýtalæknis til sölu: „Eign fyrir fjársterka aðila“ Flughetja selur slotið með heitum og köldum Af vængjum fram: Bestu augnablikin Sjá meira
Bryndís Símonardóttir hefur verið búsett og starfað sem endurskoðandi í Danmörku síðastliðin tíu ár. „Það má í raun segja að það hafi verið tilviljun að ég starfa sem endurskoðandi í dag. Á síðustu önninni í viðskiptafræðináminu var ég beðin um að koma í viðtal hjá endurskoðunarfyrirtæki, og ég ákvað að slá til,“ segir Brndís en starfar hjá alþjóðafyrirtækinu Deloitte. Fram að því augnabliki hafði Bryndís talið ólíklegt að hún myndi leggja fyrir sig sömu starfsgrein og faðir hennar. En sjaldan fellur eplið langt frá eikinni. „Ég hafði fram að þeim tíma verið fullviss um að ég myndi ekki feta í fótspor föður míns sem endurskoðandi, en starfslýsingin heillaði og því ákvað ég að hefja störf hjá öðru endurskoðunarfyrirtæki til þess að kynnast starfinu betur áður en ég myndi taka ákvörðun um frekara nám.“ Fljótt kom í ljós að þetta átti vel við hana. „Eftir að hafa starfað í faginu í nokkra mánuði var ég viss um að vettvangurinn hentaði mér og ég hef ekki séð eftir þeirri ákvörðun síðan.“Náið samband milli náms og vinnumarkaðar „Ég stundaði meistaranám í Háskólanum í Reykjavík, sem gaf einnig möguleika á að sinna störfum samhliða náminu.“ Bryndís segir tengslin milli námsins og vinnumarkaðarins hafa heillað. „Að mínu mati gerði þetta námið enn áhugaverðara þar sem reynsla frá vinnustaðnum og námið héldust vel í hendur.“ Hagnýtingin hafi þannig vegið upp á móti óneitanlegu erfiðleikastigi. „Að sjálfsögðu var þetta krefjandi á köflum, en miklu meira spennandi að geta tengt námið við það sem er í gangi hjá fyrirtækjunum og almennt í viðskiptalífinu.“ Nokkru eftir útskrift þreytti Bryndís löggildingarpróf en þau þykja sérlega umfangsmikil, enda miklar kröfur gerðar. „Árið eftir að ég lauk meistaranáminu tók ég löggildingarprófin í endurskoðun, sem eru 16 tíma próf tekin á tveimur dögum,“ útskýrir hún. „Þetta próf er að mörgu leyti sambærilegt löggildingarprófunum á hinum Norðurlöndunum, og eru þekkt fyrir að vera krefjandi og stór áfangi að ljúka þeim.“ Þá voru viss skilyrði sem hún þurfti að uppfylla til þess að fá starfsleyfi í Danmörku. „Til þess að hljóta löggildingu í Danmörku er einnig munnlegt próf sem á að reyna á próftaka í krefjandi aðstæðum. Í mínu tilviki lauk ég munnlegu prófi með fókus á danska löggjöf, m.a. ársreikninga- og skattalögin.“ Að sögn Bryndísar er starfið bæði fjölþætt og margbreytilegt. „Starfið sem endurskoðandi er gríðarlega fjölbreytt og er einnig misjafnt á milli endurskoðenda, allt frá bókhaldi, uppgjöri og skattaráðgjöf fyrir einstaklinga til endurskoðunar á stærri skráðum félögum.“ Meðal þess sem hún fæst við er ráðgjöf og eru skjólstæðingarnir oft í stærri kantinum. „Ég starfa við endurskoðun og ráðgjöf með áherslu á stærri félög og stofnanir í opinbera geiranum í Danmörku.“ Bryndís segir að vegna alþjóðlegra staðla sé starfslýsing endurskoðandans oft áþekk milli landa. „Við störfum eftir alþjóðlegum endurskoðunarstöðlum og endurskoðunaraðferðir eru því ekki ólíkar milli landa.“ Mismunandi áherslur í lagalegri umgjörð landa geti þó vissulega haft áhrif. „Hins vegar getur verið munur á lögum og reglum varðandi reikningsskil sem gilda í hverju landi, ef ekki er farið eftir alþjóðlegu reikningsskilastöðlunum.“ Þá séu vissir þættir á borð við fólksfjölda sem setji svip sinn á vinnustaði. „Starfsumhverfið er heldur ekki mjög ólíkt en að sjálfsögðu hefur stærðin og mismunandi menning áhrif á starfsumhverfið. Til að mynda erum við rúmlega 1.500 starfsmenn á Kaupmannahafnarskrifstofunni hjá Deloitte, og fyrirtækin eru að sama skapi stærri en við erum vön á Íslandi,“ útskýrir Bryndís.Framtíðin full af möguleikum Bryndís segir starfið vera í mikilli framþróun. „Það er settur gríðarlega mikill mannauður í þróun á endurskoðunarverkfærum sem geta gefið betri innsýn í fyrirtækin á sama tíma og endurskoðunin verði betri og skilvirkari.“ Ýmsar tækninýjungar séu að verða fyrirferðarmeiri. „Það nýjasta er meðal annars að nýta sér vélfærafræði (e. robotics) og greiningaraðgerðir betur við endurskoðun ársreikninga.“ Bryndís segist hiklaust mæla með námi af þessu tagi og segir það opna margar dyr á ólíkum sviðum. „Ég mæli klárlega með námi tengdu endurskoðun og reikningsskilum. Það eru gríðarlega margir möguleikar að loknu námi, og ekki einungis bundið við að starfa við endurskoðun þar sem námið gefur góða reynslu til að starfa í fjármála- og reikningsskiladeildum hjá öllum fyrirtækjum landsins.“ Bryndís, sem er núna í fæðingarorlofi með yngra barn sitt af tveimur, segist ætla að halda ótrauð áfram á sömu braut að orlofi loknu. „Fram undan hjá mér er að vinna áfram í minni sérhæfingu í opinbera geiranum. Á sama tíma ætla ég að sýna það í verki að tveggja barna móðir geti vel skilað sínu starfi sem endurskoðandi í Danmörku.“
Birtist í Fréttablaðinu Vinnumarkaður Mest lesið Gæti orðið að Gísla á Uppsölum ef hún ögrar sér ekki Lífið Króli gat ekki hugsað um neitt annað en Bjór Tónlist Fréttatía vikunnar: Nýr forseti, meindýr og þingið Lífið Eigendur Akureyri Backpackers selja höllina Lífið „Þetta er enginn helvítis félagskvíði, það bara þolir mig enginn“ Áskorun Frikki Dór reyndi að slá Íslandsmet Lífið Íslenskur hryllingstryllir á Vestfjörðum vekur athygli í Tribeca Bíó og sjónvarp Stofnaði íþróttavörumerki tvítug Lífið Fékk sér þrjú húðflúr í andlitið Lífið Foreldrum hætti til að setja pressu á börn sín Lífið Fleiri fréttir Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Stofnaði íþróttavörumerki tvítug Sumarlegir og dísætir jarðaberjapinnar að hætti Kristu Fjölgar í fjölskyldu Bjarna Ben Ljótur skúr í miðbænum nú lítið glæsihús Gummi Marteins selur glæsihús í Garðabæ Hrekkjalómur kroppar slaufuna af ókyngreindum salernum Kjartan Henry og Helga selja í Vesturbænum Fyndnustu gæludýramyndir ársins sem unnu til verðlauna Hjörtun stækkuðu hjá Benna Brynleifs og Evu „Þegar ég vakna þá trúi ég því ekki að við séum saman“ Dorrit hvetur Nigel Farage til dáða Elli og María Birta eru stoltir fósturforeldrar í Las Vegas Veðurgæðunum misskipt hjá lesendum Vísis Rakel selur 290 milljóna króna heillandi hús í Vesturbænum Svona er Þjóðhátíðarlagið 2024 Flestir vilja kalla Björn „forsetaherra“ Forsetakosningar greindar í tætlur á flugvellinum Einföld ráð til að hlaða batteríin yfir sumarið Guðni og Halla fagna saman Einir yngstu garðyrkjubændur landsins eru í Norðlingaholti Sveitasetur lýtalæknis til sölu: „Eign fyrir fjársterka aðila“ Flughetja selur slotið með heitum og köldum Af vængjum fram: Bestu augnablikin Sjá meira