Dýr myndi Drottinn allur

Ítalska ríkið hefur keypt líkneski af Kristi á krossinum fjórum árum eftir að sérfræðingar staðfestu að verkið væri eftir Michelangelo.

Þetta er tréskurðarmynd sem er rúmlega fjörutíu sentimetra há. Hún var sýnd fréttamönnum í ítalska sendiráðinu í Páfagarði um helgina.

Ítalska ríkið greiddi rúmlega hálfan milljarð króna fyrir líkneskið.

Það verður haft til sýnis í neðri deild ítalska þingsins frá 23. desember næstkomandi og verður væntanlega vel gætt. Úr þinginu fer það svo á safn í Flórens.