Mikil fjölgun kynferðisofbeldis gegn börnum á átakasvæðum Heimsljós 19. febrúar 2021 10:39 Barnaheill – Save the Children Kynferðisofbeldi er notað sem stríðsvopn gegn börnum og óbreyttum borgurum á átakasvæðum. Börn sem búa á átakasvæðum eru í tífalt meiri hættu á að verða fyrir kynferðisofbeldi í dag en fyrir þremur áratugum að mati Barnaheilla – Save the Children. Kynferðisofbeldi er notað sem stríðsvopn gegn börnum og öðrum óbreyttum borgurum, ýmist í pólitískum eða hernaðarlegum tilgangi. Samtökin segja að fjöldi staðfestra tilfella kynferðisofbeldis gegn börnum á átakasvæðum sé aðeins toppurinn á ísjakanum. ,,Að meðaltali var aðeins tilkynnt um tvö kynferðisbrot gagnvart börnum á átakasvæðum á dag árið 2019. En við vitum að nauðganir og annarskonar kynferðislegt ofbeldi og áreiti hefur verið notað í auknum mæli sem stríðsvopn í átökum. Þess vegna teljum við að þessi tvö brot á dag sé aðeins toppurinn á ísjakanum. Það eru miklu fleiri börn sem eru fórnarlömb kynferðisofbeldis sem ekki segja frá - en hafa samt sem áður mikla þörf á stuðningi. Hvers konar ofbeldi gagnvart barni er hræðilegt og verður að stöðva strax," segir Inger Ashing, framkvæmdastjóri alþjóðasamtakanna Save the Children. Börn sem verða fyrir kynferðisofbeldi á átakasvæðum eiga erfitt með að tilkynna glæpinn og þau óttast hefndaraðgerðir, auk þess sem stuðningur og þjónusta er lítil sem engin. Mikill skortur er á sálfræðistuðningi eða geðheilbrigðisþjónustu og því þurfa mörg börn „að burðast með vanlíðan og aðrar afleiðingar þess að vera beitt þessu alvarlega ofbeldi,“ eins og segir í frétt frá Barnaheillum. Frá árinu 2006 hafa yfir 20 þúsund tilfella kynferðisofbeldis gegn börnum á átakasvæðum verið staðfest af Sameinuðu þjóðunum. Árið 2019 (nýjustu tölur) voru 749 staðfest tilfelli. Þar af voru 98% kynferðisbrota framin gegn stúlkum. Að auki tvöfölduðust kynferðisbrot framin af stjórnarher í viðkomandi landi frá árinu á undan. Í nýrri skýrslu Barnaheilla – Save the Children kemur fram að alls búi 426 milljónir barna á átakasvæðum í heiminum. Samkvæmt skýrslunni búa 17 prósent þeirra, eða 72 milljónir barna, á átakasvæðum nálægt vopnuðum hópum sem beita kynferðisofbeldi. Hættan á kynferðisofbeldi á átakasvæðum er mest í Kólumbíu, Írak, Sómalíu, Suður Súdan og Jemen. Það felur í sér hættu á nauðgun, kynlífsþrælkun, vændi, þvingaðri meðgöngu, þvingaðri fóstureyðingu, kynferðislegri limlestingu, kynferðislegri misnotkun eða áreitni af hendi vopnaðra hópa, stjórnarhers og/eða löggæsluaðila. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Ofbeldi gegn börnum Kynferðisofbeldi Mest lesið Sextán ára reyndi að stinga lögguna af Innlent Allt önnur spá í kortunum Innlent „Ég kem ekki nálægt þessum málum aftur“ Innlent Karlmaður á þrítugsaldri lést í slysinu á Vesturlandsvegi Innlent Gosmóða yfir höfuðborgarsvæðinu í dag Innlent Skynsamlegt að loka gluggum og setja á hringrásarstillingu í bílnum Innlent „Þessi kostnaður hverfur ekki“ Innlent Einn stunginn þegar tveir hópar voru að útkljá sín mál Innlent Rannsaka kynferðisbrot en ekki innbrot Innlent Segir allan áburð um kynferðisbrot úr lausu lofti gripinn Innlent
Börn sem búa á átakasvæðum eru í tífalt meiri hættu á að verða fyrir kynferðisofbeldi í dag en fyrir þremur áratugum að mati Barnaheilla – Save the Children. Kynferðisofbeldi er notað sem stríðsvopn gegn börnum og öðrum óbreyttum borgurum, ýmist í pólitískum eða hernaðarlegum tilgangi. Samtökin segja að fjöldi staðfestra tilfella kynferðisofbeldis gegn börnum á átakasvæðum sé aðeins toppurinn á ísjakanum. ,,Að meðaltali var aðeins tilkynnt um tvö kynferðisbrot gagnvart börnum á átakasvæðum á dag árið 2019. En við vitum að nauðganir og annarskonar kynferðislegt ofbeldi og áreiti hefur verið notað í auknum mæli sem stríðsvopn í átökum. Þess vegna teljum við að þessi tvö brot á dag sé aðeins toppurinn á ísjakanum. Það eru miklu fleiri börn sem eru fórnarlömb kynferðisofbeldis sem ekki segja frá - en hafa samt sem áður mikla þörf á stuðningi. Hvers konar ofbeldi gagnvart barni er hræðilegt og verður að stöðva strax," segir Inger Ashing, framkvæmdastjóri alþjóðasamtakanna Save the Children. Börn sem verða fyrir kynferðisofbeldi á átakasvæðum eiga erfitt með að tilkynna glæpinn og þau óttast hefndaraðgerðir, auk þess sem stuðningur og þjónusta er lítil sem engin. Mikill skortur er á sálfræðistuðningi eða geðheilbrigðisþjónustu og því þurfa mörg börn „að burðast með vanlíðan og aðrar afleiðingar þess að vera beitt þessu alvarlega ofbeldi,“ eins og segir í frétt frá Barnaheillum. Frá árinu 2006 hafa yfir 20 þúsund tilfella kynferðisofbeldis gegn börnum á átakasvæðum verið staðfest af Sameinuðu þjóðunum. Árið 2019 (nýjustu tölur) voru 749 staðfest tilfelli. Þar af voru 98% kynferðisbrota framin gegn stúlkum. Að auki tvöfölduðust kynferðisbrot framin af stjórnarher í viðkomandi landi frá árinu á undan. Í nýrri skýrslu Barnaheilla – Save the Children kemur fram að alls búi 426 milljónir barna á átakasvæðum í heiminum. Samkvæmt skýrslunni búa 17 prósent þeirra, eða 72 milljónir barna, á átakasvæðum nálægt vopnuðum hópum sem beita kynferðisofbeldi. Hættan á kynferðisofbeldi á átakasvæðum er mest í Kólumbíu, Írak, Sómalíu, Suður Súdan og Jemen. Það felur í sér hættu á nauðgun, kynlífsþrælkun, vændi, þvingaðri meðgöngu, þvingaðri fóstureyðingu, kynferðislegri limlestingu, kynferðislegri misnotkun eða áreitni af hendi vopnaðra hópa, stjórnarhers og/eða löggæsluaðila. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Ofbeldi gegn börnum Kynferðisofbeldi Mest lesið Sextán ára reyndi að stinga lögguna af Innlent Allt önnur spá í kortunum Innlent „Ég kem ekki nálægt þessum málum aftur“ Innlent Karlmaður á þrítugsaldri lést í slysinu á Vesturlandsvegi Innlent Gosmóða yfir höfuðborgarsvæðinu í dag Innlent Skynsamlegt að loka gluggum og setja á hringrásarstillingu í bílnum Innlent „Þessi kostnaður hverfur ekki“ Innlent Einn stunginn þegar tveir hópar voru að útkljá sín mál Innlent Rannsaka kynferðisbrot en ekki innbrot Innlent Segir allan áburð um kynferðisbrot úr lausu lofti gripinn Innlent