Vinsælustu bílar hvers Evrópulands Finnur Thorlacius skrifar 31. maí 2018 10:00 Hvað fjölda landa varðar hefur Skoda Octavia vinninginn á meginlandi Evrópu en í sex löndum er hann söluhæstur. Á Íslandi hafa Toyota Yaris og Skoda Octavia keppst um efstu sætin á meðal mest seldu bílgerða undanfarin ár, en hvaða bílar ætli sé vinsælustu bílgerðirnar í öðrum Evrópulöndum það sem af er ári? JATO Dynamics heldur utan um slíkar tölur og birti þær nýjustu um daginn. Hvað fjölda landa varðar hefur Skoda Octavia vinninginn á meginlandi Evrópu en í sex löndum er hann söluhæstur, þ.e. í heimalandinu Tékklandi, Króatíu, Finnlandi, Sviss, Póllandi og Eistlandi. Volkswagen Golf er vinsælastur í fimm löndum og það kemur ekki á óvart að það skuli vera í Þýskalandi og Austurríki, en einnig í Belgíu, Lettlandi og Lúxemborg. Í Danmörku er Peugeot 208 vinsælastur og Toyota Yaris á Grikklandi. Renault Clio er söluhæstur í Frakklandi eðlilega, en líka í Portúgal og Slóveníu.Heimabílar hafa vinninginn Suzuki Vitara stendur efstur á blaði í Ungverjalandi enda framleiddur þar fyrir Evrópumarkað, Nissan Qashqai á Írlandi, Fiat Panda á Ítalíu, Fiat 500 í Litháen og Nissan Leaf í rafbílalandinu Noregi. Ekki kemur á óvart að Dacia Logan sé vinsælastur í heimalandinu Rúmeníu. Smábíllinn Skoda Fabia er vinsælastur í Slóvakíu og heimabíllinn Seat Ibiza á Spáni. Heimabílar eru einnig vinsælastir í Svíþjóð og Bretlandi, þ.e. Volvo XC60 í Svíþjóð og Ford Fiesta í Bretlandi. Það koma því ansi margar bílgerðir til sögunnar hvað varðar að vera vinsælust í hverju landi, eða alls 16 bílgerðir í 27 löndum. En í þeim löndum þar sem einhver bílaframleiðsla fer fram er nokkuð víst að heimabíll hefur vinninginn. Birtist í Fréttablaðinu Bílar Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent Náði ekki að loka búðinni áður en henni var sagt að koma sér út Innlent „Sumar búðir hafa sloppið vel, aðrar ekki“ Innlent Konungsskip Dana í Reykjavík Innlent „Við munum ekkert hreyfa okkur í sumar“ Innlent Leiðinlegt fyrir útskriftarnema sem er hent út áður en þeir taka sopa Innlent Björgunarsveitir sinntu reiðslysi og gönguslysi í gær Innlent Sumarveður fyrir sunnan en annars staðar skýjað Veður Sigurður Ingi ekki búinn að undirrita Isavia-samning Innlent Fleiri fréttir Flottustu Mustang bílarnir landsins til sýnis í dag Sjá meira
Á Íslandi hafa Toyota Yaris og Skoda Octavia keppst um efstu sætin á meðal mest seldu bílgerða undanfarin ár, en hvaða bílar ætli sé vinsælustu bílgerðirnar í öðrum Evrópulöndum það sem af er ári? JATO Dynamics heldur utan um slíkar tölur og birti þær nýjustu um daginn. Hvað fjölda landa varðar hefur Skoda Octavia vinninginn á meginlandi Evrópu en í sex löndum er hann söluhæstur, þ.e. í heimalandinu Tékklandi, Króatíu, Finnlandi, Sviss, Póllandi og Eistlandi. Volkswagen Golf er vinsælastur í fimm löndum og það kemur ekki á óvart að það skuli vera í Þýskalandi og Austurríki, en einnig í Belgíu, Lettlandi og Lúxemborg. Í Danmörku er Peugeot 208 vinsælastur og Toyota Yaris á Grikklandi. Renault Clio er söluhæstur í Frakklandi eðlilega, en líka í Portúgal og Slóveníu.Heimabílar hafa vinninginn Suzuki Vitara stendur efstur á blaði í Ungverjalandi enda framleiddur þar fyrir Evrópumarkað, Nissan Qashqai á Írlandi, Fiat Panda á Ítalíu, Fiat 500 í Litháen og Nissan Leaf í rafbílalandinu Noregi. Ekki kemur á óvart að Dacia Logan sé vinsælastur í heimalandinu Rúmeníu. Smábíllinn Skoda Fabia er vinsælastur í Slóvakíu og heimabíllinn Seat Ibiza á Spáni. Heimabílar eru einnig vinsælastir í Svíþjóð og Bretlandi, þ.e. Volvo XC60 í Svíþjóð og Ford Fiesta í Bretlandi. Það koma því ansi margar bílgerðir til sögunnar hvað varðar að vera vinsælust í hverju landi, eða alls 16 bílgerðir í 27 löndum. En í þeim löndum þar sem einhver bílaframleiðsla fer fram er nokkuð víst að heimabíll hefur vinninginn.
Birtist í Fréttablaðinu Bílar Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent Náði ekki að loka búðinni áður en henni var sagt að koma sér út Innlent „Sumar búðir hafa sloppið vel, aðrar ekki“ Innlent Konungsskip Dana í Reykjavík Innlent „Við munum ekkert hreyfa okkur í sumar“ Innlent Leiðinlegt fyrir útskriftarnema sem er hent út áður en þeir taka sopa Innlent Björgunarsveitir sinntu reiðslysi og gönguslysi í gær Innlent Sumarveður fyrir sunnan en annars staðar skýjað Veður Sigurður Ingi ekki búinn að undirrita Isavia-samning Innlent Fleiri fréttir Flottustu Mustang bílarnir landsins til sýnis í dag Sjá meira