„Þetta skraut á sérstakan stað í hjarta mínu“ Lilja Katrín Gunnarsdóttir skrifar 6. desember 2017 20:30 Nú mega jólin koma fyrir Ásgerði. Vísir / Úr einkasafni „Jólin eru mér mikilvæg. Þau sameina fjölskyldu og vini. Það er ekkert dýrmætara en að vera öll saman og njóta,“ segir Ásgerður Friðbjarnardóttir. Hún er mikið jólabarn og skreytir heimili sitt meðal annars með einstöku skrauti sem foreldrar hennar bjuggu til - forláta burstabæ og handgerðum jólasveinum. „Pabbi minn, Friðbjörn Óskarsson, smíðaði burstabæinn árið 1988 eða 1989. Mömmu hafði lengi langað í svona bæ því amma mín átti svipaðan svo pabbi tók til sinna ráða og smíðaði eitt stykki fyrir hana. Mamma mín, Guðrún Hreinsdóttir, handgerði alla jólasveinana. Mamma keypti efniviðinn í þá árið 1987 og dundaði sér i einhvern tíma að gera þá. Það tók nokkur ár að fullklára settið. Að vísu vantar Hurðaskellir sem ég ætla að sauma sjálf núna í desember. Tilgangurinn með þeim var að raða einum og einum upp í þeirri röð sem þeir koma til byggða,“ segir Ásgerður og bætir við að bærinn og sveinarnir skipti sig miklu máli. Ásgerður hefur keypt meira skraut á burstabæinn.Vísir / Úr einkasafni„Þetta skraut á sérstakan stað í hjarta mínu því ég man mest eftir því úr minni barnæsku. Ég man hvað mömmu þótti gaman að setja það upp og er tilhlökkunin jafnmikil hjá mér. Ég hef meiri segja verið með upphaflega skrautið sem fer á burstabæinn og raðað svipað upp eins og mamma gerði en í ár ákvað ég að kaupa aðeins meira skraut á burstabæinn og raða ásamt gamla dótinu. Ég skipti þó alltaf um bómull. Eftir að allt er komið á bæinn þá strái ég glimmeri sem mamma lét mig hafa, sem hún stráði sjálf alltaf yfir,“ segir Ásgerður sem er hreint ekki viss hvort að skrautið muni erfast á milli kynslóða.„Frekjan ég fékk þetta í þetta skiptið svo er spurning hvort mín börn vilji eignast þetta í framtíðinni,“ segir hún og hlær. Jólasveinarnir knáu. Á myndina vantar Hurðaskelli sem er í vinnslu.Vísir / Úr einkasafniBorðaði pítsu með þvottaklemmu á nefinuÁsgerður er mikið jólabarn og það skiptir hana miklu máli að halda í hefðir og skapa nýjar með fjölskyldu sinni.„Við byrjum aðventuna oftast á að fara í jólabústað yfir helgi, bara við fjölskyldan. Þar eru jólasmákökur bakaðar, óteljandi ferðir farnar í pottinn og horft á jólamyndir. Afslöppun út í eitt. Á Þorláksmessu sameinumst við fjölskyldan og förum í skötuveislu til Indriða bróður pabba míns. Það er algjörlega ómissandi, skötulyktin kemur með jólin. Við fjölskyldan förum alltaf í Brynjudal i Hvalfirði að sækja jólatré þar sem að börnin saga það sjálf niður og bera í bílinn. Á aðfangadag er alltaf farið í sund fyrir hádegi og síðan fáum við okkur jólagraut í hádeginu. Og það allra besta er að fara í jólamessu klukkan 18 á aðfangadag. Sitja í fallegri kirkju í rólegheitunum. Svo í lokin þegar Heims um ból er sungið og kirkjuklukkurnar klingja þá eru jólin komin.“En á þetta jólabarn einhverja eftirminnilega jólaminningu? „Ég ólst upp í Hnifsdal sem barn. Foreldrar mínir voru duglegir að skapa yndislegar minningar sem ég hef að hluta til tileinkað mér. Við fórum alltaf á Þorláksmessu til afa og ömmu í skötuveislu þar sem að skata var borðuð en amma græjaði pítsu fyrir okkur börnin sem vildum ekki skötu. Við sátum inn í eldhúsi með þvottaklemmu á nefinu og borðuðum pítsuu á meðan fullorðna fólkið sat í borðstofunni og gæddu sér á skötu og hamsatólg sem afi minn hafði verkað. Ég man hvað það var óþægilegt að hafa þvottaklemmuna á nefinu en maður lét sig hafa það. Eftir skötuveisluna var farið heim og jólatréð skreytt. Ilmurinn af trénu var svo yndislegur og man ég alltaf hvað mér þótti yndislegt að vakna á aðfangadagsmorgun og finna ilminn í stofunni. Amma mín og afi nutu með okkur samverunnar á aðfangadagskvöld. Það var svo yndislegt að hafa þau hjá okkur. Þau byrjuðu að vera hjá okkur eftir að yngsti sonur þeirra flutti að heiman,“ segir Ásgerður og er með það á hreinu hvað sé það besta við jólin.„Samverustundirnar með fjölskyldu og vinum. Að skapa fallegar minningar og hefðir.“ Jól Jólaskraut Mest lesið Andrea Róberts keypti einbýli sem þarfnast ástar Lífið Gerir upp sögu Séð og heyrt: „Þetta er mjög sterkur samfélagsspegill“ Lífið Spacey á barmi gjaldþrots Lífið Rómantísk útsýnisíbúð Bergrúnar Írisar til sölu Lífið Georg í Sigur Rós keypti vistvænt hús við einn besta golfvöll landsins Lífið Hefur ekki hugmynd um hvað tekur nú við Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Litrík hlaupagleði í Laugardalnum Lífið Katrín Edda og Markus opinbera kynið Lífið Vandamálið við fætur, þeir eru í laginu eins og fætur Lífið samstarf Fleiri fréttir Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Stofnaði íþróttavörumerki tvítug Sjá meira
„Jólin eru mér mikilvæg. Þau sameina fjölskyldu og vini. Það er ekkert dýrmætara en að vera öll saman og njóta,“ segir Ásgerður Friðbjarnardóttir. Hún er mikið jólabarn og skreytir heimili sitt meðal annars með einstöku skrauti sem foreldrar hennar bjuggu til - forláta burstabæ og handgerðum jólasveinum. „Pabbi minn, Friðbjörn Óskarsson, smíðaði burstabæinn árið 1988 eða 1989. Mömmu hafði lengi langað í svona bæ því amma mín átti svipaðan svo pabbi tók til sinna ráða og smíðaði eitt stykki fyrir hana. Mamma mín, Guðrún Hreinsdóttir, handgerði alla jólasveinana. Mamma keypti efniviðinn í þá árið 1987 og dundaði sér i einhvern tíma að gera þá. Það tók nokkur ár að fullklára settið. Að vísu vantar Hurðaskellir sem ég ætla að sauma sjálf núna í desember. Tilgangurinn með þeim var að raða einum og einum upp í þeirri röð sem þeir koma til byggða,“ segir Ásgerður og bætir við að bærinn og sveinarnir skipti sig miklu máli. Ásgerður hefur keypt meira skraut á burstabæinn.Vísir / Úr einkasafni„Þetta skraut á sérstakan stað í hjarta mínu því ég man mest eftir því úr minni barnæsku. Ég man hvað mömmu þótti gaman að setja það upp og er tilhlökkunin jafnmikil hjá mér. Ég hef meiri segja verið með upphaflega skrautið sem fer á burstabæinn og raðað svipað upp eins og mamma gerði en í ár ákvað ég að kaupa aðeins meira skraut á burstabæinn og raða ásamt gamla dótinu. Ég skipti þó alltaf um bómull. Eftir að allt er komið á bæinn þá strái ég glimmeri sem mamma lét mig hafa, sem hún stráði sjálf alltaf yfir,“ segir Ásgerður sem er hreint ekki viss hvort að skrautið muni erfast á milli kynslóða.„Frekjan ég fékk þetta í þetta skiptið svo er spurning hvort mín börn vilji eignast þetta í framtíðinni,“ segir hún og hlær. Jólasveinarnir knáu. Á myndina vantar Hurðaskelli sem er í vinnslu.Vísir / Úr einkasafniBorðaði pítsu með þvottaklemmu á nefinuÁsgerður er mikið jólabarn og það skiptir hana miklu máli að halda í hefðir og skapa nýjar með fjölskyldu sinni.„Við byrjum aðventuna oftast á að fara í jólabústað yfir helgi, bara við fjölskyldan. Þar eru jólasmákökur bakaðar, óteljandi ferðir farnar í pottinn og horft á jólamyndir. Afslöppun út í eitt. Á Þorláksmessu sameinumst við fjölskyldan og förum í skötuveislu til Indriða bróður pabba míns. Það er algjörlega ómissandi, skötulyktin kemur með jólin. Við fjölskyldan förum alltaf í Brynjudal i Hvalfirði að sækja jólatré þar sem að börnin saga það sjálf niður og bera í bílinn. Á aðfangadag er alltaf farið í sund fyrir hádegi og síðan fáum við okkur jólagraut í hádeginu. Og það allra besta er að fara í jólamessu klukkan 18 á aðfangadag. Sitja í fallegri kirkju í rólegheitunum. Svo í lokin þegar Heims um ból er sungið og kirkjuklukkurnar klingja þá eru jólin komin.“En á þetta jólabarn einhverja eftirminnilega jólaminningu? „Ég ólst upp í Hnifsdal sem barn. Foreldrar mínir voru duglegir að skapa yndislegar minningar sem ég hef að hluta til tileinkað mér. Við fórum alltaf á Þorláksmessu til afa og ömmu í skötuveislu þar sem að skata var borðuð en amma græjaði pítsu fyrir okkur börnin sem vildum ekki skötu. Við sátum inn í eldhúsi með þvottaklemmu á nefinu og borðuðum pítsuu á meðan fullorðna fólkið sat í borðstofunni og gæddu sér á skötu og hamsatólg sem afi minn hafði verkað. Ég man hvað það var óþægilegt að hafa þvottaklemmuna á nefinu en maður lét sig hafa það. Eftir skötuveisluna var farið heim og jólatréð skreytt. Ilmurinn af trénu var svo yndislegur og man ég alltaf hvað mér þótti yndislegt að vakna á aðfangadagsmorgun og finna ilminn í stofunni. Amma mín og afi nutu með okkur samverunnar á aðfangadagskvöld. Það var svo yndislegt að hafa þau hjá okkur. Þau byrjuðu að vera hjá okkur eftir að yngsti sonur þeirra flutti að heiman,“ segir Ásgerður og er með það á hreinu hvað sé það besta við jólin.„Samverustundirnar með fjölskyldu og vinum. Að skapa fallegar minningar og hefðir.“
Jól Jólaskraut Mest lesið Andrea Róberts keypti einbýli sem þarfnast ástar Lífið Gerir upp sögu Séð og heyrt: „Þetta er mjög sterkur samfélagsspegill“ Lífið Spacey á barmi gjaldþrots Lífið Rómantísk útsýnisíbúð Bergrúnar Írisar til sölu Lífið Georg í Sigur Rós keypti vistvænt hús við einn besta golfvöll landsins Lífið Hefur ekki hugmynd um hvað tekur nú við Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Litrík hlaupagleði í Laugardalnum Lífið Katrín Edda og Markus opinbera kynið Lífið Vandamálið við fætur, þeir eru í laginu eins og fætur Lífið samstarf Fleiri fréttir Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Stofnaði íþróttavörumerki tvítug Sjá meira
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið