Hættuástand víða á vegum Finnur Thorlacius skrifar 31. mars 2015 10:55 Özur Lárusson, framkvæmdastjóri Bílgreinasambandsins. Aðalfundur Bílgreinasambandsins var haldinn á Hótel Reykjavík Natura á dögunum og var slæmt ástand vega mikið rætt á fundinum sem og þrengingar gatna og fækkun bílastæða. ,,Eins og mikið hefur verið í umræðunni uppá síðkastið er ástand vega og gatna, hvort sem um er að ræða þjóðvegi eða vegi í þéttbýli afar bágborið og er staðan víða þannig að hættuástand hefur myndast. Fjöldi bifreiða hefur skemmst bæði þannig að hjólbarðar og felgur hafa eyðilagst sem og hjólabúnaður hefur laskast og þannig skapast mikil hætta fyrir þá aðila sem í umræddum bílum ferðast sem og öðrum sem á vegi þeirra kunna að verða. Aðilar innan Bílgreinasambandsins fagna ávallt að hafa næg verkefni en þeim hefur fjölgað gífurlega nú í vetur vegna ástands gatna og vega. Það er hins vegar engum greiði gerður með stórhættulegu gatnakerfi og því telja aðilar Bílgreinasambandsins sig knúna til að benda stjórnvöldum á þessa alvarlegu stöðu sem er að skapa stórhættu oft á dag og gæti endað með banaslysi. Öllum er ljóst að undanfarin ár hefur mikið skort á í viðhaldi vega og gatna vegna mikils niðurskurðar og nú verður ekki lengur við svo búið," segir Özur Lárusson, framkvæmdastjóri Bílagreinasambandsins. Aðalfundur Bílgreinasambandsins hvetur alla sem hlut eiga að máli að hefjast handa við að bæta úr þessu ófremdarástandi og nýta þá fjármuni sem falla til m.a. í gegnum skattkerfi bílgreinarinnar sbr. bensínskatta til viðhalds og endurnýjunar vegakerfisins þar til vegir og götur eru komin í viðunandi ástand að nýju. ,,Þá vill Bílgreinasambandið benda á að við búum á norðurhjara veraldar, þar sem bíllinn er einn þarfasti þjónninn og flest allar aðgerðir til að þrengja um of að bílnum, t.d. með þrengingum gatna, fækkun bílastæða o.s.frv. eru til þess fallnar að auka kostnað og óþægindi íbúanna og þeirra sem byggja þetta land," segir Özur. Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent Leiðinlegt fyrir útskriftarnema sem er hent út áður en þeir taka sopa Innlent „Við munum ekkert hreyfa okkur í sumar“ Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Harma banaslysið og hafa uppfært verkferla Innlent Eldur logar í þaki Kringlunnar Innlent Fleiri fréttir Flottustu Mustang bílarnir landsins til sýnis í dag Sjá meira
Aðalfundur Bílgreinasambandsins var haldinn á Hótel Reykjavík Natura á dögunum og var slæmt ástand vega mikið rætt á fundinum sem og þrengingar gatna og fækkun bílastæða. ,,Eins og mikið hefur verið í umræðunni uppá síðkastið er ástand vega og gatna, hvort sem um er að ræða þjóðvegi eða vegi í þéttbýli afar bágborið og er staðan víða þannig að hættuástand hefur myndast. Fjöldi bifreiða hefur skemmst bæði þannig að hjólbarðar og felgur hafa eyðilagst sem og hjólabúnaður hefur laskast og þannig skapast mikil hætta fyrir þá aðila sem í umræddum bílum ferðast sem og öðrum sem á vegi þeirra kunna að verða. Aðilar innan Bílgreinasambandsins fagna ávallt að hafa næg verkefni en þeim hefur fjölgað gífurlega nú í vetur vegna ástands gatna og vega. Það er hins vegar engum greiði gerður með stórhættulegu gatnakerfi og því telja aðilar Bílgreinasambandsins sig knúna til að benda stjórnvöldum á þessa alvarlegu stöðu sem er að skapa stórhættu oft á dag og gæti endað með banaslysi. Öllum er ljóst að undanfarin ár hefur mikið skort á í viðhaldi vega og gatna vegna mikils niðurskurðar og nú verður ekki lengur við svo búið," segir Özur Lárusson, framkvæmdastjóri Bílagreinasambandsins. Aðalfundur Bílgreinasambandsins hvetur alla sem hlut eiga að máli að hefjast handa við að bæta úr þessu ófremdarástandi og nýta þá fjármuni sem falla til m.a. í gegnum skattkerfi bílgreinarinnar sbr. bensínskatta til viðhalds og endurnýjunar vegakerfisins þar til vegir og götur eru komin í viðunandi ástand að nýju. ,,Þá vill Bílgreinasambandið benda á að við búum á norðurhjara veraldar, þar sem bíllinn er einn þarfasti þjónninn og flest allar aðgerðir til að þrengja um of að bílnum, t.d. með þrengingum gatna, fækkun bílastæða o.s.frv. eru til þess fallnar að auka kostnað og óþægindi íbúanna og þeirra sem byggja þetta land," segir Özur.
Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent Leiðinlegt fyrir útskriftarnema sem er hent út áður en þeir taka sopa Innlent „Við munum ekkert hreyfa okkur í sumar“ Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Harma banaslysið og hafa uppfært verkferla Innlent Eldur logar í þaki Kringlunnar Innlent Fleiri fréttir Flottustu Mustang bílarnir landsins til sýnis í dag Sjá meira