Innlent

Lokatölur í Reykjavík: Meirihlutinn fallinn

Fanney Birna Jónsdóttir skrifar
Meirihluta samstarf Samfylkingarinnar og Bjartrar framtíðar verður ekki án aðkomu þriðja flokksins á þessu nýja kjörtímabili.
Meirihluta samstarf Samfylkingarinnar og Bjartrar framtíðar verður ekki án aðkomu þriðja flokksins á þessu nýja kjörtímabili. Vísir/Daníel

Samfylkingin er stærsti flokkurinn í borgarstjórn eftir að lokatölur voru tilkynntar um klukkan sjö.

Meirihluti Samfylkingar og Besta flokksins, nú Bjartrar framtíðar, er fallinn.

Samfylkingin fékk 31,9 prósent atkvæða og fimm borgarfulltrúa.

Næst stærsti flokkurinn er Sjálfstæðisflokkur sem fékk 25,7 prósent og fjóra borgarfulltrúa.

Björt framtíð fékk 15,6 prósent og tvo borgarfulltrúa.

Framsókn og flugvallarvinir fengu 10,7 prósent og tvo borgarfulltrúa.

Vinstri grænir fengu 8,3 prósent og einn borgarfulltrúa og Píratar náðu manni inn á lokasprettinum með 5,9 prósent.

Hvorki Alþýðufylkingin né Dögun náðu inn manni og fengu undir 2 prósentum.

Atkvæðin féllu á þessa leið:

Heildartalan 56.896
Framsókn og flugvallarvinir – 5.865 
Sjálfstæðisflokkur – 14.031
Alþýðufylking - 219
Samfylking – 17.426
Dögun - 774
Vinstri grænir – 4.553
Píratar – 3.238
Björt framtíð – 8.539
Auðir – 2.024
Ógildir - 227

Í borgarstjórn munu því sitja Dagur B. Eggertsson, Björk Vilhelmsdóttir, Hjálmar Sveinsson, Kristín Soffía Jónsdóttir og Skúli Helgason, Samfylkingu. Halldór Halldórsson, Júlíus Vífill Ingvarsson, Kjartan Magnússon og Áslaug Friðriksdóttir Sjálfstæðisflokki. S. Björn Blöndal og Elsa Yeoman, Bjartri framtíð. Sveinbjörg Birna Sveinbjörnsdóttir og Guðfinna Jóh. Guðmundsdóttir, Framsókn og flugvallarvinum. Sóley Tómasdóttir Vinstri grænum og Halldór Auðar Svansson Pírötum.

Í samtali við Vísi segir Tómas Hrafn Sveinsson formaður kjörstjórnar í Reykjavík tafirnar hafi ekki orðið vegna talningar heldur hafi verið um að ræða bókhalds og innsláttarvillu úr einni kjördeild.


Tengdar fréttir

„Við spyrjum að leikslokum“

Sjálfstæðisflokkurinn er stærstur í Reykjavík, miðað við nýjustu tölur. Halldór Halldórsson, oddviti flokksins, vill ekki fagna of snemma.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.