Innlent

Fengu að sjá leynilegar reglur um valdbeitingarheimildir lögreglunnar

Aðalsteinn Kjartansson skrifar
Helgi sagði reglurnar vekja upp spurningar sem hann gæti ekki rætt vegna trúnaðar um þær.
Helgi sagði reglurnar vekja upp spurningar sem hann gæti ekki rætt vegna trúnaðar um þær. Vísir / GVA
Þingmenn í allsherjar- og menntamálanefnd fengu í morgun að skoða leynilegar reglur lögreglunnar um notkun vopna. Þeir þurftu að kvitta fyrir móttöku og skil á reglunum, þeir voru beðnir um trúnað og þeir máttu ekki halda eftir eintaki af reglunum. Þetta sagði Helgi Hrafn Gunnarsson, þingmaður Pírata og fulltrúi í nefndinni, á Alþingi í dag.

Reglurnar eru hvergi birtar opinberlega og er, eins og fram komi í máli Helga, strangur trúnaður um þær. Helgi telur það þó ekki þurfa að vera. „Eftir að hafa séð þessar reglur þá fullyrði ég að þegar allt komi til alls þá veki leyndin yfir þeim meiri ótta en þann sem borgarar mættu búast við ef leyndinni væri aflétt,“ sagði hann.

Nefndin fundaði í morgun með fulltrúum Landhelgisgæslunnar um byssukaup og gjafir frá norska hernum. Greint hefur verið frá því að gæslan hafi flutt inn 310 hríðskotabyssur og annan búnað frá Noregi. Málið hefur verið gagnrýnt harðlega en ekki var haft samráð við þingið eða stjórnvöld áður en ákvörðun var tekin um að fá vopnin.

„Við vorum að fara yfir þessar reglur í þessari nefnd vegna þessa hergagnamáls sem hefur nú verið mikið til umræðu í þjóðfélaginu og reglurnar svara mörgum spurningum, sem ég get ekki rætt hér og ég get ekki rætt í nefnd vegna þess að ég hef ekki eintak af reglunum,“ sagði Helgi í ræðunni „Þær vekja líka margar spurningar sem ég get ekki rætt hér og við getum ekki rætt í nefnd, vegna þess að við höfum ekki eintak af reglunum.“

Helgi sagði augljóst af ummælum í fjölmiðlum að dæma að fulltrúar gæslunnar og lögreglunnar hafi talað með þeim hætti að þeir vitnuðu sem minnst til umræddra reglna. „Þetta þýðir það að svörin sem við fáum héðan og þaðan eru ýmist óskýr eða beinlínis villandi. Hvorugt er í lagi þegar við erum að reyna að taka lýðræðislegar ákvarðanir um það hvernig við ætlum að haga löggæslu í þessu landi,“ sagði hann.


Tengdar fréttir

Það sem við vitum um byssurnar frá norska hernum

Landhelgisgæslan hafði milligöngu um afhendingu á 150 MP5 hríðskotarifflum frá norska hernum til ríkislögreglustjóra. Formenn stærstu stjórnarandstöðuflokkanna gagnrýna harðlega að svo mikið magn vopna hafi verið afhent lögreglunni án sérstaks samþykkis ráðherra eða umræðu í þinginu.

Lögreglan ætlar ekki að borga fyrir vopnin

Samkvæmt kaupsamningi Landhelgisgæslunnar og norska hersins átti að greiða jafnvirði 11,5 milljóna króna fyrir 250 hríðskotabyssur. Ríkislögreglustjóri á von á að fá 150 byssur án endurgjalds. Gæslan segist ekki hafa greitt fyrir byssurnar.

Ráðherrar sverja af sér vélbyssur

Gunnar Bragi Sveinsson utanríkisráðherra segist ekki haft nein afskipti af komu 250 MP5-hríðskotabyssa hingað til lands. Hanna Birna Kristjánsdóttir innanríkisráðherra segir að lögreglan hafi heimild til að endurnýja búnað sinn án þess að ráðherra skipti

Utanríkisráðuneytið kom ekki að vopnakaupunum

Utanríkisráðherra segist með engum hætti hafa komið að kaupunum á vélbyssunum frá Noregi þvert á það sem kom fram á fundi Allsherjarnefndar Alþingis í vikunni.

MP5 sögð öruggari en skammbyssa

Ekkert lögregluembættanna hefur enn farið fram á að fá MP5-hríðskotabyssur til afnota en yfirmaður lögreglunnar á Akureyri segir hríðskotabyssurnar öruggari en skammbyssur og því verði líklega farið fram á að fá þær.

Tollskylt hafi vopn verið keypt

Tollstjóri hefur innsiglað norsku hríðskotabyssurnar vegna óvissu um hvort þær eru keyptar eða gefnar.




Fleiri fréttir

Sjá meira


×