Erlent

Brotttreknir íbúar Bakú fá 230 þúsund fyrir fermetrann

Bakú-höllin.
Bakú-höllin.
Íbúðaeigendur, sem hefur verið gert að rýma húnæði sitt vegna byggingar tónleikarhallar í Bakú í Azerbaijan fyrir Eurovision söngvakeppnina, fá greiddar 230 þúsund krónur á fermetrann samkvæmt fréttavef BBC. Það er álíka og fermetraverðið er í góðum hverfum í Reykjavík. Engu að síður er það helmingi lægra en gengur og gerist á þessu svæði í Bakú samkvæmt frétt BBC.

Í þessum íbúðum hafi búið vel stætt fólk, eða fólk sem er tilbúið til þess að greiða hátt verð fyrir að búa í miðborginni, þar sem höllin er risin, segir BBC. Ríkið hefur tekið húsnæði eignarnámi og greitt bæturnar.

Um 300 fjölskyldur hafa yfirgefið heimili sín og þau tekin eignanámi svo hægt sé að reisa tónleikahöllina. Það sem gerist nú er reyndar ekkert nýtt. Stjórnvöld í Azerbaijan hafa notað olíuauðinn til þess að nútímavæða borgina, og hafa í leiðinni brotið ítrekað á eignarrétti íbúa í landinu.

Meðal annars eru til dæmi um að fjölskylda sé rekin út um miðja nótt. Þau handtekin og yfirheyrð. Á sama tíma eru allar eigu hreinsaðar út úr húsinu og það svo rifið niður. Það átti sér stað fyrir tveimur árum síðan í Bakú.

Fréttastofa BBC segir í grein sinni að fréttamaður þeirra hafi ítrekað reynt að hafa samband við talsmann stjórnarinnar, Gulu Ogtay Halilov, sem reyndist aldrei viðlátinn til þess að tjá sig um málið. Þegar fréttamenn hringdu svo í borgarmálayfirvöld var alltaf skellt á þá um leið og fréttamennirnir báru upp erindi sín.

Tónlistarmaðurinn Páll Óskar hvetur til þess að Ísland dragi sig úr keppninni til þess að mótmæla mannréttindabrotum í Bakú. Páll Magnússon, sjónvarpsstjóri, benti þá á að hugsanlega væri það betur til þess fallið að fara til Bakú svo kastljós fjölmiðla beindist frekar að mannréttindabrotum stjórnvalda.

Það á hinsvegar eftir að koma í ljós hvort Íslendingar taka þátt, en sjónvarpsstjórar Norðurlanda munu funda um málið í lok mánaðarins.


Tengdar fréttir

Stebbi Hilmars vill sönglagakeppni fyrir Norðurlöndin

"Ég hef lengi verið á því að það væri fín hugmynd að halda samnorræna sönglagakeppni, hafa Færeyjar líka með, 2-3 lög frá hverju landi, jafnvel fleiri. Eurovision er orðið of mikið monster," segir Stefán Hilmarsson, tónlistarmaður á Facebook-síðu sinni.

Sviðið stækkað fyrir Eurovision

Á annað hundrað manns koma nálægt úrslitum Eurovision á einn eða annan hátt í Eldborgarsal Hörpunnar næsta laugardag.

Eðlilegt að Ríkisútvarpið ræði ástandið í Bakú

Katrín Jakobsdóttir menntamálaráðherra segir eðlilegt að Ríkisútvarpið og önnur félög innan EBU, sem heldur Eurovision söngkeppnina, taki umræðu um mannréttindabrot sem kunna að vera framin í löndum sem eiga aðild að keppninni. Þetta segir hún aðspurð út í viðbrögð sín við skrifum Páls Óskars Hjálmtýssonar um Eurovision.

Ísland á að draga sig út úr Eurovisionkeppninni í ár

"Mín afstaða er mjög skýr: Ísland á að draga sig út úr Eurovisionkeppninni í ár til að mótmæla framferði borgaryfirvalda í Aserbaidsjan gagnvart þegnum sínum. Þetta er skýrt og klárt mannréttindabrot,“ segir Páll Óskar Hjálmtýsson í forsíðuviðtali Lífsins, fylgiblaði Fréttablaðsins á morgun, föstudag. "Ég upplifi mig alls ekki einan hvað þetta mál varðar. Ég hef ekki fundið einn gallharðan Eurovisionaðdáanda sem er ekki sammála mér.“ Páll Óskar heldur engu aftur þegar kemur að Eurovision, ástinni eða forsetaframboði.

Enginn hefur ákveðið að draga lag sitt úr undankeppni Eurovision

„Ekki meiri meðvirkni – við verðum að setja mörk þegar mannréttindi eru brotin, halda eigin sjálfsvirðingu og sýna fórnarlömbunum samhug í verki,“ segir söngvarinn Páll Óskar Hjálmtýsson í pistli sem hann birti á Facebook í vikunni.

Óvíst að Aserum sé greiði gerður ef Íslendingar sitja heima

Það hefur engin ákvörðun verið tekin um það að hætta við þátttöku í Eurovision í Aserbaijan, segir Páll Magnússon útvarpsstjóri. Nafni hans, Páll Óskar Hjálmtýsson, hefur sagt opinberlega að hann vilji að Ísland taki ekki þátt í keppninni vegna mannréttindabrota í landinu. Nýjasta dæmi um þau er að íbúar í Bakú, höfuðborg landsins, hafa verið reknir af heimilum sínum og þau jöfnuð við jörðu. Þetta er gert til þess að hægt sé að byggja tónleikahöll fyrir keppnina.

Páll Óskar vill að Ísland taki ekki þátt í Eurovision

"Ég hef nú þegar hvatt Pál Magnússon til að afþakka þátttöku Íslands í Eurovision í Bakú. Ég vona að hann geri það og taki þessari áskorun minni. Listamaðurinn sem vinnur keppnina á laugardaginn getur líka afþakkað ferðina sjálfur ef hann vill," segir Páll Óskar Hjálmtýsson söngvari á Facebook-síðu sinni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×